కుప్పంలో రేపటి నుంచి శ్రీ ప్రసన్న కదిరిబండ లక్ష్మీ నరసింహ స్వామి బ్రహ్మోత్సవాలు..!
కుప్పం, త్రిశూల్ న్యూస్ :
చిత్తూరు జిల్లా కుప్పం మున్సిపాలిటీ పరిధిలోని యలాజనూరులో నెలకొని ఉన్న శ్రీ ప్రసన్న కదిరిబండ లక్ష్మీనరసింహస్వామి బ్రహ్మోత్సవాలు ఆదివారం నుండి మంగళవారం పౌర్ణమి వరకు బ్రహ్మోత్సవాలు జరుగుతున్నట్లు ఆలయ కమిటీ సభ్యులు పేర్కొన్నారు. ఈ కార్యక్రమంలో భాగంగా ఆలయ ప్రధాన అర్చకులు వెంకటాచలం మాట్లాడుతూ ఆదివారం కంకణ ధారణ ధరలోత్సవం, సోమవారం వాహన ఉత్సవం మరియు ఘనంగా కళ్యాణోత్సవం మంగళవారం రథోత్సవం ఘనంగా నిర్వహించడం జరుగుతుందని చెప్పారు. కావున భక్తులు స్వామివారి కైంకర్యములలో పాల్గొని తీర్థ ప్రసాదములు స్వీకరించి స్వామివారి కృపకు పాత్రులు కావాలని ఆలయ ధర్మకర్తలు మునస్వామి, వెంకటేశు, రాజప్ప పేర్కొన్నారు.
Comments
Post a Comment