కుప్పంలో ఘనంగా మాజీ ప్రధాని రాజీవ్ గాంధీ జయంతి వేడుకలు..!

కుప్పం, త్రిశూల్ న్యూస్ :

భారతరత్న, మాజీ ప్రధాని రాజీవ్ గాంధీ జయంతి వేడుకలను కుప్పం నియోజకవర్గ కాంగ్రెస్ పార్టీ శ్రేణులు ఘనంగా నిర్వహించారు. ఆదివారం కుప్పం పట్టణంలోని కాంగ్రెస్ పార్టీ కార్యాలయం నందు దివంగత ప్రధానమంత్రి రాజీవ్ గాంధీ జయంతిని పురస్కరించుకుని ఆయన చిత్ర పటానికి కాంగ్రెస్ పార్టీ నేతలు పూలమాలలు వేసి ఘనంగా నివాళులర్పించారు. ఈ సందర్బంగా కాంగ్రెస్ నాయకులు మాట్లాడుతూ.. అతి చిన్న వయసులోనే భారతదేశ ఆరవ ప్రధానిగా  పదవిని చేపట్టిన వ్యక్తి రాజీవ్ గాంధీ అని వారు కొనియాడారు. భారత ప్రజల సంక్షేమం కోసం అహర్నిశలు కృషి చేసిన మహానాయకుడు రాజీవ్ గాంధీ అని అన్నారు. ఈ కార్యక్రమంలో కుప్పం నియోజకవర్గ కాంగ్రెస్ పార్టీ ఓబిసి అధ్యక్షుడు ఎల్ మురుగన్, సీనియర్ నేతలు పళని, గోవిందప్ప, నాగరాజాచారి, మునిస్వామి, సుందర మూర్తి, వేణు, వెంకటేష్, కె. నాగరాజు, శ్రీహరి, ముని రామప్ప, తిమ్మప్ప, మునికుట్టి, కాంగ్రెస్ పార్టీ కార్యకర్తలు, రాజీవ్ గాంధీ అభిమానులు, తదితరులు పాల్గొన్నారు.