అనంతపురం జిల్లాలో ఘోర రోడ్డు ప్రమాదం.. ఐదుగురి మృతి..!

అనంతపురం, త్రిశూల్ న్యూస్ :

అనంతపురం జిల్లాలో శనివారం ఉదయం ఘోర రోడ్డు ప్రమాదం జరిగింది. కారు, లారీ ఢీకొన్న ఘటన లో ఒకే కుటుంబానికి చెందిన ఐదుగురు మృతి చెందారు. గుత్తి మండలం బాచుపల్లి గ్రామ సమీపంలోని 44వ నెంబర్ జాతీయ రహదారి పై ఈరోజు ఉదయం ఈ ఘటన చోటు చేసుకుంది. కాగా ప్రమాదంలో మరో ఇద్దరికి తీవ్ర గాయాలయ్యాయి. మృతులను అనంతరం జిల్లా రాణి నగర్‌కు చెందిన షేక్ అలిసాబ్, ఫిరోజ్ బాషా, మహమ్మద్ అమాన్, ఆయాన్, రెహానాగా గుర్తించారు. గాయపడిన మరో ఇద్దరు జాహిద, బీబీని అనంతపురం ప్రభుత్వాస్పత్రికి తరలించారు. అయితే హైదరాబాద్ నుంచి అనంతపురం వెళ్తుండగా ఈ ఘటన చోటు చేసుకుంది. కారు నడుపుతున్న వ్యక్తి నిద్రమత్తులో ఉండ డంతో వాహనం అదుపు తప్పి అటు వైపుగా వెళ్తున్న లారీని ఢీకొనడంతో ప్రమాదం జరిగినట్లు పోలీసులు గుర్తించారు.