అనుమానస్పద స్థితిలో వ్యక్తి మృతి..?

కుప్పం, త్రిశూల్ న్యూస్ :

చిత్తూరు జిల్లా కుప్పం మండలంలోని దాసేగౌనూరు గ్రామంలోని బైరప్ప కొట్టలులో వ్యక్తి అనుమానాస్పద స్థితిలో మృతి చెందిన మంగళవారం వెలుగు చూసింది. మృతుడు బంగారప్పగా స్థానికులు గుర్తించి పోలీసులకు సమాచారం అందించారు. సమాచారం అందుకున్న పోలీసులు సంఘటనా స్థలానికి చేరుకుని మృతదేహాన్ని పరిశీలించి దర్యాప్తు చేస్తున్నారు. మృతుడికి భార్య, ఇద్దరు పిల్లలు ఉన్నారు. మృతదేహాన్ని పోస్టుమార్టం నిమిత్తం జిల్లా ప్రభుత్వ ఆసుపత్రికి తరలించారు. కుటుంబసభ్యులు ఇచ్చిన పిర్యాదు మేరకు కేసు నమోదు చేసుకున్న కుప్పం పోలీసులు దర్యాప్తు చేపట్టారు.