- గ్రీవెన్స్ సెల్‌కు రాని అధికారులు
మార్కాపురం, త్రిశూల్ న్యూస్ :
మార్కాపురం జిల్లా పూల సుబ్బయ్య వెలిగొండ ప్రాజెక్టు నిర్వాసితుల సమస్యల పరిష్కారం కోసం మార్కాపురం జిల్లా కలెక్టర్ కార్యాలయంలో ఏర్పాటు చేసిన ప్రత్యేక గ్రీవెన్స్ సెల్ మొదటి రోజే అధికారుల నిర్లక్ష్యానికి అద్దం పట్టింది. ఉదయం 11:00 గంటలు దాటినా సంబంధిత అధికారులు ఎవరూ రాకపోవడంతో,దూర ప్రాంతాల నుంచి ఆశలతో వచ్చిన అర్జీదారులు గంటల తరబడి పడిగాపులు కాయాల్సి వచ్చింది.తమ భూములు,ఇళ్లు కోల్పోయి నష్టపరిహారం మరియు పునరావాసం కోసం ఏళ్ల తరబడి పోరాడుతున్న నిర్వాసితులకు ఊరట కలిగించేందుకు ఈ ప్రత్యేక గ్రీవెన్స్ సెల్‌ను ఏర్పాటు చేశారు.అయితే, బాధ్యతాయుతమైన జిల్లా స్థాయి అధికారులు సమయపాలన పాటించకపోవడంపై నిర్వాసితులు తీవ్ర ఆగ్రహం వ్యక్తం చేస్తున్నారు. జిల్లా కేంద్రంలోని ప్రధాన కార్యాలయంలోనే అధికారుల తీరు ఈ విధంగా ఉంటే, ఇక మండల స్థాయి కార్యాలయాల్లో సామాన్యుల పరిస్థితి ఏంటో అర్థం చేసుకోవచ్చని బాధితులు ఆవేదన వ్యక్తం చేశారు. ఇప్పటికైనా ఉన్నతాధికారులు స్పందించి, గ్రీవెన్స్ సెల్ సజావుగా సాగేలా చూడాలని బాధితులు డిమాండ్ చేస్తున్నారు.
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment