చిత్తూరు ఉమ్మడి జిల్లాకు రానున్న నారా లోకేష్..!
- పార్టీ నేతలను, కార్యకర్తలను పరామర్శించునున్న లోకేష్
తిరుపతి, త్రిశూల్ న్యూస్ :
తెలుగుదేశం పార్టీ జాతీయ ప్రధాన కార్యదర్శి నారా లోకేష్ రేపు ఒక్క రోజు పర్యటన నిమిత్తం ఉమ్మడి చిత్తూరు జిల్లాకు రానున్నారు. ఇటీవల వైసిపి అక్రమంగా పెట్టిన కేసుల్లో రిమాండులో ఉన్న టిడిపి నాయకులను, కార్యకర్తలను పరామర్శించునున్నారు. మంగళవారం మధ్యాహ్నం 2.00 గంటకు రేణిగుంట విమానాశ్రయమునకు చేరుకొంటారు. అక్కడనుండి రోడ్డు మార్గంలో తిరుపతి - చంద్రగిరి బైపాస్ , నేండ్రగుంట , పూతలపట్టు మీదుగా చిత్తూరు జిల్లా కేంద్రంలోని గిరింపేట నందు గల జిల్లా కారాగారం (సబ్ జైలు)వద్దకు చేరుకుంటారు. అక్కడ మొన్న చంద్రబాబు పర్యటనలో చోటు చేసుకున్న ఘటనలో రిమాండులో ఉన్న మాజీ జిల్లా ఎమ్మెల్సి గౌనివారి శ్రీనివాసులను, కుప్పం నాయకులును మరియు పూతలలపట్టు నియోజకవర్గ కార్యకర్తలను కలిసి పరామర్శించి వారితో మాట్లాడుతారు. అనంతరం అక్కడనుండి బయలుదేరి చంద్రగిరి మండలం చేరుకొని ఇటీవల రోడ్డు ప్రమాదంలో మరణించిన చంద్రగిరి మండల తెలుగు యువత అధ్యక్షులు భాను ప్రకాష్ రెడ్డి కుటుంబ సభ్యులను మరియు చిత్తూరు పార్లమెంట్ పార్టీ కార్యనిర్వాహక కార్యదర్శి గంగనపల్లి భాస్కర్ కుటుంబ సభ్యులను కలిసి పరామర్శిస్తారు. ఆ తర్వాత తిరుగు ప్రయాణం ఉండవల్లిలోని నివాసానికి వెళ్లనున్నారు.
Comments
Post a Comment