2024 ఎన్నికల్లో కుప్పంలో చంద్రబాబుకు లక్ష ఓట్ల మెజారిటీకి నిరంతరం కృషి - ఎం. మంజునాథ్

కుప్పం, త్రిశూల్ న్యూస్ :

రాబోయే ఎన్నికల్లో కుప్పం తరుపున చంద్రబాబు నాయుడుకు లక్ష ఓట్ల మెజారిటీయే లక్ష్యంగా కృషి చేస్తానని నియోజకవర్గ తెలుగుదేశం పార్టీ విస్తరణ విభాగం సభ్యులు ఎం. మంజునాథ్ ఓ ప్రకటనలో పేర్కొన్నారు. ఈ సందర్బంగా ఆయన మాట్లాడుతూ కుప్పం నియోజకవర్గంలో తెలుగుదేశం పార్టీ విస్తరణ విభాగంలో సభ్యుడుగా నన్ను ఎంపిక చేసినందుకు రాష్ట్ర పార్టీ అధ్యక్షులు అచ్చన్నయుడుకి కృతజ్ఞతలు, అలాగే ఈ బాధ్యతలు అప్పగించిన కాబోయే ముఖ్యమంత్రి నారా చంద్రబాబు నాయుడుకి పాదాభివందనాలు అన్నారు. నాకు ఈ స్థానం కల్పించడానికి కృషి చేసిన కుప్పం ఇంచార్జ్ మునిరత్నంకు, ఎమ్మెల్సి కంచర్ల శ్రీకాంత్, మాజీ ఎమ్మెల్సీ గౌనివారి శ్రీనివాసులు, మనోహర్, పి గోపీనాథ్ లకు  ప్రత్యేక ధన్యవాదాలన్నారు. పార్టీకి చేసిన సేవలను గుర్తించి తనకు ఈ బాధ్యత కల్పించడంతో చంద్రబాబుకు లక్ష ఓట్ల మెజారిటీ లక్ష్యంగా పెట్టుకుని పార్టీ అభ్యున్నతికి నిరంతరం కృషి చేస్తానని మంజునాథ్ ఈ సందర్బంగా తెలిపారు.