భారత్ జోడో యాత్ర నుంచి ఢిల్లీకి చేరుకున్న రాహుల్ గాంధీ..!

న్యూడిల్లీ, త్రిశూల్ న్యూస్ :

రాహుల్ గాంధీ చేపట్టిన భారత్ జోడో యాత్ర 100వరోజుకు చేరుకుంది.కాంగ్రెస్ ఎంపీ రాహుల్ గాంధీ శనివారం రాజస్థాన్ నుంచి తన ఢిల్లీ నివాసానికి చేరుకున్నారు. ద్వేషం, మతోన్మాదం, విభజన, హింస, అన్యాయం, నిరుద్యోగం, బియ్యం ధరలకు వ్యతిరేకంగా దేశాన్ని ఏకం చేస్తూ చేపట్టిన భారత్‌ జోడో యాత్ర చారిత్రాత్మక ప్రయాణం 100రోజులు పూర్తి చేసుకుంది. సెప్టెంబర్ 7న కన్యాకుమారి నుంచి ప్రారంభమైన పాదయాత్ర డిసెంబర్ 21న హర్యానాలో ప్రవేశించనుంది. 17 రోజుల పాటు సాగిన 500 కిలోమీటర్ల యాత్ర సాగిన ఏకైక కాంగ్రెస్ పాలిత రాష్ట్రం రాజస్థాన్.దీంతో రాజస్థాన్ రాష్ట్రంలో పెద్ద సంఖ్యలో ప్రజలు బ్యానర్లు, పార్టీ జెండాలను పట్టుకుని మార్చ్‌లో పాల్గొనడం కనిపించింది.వచ్చే ఏడాది నాటికి భారత్ జోడో యాత్ర 3,570 కిలోమీటర్ల దూరం భారతదేశ చరిత్రలోనే కాలినడకన సాగిన సుదీర్ఘ పాదయాత్ర ఇదేనని కాంగ్రెస్ పేర్కొంది. ఇప్పటివరకు భారత్ జోడో యాత్ర తమిళనాడు, కేరళ, కర్ణాటక, ఆంధ్రప్రదేశ్, తెలంగాణ, మధ్యప్రదేశ్ మరియు మహారాష్ట్రలోని కొన్ని ప్రాంతాలను కవర్ చేసింది.భారత్ జోడో యాత్ర 100 రోజులు పూర్తి చేసుకున్న సందర్భంగా కాంగ్రెస్ చీఫ్ మల్లికార్జున్ ఖర్గే ప్రజలకు శుభాకాంక్షలు తెలిపారు.