నేడు కుప్పంలో మూడో రోజు పర్యటించునున్న చంద్రబాబు..!

కుప్పం, త్రిశూల్ న్యూస్ :

తెలుగుదేశం పార్టీ అధినేత, కుప్పం నియోజకవర్గ ఎమ్మెల్యే నారా చంద్రబాబు నాయుడు నేడు కుప్పంలో పర్యటించునున్నారు. మూడు రోజుల పర్యటన నిమిత్తం కుప్పంకు వచ్చిన చంద్రబాబు శుక్రవారం కుప్పం, గుడుపల్లె మండలాల్లో పర్యటన చేయునున్నారు. కుప్పం ఆర్ అండ్ బి అతిధి గృహంలో బస చేస్తున్న చంద్రబాబు ఉదయం 10.30 గంటలకు నియోజకవర్గ ప్రజల నుంచి వినతులు స్వీకరించునున్నారు. 11.30 గంటలకు కుప్పం మున్సిపాలిటీ పరిధిలోని మోడల్ కాలనీలోని ప్రజలతో మాట్లాడుతారు. మధ్యాహ్నం 12.30కు కుప్పం మండలం కృష్ణధాసనపల్లె, 3.00 గంటలకు జరుగు, 3.30కు గుడ్లనాయనపల్లె గ్రామాల్లో పర్యటన సాగుతుంది. సాయంత్రం 4.30కు గుడుపల్లె మండలం ఓఎన్. గ్రామంలో పర్యటన చేసి అనంతరం తమిళనాడు రాష్ట్రం మీదుగా బెంగళూరు విమానాశ్రయం చేరుకుంటారు. చంద్రబాబు పర్యటనలో భాగంగా గ్రామీణ ప్రజలతో మమేకం కానున్నారు. ఇందుకోసం టిడిపి నేతలు, కార్యకర్తలు భారీ ఏర్పాట్లు చేశారు.