టాస్క్ ఫోర్స్ ఆపరేషన్ సిబ్బందికి ఎలక్ట్రాల్ పంపిణీ..!
తిరుపతి, త్రిశూల్ న్యూస్ :
ఎర్రచందనం పరిరక్షణకు అడవుల్లో కూంబింగ్ ఆపరేషన్ లలో పాల్గొనే సిబ్బందికి టాస్క్ ఫోర్స్ ఎస్పీ శ్రీనివాస్ గురువారం ఎలక్ట్రాల్ ప్యాకెట్లను పంపిణీ చేశారు. భగ్గుమంటున్న ఎండల ధాటికి సిబ్బంది డీ హైడ్రేషన్ కు గురి కాకుండా తగిన చర్యలు ఎస్పీ శ్రీనివాస్ తీసుకుంటున్నారు. ఎండలు ఎక్కువగా ఉన్నప్పటికీ ఆపరేషన్ సిబ్బంది యధావిధిగా తమ విధులను నిర్వహిస్తున్నారు. దీంతో సిబ్బంది ఎండల బారిన పడి అనారోగ్యానికి గురి కాకుండా చర్యలు తీసుకుంటున్నారు. అవసరమైన ఆరోగ్య జాగ్రత్తలు పాటించేందుకు సహకరిస్తున్నారు. ఈ సందర్బంగా ఎస్పీ శ్రీనివాస్ మాట్లాడుతూ ఇదే విధంగా రైల్వే కోడూరు, సానిపాయ, కడప సబ్ కంట్రోల్ కేంద్రాల ఆపరేషన్ టీమ్ లోని వంద మందికి పైగా సిబ్బందికి ఎలక్ట్రాల్ ప్యాకెట్లు అందజేసినట్లు తెలిపారు. వ్యూహాత్మక ప్రాంతాల్లో నిఘా తీవ్రం చేశామని చెప్పారు. సిబ్బంది వడదెబ్బ బారిన పడకుండా ముందు జాగ్రత్తలు తీసుకుంటున్నట్లు చెప్పారు. ఈ కార్యక్రమంలో డీఎస్పీ చెంచుబాబు, ఆపరేషన్స్ ఆర్ ఐ సురేష్ కుమార్ రెడ్డి, సిఐ శ్రీనివాసులు, ఆర్ ఎస్ ఐలు పాల్గొన్నారు.
Comments
Post a Comment