వినాయక చవితి శుభాకాంక్షలు తెలిపిన ఏపీ గవర్నర్..!

విజయవాడ, త్రిశూల్ న్యూస్ :

వినాయక చవితి పండుగ సందర్భంగా రాష్ట్ర ప్రజలకు ఆంధ్రప్రదేశ్ గవర్నర్ బిశ్వభూషణ్ హరి చందన్ హృదయపూర్వక శుభాకాంక్షలు తెలియచేసారు. తమ ప్రయత్నాలలో అడ్డంకులు తొలిగి, చేపట్టిన పనులు విజయవంతం కావాలని భక్తులు విఘ్నేశ్వరునికి ప్రార్థిస్తారన్నారు. ఈ ముఖ్యమైన హిందూ పండుగను కుటుంబ సభ్యులందరూ కలిసి ఎంతో భక్తి, సంతోషంతో జరుపుకుంటారన్నారు. ఈ శుభదినాన ప్రజలు తమ వ్యాపారాలు విజయవంతం కావడానికి గణేశుడికి ప్రత్యేకంగా ప్రార్థనలు చేయడం ఆచారంగా ఉందని గవర్నర్ ప్రస్తుతించారు. రాష్ట్ర ప్రజలు అందరికీ శాంతి, సామరస్యాలతో కూడిన జీవితాన్ని గడపడానికి విఘ్నేశ్వరుడు దీవెనలు ప్రసాదించాలని తాను ప్రార్థిస్తున్నానని ఈ సందర్భంగా గవర్నర్ బిశ్వభూషణ్ హరిచందన్ పేర్కొన్నారు. ఈ మేరకు రాజ్ భవన్ నుండి ఒక ప్రకటన విడుదల చేసారు.