గుంటూరులో ఎన్టీఆర్ విగ్రహం ధ్వంసం..!

అమరావతి, త్రిశూల్ న్యూస్ :

గుంటూరు పశ్చిమ నియోజకవర్గంలోనీ 33వ డివిజన్ పరిధిలోని బ్రాడిపేట 6/20వ అడ్డరోడ్డు వద్ద మాజీ ముఖ్యమంత్రి గౌరవ స్వర్గీయ నందమూరి తారక రామారావు విగ్రహాన్ని గుర్తుతెలియని వ్యక్తులు ధ్వంసం చేశారు. నిన్న నిన్న రాత్రి వినాయక నిమజ్జనం సందర్భంగా కావాలని కొంతమంది వ్యక్తులు ఎన్టీఆర్ విగ్రహాన్ని ధ్వంసం చేశారు. ఈ విషయం తెలుసుకున్న టిడిపి నేతలు విగ్రహం వద్దకు చేరి నిరసన వ్యక్తం చేశారు. విగ్రహాన్ని ధ్వంసం చేసిన వారిపై కఠిన చర్యలు తీసుకోవాలని వారిని వెంటనే అరెస్టు చేయాలని డిమాండ్ చేశారు. ఇలాంటి ఘటనలు పనరావతం కాకుండా చూడాలని పోలీసులకు విజ్ఞప్తి చేస్తున్నారు.