విజయనగరం బాలాజీ వాకర్స్ క్లబ్ లో ఘనంగా స్వాతంత్ర్య దినోత్సవ వేడుకలు..!
- సీనియర్ సిటీజన్స్ కు ఘన సన్మానం
- వైభవంగా శ్రీ త్రిశూల్ రమణా విద్యాసంస్థల అధినేత వి. ఎస్. ఎన్. కుమార్ జన్మదిన వేడుకలు
విజయనగరం, త్రిశూల్ న్యూస్ :
విజయనగరంలో బ్యాంకర్స్ కాలనీలో ఉన్న బాలాజీ వాకర్స్ క్లబ్ లో ఈరోజు 78వ స్వాతంత్ర్య దినోత్సవ వేడుకలు ఘనంగా నిర్వహించారు. ముందుగా సుబ్బరాజు చేతుల మీదుగా ఈరోజు జెండా వందనం చేసి, 1947 ముందు జన్మించిన నలుగురు సీనియర్ సిటిజెన్లకి క్లబ్ మెంబర్లు అందరూ కూడా ఘనంగా సాలువులతో సత్కరించారు.
ఈ సందర్బంగా ఈరోజు పుట్టినరోజు జరుపుకుంటున్న శ్రీ త్రిశూల్ రమణా విద్యాసంస్థల అధినేత వి. ఎస్. ఎన్. కుమార్ కు క్లబ్ సభ్యులందరూ కూడా శుభాకాంక్షలు తెలియజేశారు. అదేవిధంగా డాక్టర్ రంగారావుకి కూడా జన్మదిన శుభాకాంక్షలు తెలియజేశారు. స్వతంత్ర దినోత్సవం సందర్భంగా పెద్దలు సుబ్బరాజు మాట్లాడుతూ స్వాతంత్రోద్యమంలో ఎంతోమంది నిస్వార్ధంగా ఉద్యమించడం వల్లే మనం ఈరోజు ఇంత చక్కటి వాతావరణంలో వేడుకలు జరుపుకుంటున్నామని అన్నారు.
ఆదినారాయణ మాట్లాడుతూ ఎంతోమంది మహానుభావుల కృషి ఫలితమే ఈరోజు మనం అనుభవిస్తున్నాం అని అన్నారు. ఈ సందర్భంగా శ్రీ త్రిశూల్ రమణా విద్యాసంస్థల అధినేత వి. ఎస్. ఎన్. కుమార్ మాట్లాడుతూ ఇంతమంది పెద్దల మధ్యన అలాగే శ్రేయోభిలాషుల మధ్య జన్మదినం జరుపుకోవడం పూర్వజన్మ సుకృతం అని అన్నారు.
క్లబ్బు అభివృద్ధిలో తన సాయి శక్తుల పాల్గొంటానని ఈ సందర్భంగా ఆయన మాటిచ్చారు. ఈ కార్యక్రమంలో క్లబ్ సభ్యులు పెద్ద సంఖ్యలో పాల్గొని కార్యక్రమాన్ని దిగ్విజయం చేసినందుకు అందరికీ కూడా క్లబ్బు అధ్యక్షులు ధన్యవాదాలు తెలియజేశారు.
Comments
Post a Comment