టిడిపి పథకాలపై ప్రజలకు అవగాహన కల్పించండి..!

- టిడిపి నియోజకవర్గ సమీక్ష సమావేశంలో బత్యాల

రాజంపేట, త్రిశూల్ న్యూస్ :

 ఇతర దేశాల్లో ప్రాంతాల్లో ఉన్నటువంటి మన పార్టీకి చెందిన ఓటర్లను గుర్తించి వారి వివరాలను వెంటనే అందజేయాలని అదే విధంగా టిడిపి పథకాలపై ప్రజలకు పూర్తిస్థాయిలో అవగాహన కల్పించి శంఖారావం, బాబు సూపర్ సిక్స్ సంబంధించి రిజిస్ట్రేషన్స్ కార్యక్రమాన్ని వేగవంతం చేయాలని మాజీ ఎమ్మెల్సీ, తెలుగుదేశం పార్టీ రాష్ట్ర ప్రధాన కార్యదర్శి, రాజంపేట నియోజకవర్గ ఇంచార్జ్ బత్యాల చంగల్ రాయుడు టిడిపి నాయకులకు, కార్యకర్తలకు దిశనిర్దేశం చేశారు. గురువారం నాడు రాజంపేట పట్టణంలోని బత్యాల భవన్లో "శంఖారావం బాబు సూపర్ సిక్స్" కార్యక్రమంపై నియోజకవర్గంలోని అన్ని మండలాల నుండి పార్టీ అధ్యక్షులు, ప్రధాన కార్యదర్శులు, క్లస్టర్, యూనిట్ ఇన్చార్జీలు, బూత్ కన్వీనర్లు, రాష్ట్ర, పార్లమెంట్, అసెంబ్లీ పదాధికారులతో నియోజకవర్గస్థాయి సమీక్ష సమావేశం నిర్వహించి సమీక్షించారు. ఈ సందర్భంగా బత్యాల మాట్లాడుతూ తెలుగుదేశం పార్టీకి చెందిన కుటుంబసభ్యులు అందరూ ఎన్నికల సమరానికి సిద్ధం కావాలని పిలుపునిచ్చారు. ముఖ్యంగా ఓటర్ల తుది జాబితాలో అధికార పార్టీ నాయకులు అక్రమాలకు పాల్పడ్డారని తెలిపారు. దొంగ ఓట్లు, మృతుల ఓట్లు తొలగించాలని ఎన్నో పర్యాయాలు తెలుగుదేశం పార్టీ తరఫున అధికారుల ఫిర్యాదు చేసిన ఇంకా కొన్ని ఓట్లు అలానే ఉన్నాయని అన్నారు. కావున ప్రతి ఒక్కరూ ఓటరు జాబితా పై దిష్టి సారించి మన పార్టీకి సంబంధించిన ఓట్లు ఉన్నాయో లేవో ఒకసారి క్షుణ్ణంగా పరిశీలించాలని తెలిపారు. అదేవిధంగా మన పార్టీకి సంబంధించి ఇతర ప్రాంతాల్లో దేశాల్లో ఉన్నటువంటి ఓటర్లను వివరాలను కూడా సేకరించి వారిని ఎన్నికలకు తీసుకొచ్చేందుకు సత్వర చర్యలు చేపట్టాలని తెలిపారు. ఈ కార్యక్రమంలో తెలుగుదేశం పార్టీ నాయకులు, కార్యకర్తలు, పధాధికారులు పెద్ద ఎత్తున పాల్గొన్నారు.