Trishul News

- 158 ఏళ్ళ క్రితం మచిలీపట్నంలో 30 వేలమంది జలసమాధి           మచిలీపట్నం, త్రిశూల్ న్యూస్ :   నవంబర్ ఒకటో తేదీ ఆల్ సెయింట్స్ డే (సకల పునీతుల దినోత్సవం), 2 వ తేదీ ఆల్ సోల్స్ డే... యాదృచ్చికంగా ఆ రోజున మచిలీపట్నంలో 30 వేల ఆత్మలు భీకర సముద్ర ఘోషలో మౌనంగా ఘోషించాయి..                                 నౌకా వ్యాపారంలో నాడు అగ్రగామిగా, దక్షిణ భారతదేశంలోనే ముఖ్య ఓడరేవు ప్రాంతంగా విరాజిల్లుతున్న బందరు 1864 నవంబర్ 1 వ తేదీ అర్ధరాత్రి విరుచుకుపడిన భయంకర ఉప్పెనలో చిగురుటాకులా వణికిపోయింది. ఆ ఉప్పెన కారణంగా బందరు సముద్రతీరంలో భారీ ఇసుక మేటలు వేయడంతో బందరు నౌకాయానంకు చరమగీతం పాడినట్లైంది. తీరం లోతు లేనందున భారీ ఓడల రాకపోకలు మహా కష్టమైంది..నేటికీ ఆ ఇసుకమేటలు పెట్టని కోటలు మాదిరిగా ఏర్పడి బందరు పోర్టుకి శాపం అయింది. పరాయి పాలనలో ఒక మెట్రో నగరం మాదిరిగా వెలిగిన బందరు అభివృద్ధి క్రమేపి కుంటుపడిందని చెప్పవచ్చు.           సరిగ్గా 157 సంవత్సరాల కిందటి నాటి బందరు ఉప్పెన గురించి మనలో చాలా మందికి తెలియదు. రక్తాక్షి నామ సంవత్సరం1864 నవంబర్ 1 వ తేదీన బందరులో సముద్ర కెరటాలు 13 అడుగుల ఎత్

- ఏర్పాట్ల‌ను ప‌రిశీలించిన ఈవో ఎవి.ధ‌ర్మారెడ్డి తిరుపతి, త్రిశూల్ న్యూస్ : తిరుప‌తిలోని భూదేవి కాంప్లెక్స్‌, శ్రీ‌నివాసం కాంప్లెక్స్‌, గోవింద‌రాజ‌స్వామి స‌త్రాల వ‌ద్ద మంగ‌ళ‌వారం నుంచి ప్ర‌యోగాత్మ‌కంగా స‌ర్వ‌ద‌ర్శ‌నం టైంస్లాట్ టోకెన్ల జారీ ప్ర‌క్రియ పునఃప్రారంభం కానున్న నేప‌థ్యంలో టిటిడి ఈవో ఎవి.ధర్మారెడ్డి, జెఈవో వీర‌బ్ర‌హ్మం, ఇత‌ర అధికారుల‌తో క‌లిసి సోమ‌వారం సాయంత్రం ఏర్పాట్ల‌ను ప‌రిశీలించారు. టోకెన్ల జారీ కౌంట‌ర్లు, క్యూలైన్లు, భ‌క్తుల‌కు క‌ల్పించాల్సిన స‌దుపాయాల‌ను ప‌రిశీలించి అధికారుల‌కు ప‌లు సూచ‌న‌లు చేశారు. ఈ సంద‌ర్భంగా భూదేవి కాంప్లెక్స్ వ‌ద్ద ఈవో మీడియాతో మాట్లాడుతూ టిటిడి ధర్మకర్తల మండలి నిర్ణయం మేరకు మంగ‌ళ‌వారం నుంచి ప్ర‌యోగాత్మ‌కంగా తిరుపతిలో ఉచిత సర్వదర్శనం టైంస్లాట్ టోకెన్ల జారీని పునఃప్రారంభిస్తున్నామ‌ని చెప్పారు. శని, ఆది, సోమవారాల్లో 25 వేల టోకెన్లు, మిగ‌తా రోజుల్లో రోజుకు 15 వేల టోకెన్లు జారీ చేస్తామ‌న్నారు. టోకెన్ ల‌భించిన భ‌క్తుడు అదేరోజు ద‌ర్శ‌నం చేసుకునేలా ఏర్పాటు చేసిన‌ట్టు చెప్పారు. మూడు ప్రాంతాల్లో 30 కౌంటర్ల ద్వారా టోకెన్లు జారీ చేస్తామ‌ని, నిర్దేశి

- దిశా ప్రొటెక్షన్ వెల్ఫేర్ పౌండేషన్ డిమాండ్ ఖమ్మం, త్రిశూల్ న్యూస్ : ఖమ్మం పట్టణంలో టేకులపల్లి కెసిఆర్ టవర్ లో 5 ఏళ్ల చిన్నారీపై అత్యాచార యత్నం సంఘటనను దిశా ప్రొటెక్షన్ వెల్ఫేర్ పౌండేషన్ తీవ్రంగా ఖండించింది. మొన్న హైదరాబాద్ సంఘటన మరిచిపోక ముందే మరో అఘాయిత్యం చోటు చేసుకోవడం దురదృష్టకరమని నేడు ఇటువంటి కామాందుల మద్య చిన్నారులను కాపాడుకోవటం ఎలా అని తల్లిదండ్రులు భయాందళనలో ఉన్నారని దిశా ప్రొటెక్షన్ వెల్ఫేర్ ఫౌండేషన్ చైర్మన్ కావేటి రేవతి ఆవేదన వ్యక్తం చేశారు. గతంలో కూడా కెసిఆర్ టవర్లో 4 ఏళ్ళ చిన్నారిపై అత్యాచార యత్నం జరిగిందని ఇంకా బయటకి రాని సంఘటనలు మరెన్నె వున్నాయని ఈ అఘాయితోనికి పాల్పడిన కామాంధుడిని వెంటనే చట్ట పరమైన చర్యలు తీసుకోవాల్సిందిగా ఖానాపురం హవేలీ ఎస్సైకి సోమవారం వినతిపత్రాన్ని సమర్పించారు. ఈ కార్యక్రమంలో జిల్లా చైర్మన్ కావేటి రేవతి, కమిటీ సభ్యులు పమ్మి అనిత. గణేష్ జ్యోతి, లీగల్ అడ్వైజర్ శ్రుతి, తదితరులు పాల్గొన్నారు

తిరుపతి, త్రిశూల్ న్యూస్ : తిరుపతి శ్రీ కపిలేశ్వరస్వామివారి ఆలయంలో నెల రోజుల పాటు జరుగుతున్న హోమ మహోత్సవాల్లో భాగంగా సోమ‌వారం ద‌క్షిణామూర్తి హోమం శాస్త్రోక్తంగా జరిగింది. ఇందులో భాగంగా యాగశాలలో ఉదయం 8 నుండి 11 గంటల వరకు ద‌క్షిణామూర్తి హోమం, పూర్ణాహుతి, కలశ ఉద్వాసన, మహాశాంతి అభిషేకం, ద‌క్షిణామూర్తి కలశాభిషేకం నిర్వహించారు. సాయంత్రం 6 నుండి శ్రీ ద‌క్షిణామూర్తి స్వామివారి కలశస్థాపన, విశేష దీపారాధన చేపట్టారు.        ఈ కార్యక్రమంలో ఆల‌య డెప్యూటీ ఈవో దేవేంద్ర‌బాబు, ఏఈవో శ్రీ‌నివాసులు, సూప‌రింటెండెంట్లు భూప‌తి, శ్రీ‌నివాసులు, టెంపుల్‌ ఇన్‌స్పెక్టర్ బాల‌క్రిష్ణ‌, ఆలయ అర్చకులు, ఇతర అధికారులు పాల్గొన్నారు. న‌వంబరు 1న శ్రీ కాలభైరవ స్వామివారి హోమం           న‌వంబ‌రు 1వ తేదీ శ్రీ కాలభైరవ స్వామివారి హోమం జ‌రుగ‌నుంది. గృహస్తులు రూ. 500/- చెల్లించి ఒక రోజు హోమంలో పాల్గొనవచ్చు. గృహస్తులకు ఒక ఉత్తరీయం, ఒక రవికె, అన్నప్రసాదం అందజేస్తారు.   

  పీలేరు, త్రిశూల్ న్యూస్ : పీలేరు నియోజకవర్గంలోని వాల్మీకిపురం మండల జడ్పీటిసి, ఎంపీపీల అధ్వర్యంలో జరిగిన పట్టభద్రుల ఎన్నికల ఓటరు నమోదు సమీక్ష సమావేశంలో వైఎస్ఆర్ కాంగ్రెస్ పార్టీ తూర్పు రాయలసీమ పట్టభద్రుల ఎమ్మెల్సీ అభ్యర్థి పేర్నాటి శ్యామ్ ప్రసాద్ రెడ్డి పాల్గొన్నారు. పీలేరు నియోజకవర్గంలో ఓటర్ ఎన్రోల్మెంట్ ప్రక్రియను పరిశీలించారు. ఈ సందర్బంగా అయన మాట్లాడుతూ మీరందరూ మరింతగా కష్టపడి పనిచేసి, ఓటర్ల నమోదు కార్యక్రమాన్ని విజయవంతం చేయాలని శ్యామ్ ప్రసాద్ రెడ్డి కోరారు. నాయకులు మాట్లాడుతూ మా మండలంలోని అన్ని గ్రామాల్లో త్వరగా ఓట్ల నమోదు ప్రక్రియ పూర్తి చేస్తామని తెలిపారు. రాబోయే ఎన్నికల్లో మా మండలంలో అత్యధిక మెజారిటీ వచ్చే విధంగా కృషి చేస్తామని తెలిపారు.

తిరుపతి, త్రిశూల్ న్యూస్ : తిరుపతి వెస్ట్ రైల్వే స్టేషన్ ముందర నుండి కొత్తగా నిర్మించే రోడ్డు వలన ప్రజలకు చాలా సౌకర్యవంతంగా వుంటుందని తిరుపతి మునిసిపల్ కార్పొరేషన్ మేయర్ డాక్టర్ శిరీష, కమిషనర్ అనుపమ అంజలి, డిప్యూటీ మేయర్ భూమన అభినయ్ రెడ్డి అన్నారు. తిరుపతి మునిసిపల్ కార్పొరేషన్ మేయర్ శిరీష, కమిషనర్ అనుపమ అంజలి, డిప్యూటీ మేయర్ భూమన అభినయ్ రెడ్డి తిరుపతి వెస్ట్ రైల్వే స్టేషన్ ముందర నిర్మించేందుకు ప్రతిపాదిత రోడ్డును సోమవారం సాయంత్రం పరిశీలించారు. ఈ సందర్భంగా వారు మాట్లాడుతూ తిరుపతి ప్రజల సౌకర్యార్ధం అనేక రోడ్లను నిర్మిస్తున్నామని, అందులో భాగంగా తిరుపతి వెస్ట్ రైల్వే స్టేషన్ ముందర నుండి ఎస్వీ క్యాంపస్ స్కూల్ వెనుకవైపుగా బాలాజీకాలనీ రోడ్డులో కలిసేలా 60 అడుగుల రోడ్డును అందుబాటులోకి తీసుకురావడం జరుగుతుందన్నారు. ఈ రోడ్డు వలన వెస్ట్ రైల్వే స్టేషన్ కు వచ్చే వారికి, యూనివర్సిటీ వైపుకు వెల్లె వారికి సౌకర్యవంతంగా వుంటుందన్నారు. తిరుపతి నగరంలో అందరికి అందుబాటులో వుండే ఎస్వీ యూనివర్సిటీ స్టేడియంలో పెద్ద స్థాయిలో జరిగే క్రీడలకు, సభలకు వచ్చే క్రీడాకారులకు, ప్రజలకు చాలా ఉపయోగకరమ

మచిలీపట్నం, త్రిశూల్ న్యూస్ : వ్యవసాయ, ఆక్వా రంగాలలో రైతులు ఎదుర్కొంటున్న పలు సమస్యల పరిష్కారానికే వ్యవసాయ సలహా మండల సమావేశాలు నిర్వహిస్తున్నట్లు కృష్ణాజిల్లా కలెక్టర్ పి.రంజిత్ బాషా తెలిపారు. సోమవారం సాయంత్రం స్థానిక జిల్లా కలెక్టరేట్ లోని స్పందన సమావేశపు హాల్లో జిల్లా స్థాయి వ్యవసాయ సలహా మండలి సమావేశంలో జిల్లా అధ్యక్షులు జన్ను రాఘవరావు అధ్యక్షతన నిర్వహించడం జరిగింది. ఈ సందర్భంగా జిల్లా కలెక్టర్ పి. రంజిత్ బాషా మాట్లాడుతూ గ్రామ, మండల వ్యవసాయ సలహా మండలి సమావేశాల్లో సూచనలు, సలహాలను పరిగణన లోనికి తీసుకుని జిల్లా స్థాయిలో చర్చించి ప్రభుత్వానికి నివేదించి అమలు చేయడం జరుగుతుందన్నారు. ప్రతి సంవత్సరం ఖరీఫ్, రభీ పంట కాలాల్లో తప్పనిసరిగా ఈ క్రాప్ ద్వారా రైతులు తమ పంటలను నమోదు చేసుకోవాలన్నారు. పకృతి వైపరీత్యాలు, దాన్యం కొనుగోలు, రాయితీపై విత్తనాలు, సున్నా వడ్డీ పంటల రుణాలు, పంటల బీమా, ఎరువులు, పురుగు మందుల సబ్సిడీ ఈ క్రాప్ డేటా ద్వారానే రైతులు పొందగలరన్నారు. ఇదే విధానం ఆక్వా, ఉద్యానవన పంటలకు కూడా అమలు జరుగుతుందన్నారు. ఈ క్రాపు నమోదులో వ్యవసాయ అధికారులతో పాటు రైతులు కూడా అంతే బాధ్యతగా

చిత్తూరు, త్రిశూల్ న్యూస్ : టీడీపీ నేత, మాజీ మంత్రి నారాయణకు చిత్తూరు 9వ అదనపు జిల్లా కోర్టులో చుక్కెదురైంది. టెన్త్ పరీక్ష పత్రాల లీక్ కేసులో చిత్తూరు జిల్లా కోర్టు నారాయణ బెయిల్ రద్దు చేసింది. నవంబర్ 30 లోపు పోలీసులకు లొంగిపోవాలంటూ సోమవారం ఆదేశాలు జారీ చేసింది. పదో తరగతి ప్రశ్నాపత్రాలు లీకేజీ కేసులో మాజీమంత్రి నారాయణపై చిత్తూరు పోలీసులు కేసు నమోదు చేసి ఈ ఏడాది ఏప్రిల్‌లో అరెస్టు చేసి కోర్టుకు తరలించారు. అయితే న్యాయస్థానం అయనకు బెయిల్ మంజూరు చేసింది. దీంతో కింది కోర్టు మంజూరు చేసిన బెయిల్‌ను రద్దు చేయాలని ప్రభుత్వం తరఫు న్యాయవాది చిత్తూరు కోర్టులో మరో పిటిషన్ వేశారు. దీనిపై విచారణ జరిపిన న్యాయస్థానం నారాయణ బెయిల్ రద్దు చేస్తూ నవంబర్ 30వ తేదీ లోపల పోలీసుల ఎదుట లొంగిపోవాలని ఆదేశాలు జారీ చేసింది

- జండా ఊపి రన్ ఫర్ యూనిటీ కార్యక్రమాన్ని ప్రారంభించిన జిల్లా ఎస్పీ మచిలీపట్నం, త్రిశూల్ న్యూస్ : కుల, మత, వర్గ, లింగ బేధాలు లేకుండా ప్రజలందరూ ఐకమత్యంతో మెలుగుతూ, జాతీయ సమైక్యతలో భాగస్వామ్యం కావాలని కృష్ణా జిల్లా ఎస్పీ పి.జాషువా అన్నారు. ఉక్కుమనిషి సర్దార్ వల్లభ్‌భాయ్ పటేల్ గారి జయంతి పురస్కరించుకొని జిల్లా పోలీసుశాఖ ఆధ్వర్యంలో జాతీయ ఐక్యతా దినోత్సవంను ఘనంగా నిర్వహించారు. ఇందులో భాగంగా జిల్లా పోలీస్ కార్యాలయం నుండి స్థానిక లక్ష్మీ టాకీస్ సెంటర్ మీదుగా జిల్లా పోలీస్ కార్యాలయం వరకు రన్ ఫర్ యూనిటీ కార్యక్రమాన్ని నిర్వహించగా, జిల్లా ఎస్పీ, అడిషనల్ ఎస్పి అడ్మిన్ ఎన్ వెంకట రామాంజనేయులు, సెబ్ అడిషనల్ ఎస్పీ అస్మా ఫర్హిన్, ఏ ఆర్ అడిషనల్ ఎస్పీ ఎస్ వి డి ప్రసాద్ లతో కలిసి జండా ఊపి ఐక్యత పరుగును ప్రారంభించారు. ఈ పరుగు నందు పోలీస్ అధికారులు, సిబ్బంది, సచివాలయ మహిళా పోలీసులు, విద్యార్థులు ఉత్సాహంగా పాల్గొని మనమంతా సమానమే అని చాటారు. అనంతరం ఏ ఆర్ పోలీస్ పెరేడ్ మైదానంలో సర్దార్ వల్లభాయ్ పటేల్ గారి చిత్రపటానికి ఎస్పీ, ఇతర పోలీసు అధికారులు పూలమాలలు వేసి, పుష్పాలు సమర్పించి, ఘనంగా

ఛత్తీస్‌గఢ్‌, త్రిశూల్ న్యూస్ : ఛత్తీస్‌గఢ్‌లో మావోయిస్టులు, భద్రతా బలగాలకు మధ్య ఎదురుకాల్పులు జరిగాయి. ఈ ఘటనలో ఇద్దరు మావోయిస్టులు హతమయ్యారు. ఈ విషయాన్ని పోలీసులు ధ్రువీకరించారు. కాంకేర్‌ జిల్లాలోని సిక్సోడ్‌ పోలీస్‌ స్టేషన్‌ పరిధిలోని కడ్మే శివారు అటవీ ప్రాంతంలో ఈ ఘటన చోటుచేసుకున్నట్లు తెలిపారు. జిల్లా రిజర్వ్ గార్డ్, సరిహద్దు భద్రతా దళం ప్రత్యేక బృందాలు కూంబింగ్‌ నిర్వహిస్తుండగా మావోయిస్టులు కాల్పులు జరిపారని.. ఈ క్రమంలోనే ఎదురుకాల్పులు జరిగాయని అధికారులు చెప్పారు. కొందరు మావోయిస్టులు డీజీఆర్‌ పెట్రోలింగ్‌ బృందంపై కాల్పులు జరిపారని అధికారులు పేర్కొన్నారు. కాల్పుల అనంతరం సంఘటనా స్థలంలో ఇద్దరి మృతదేహాలను స్వాధీనం చేసుకున్నట్లు పేర్కొన్నారు. మృతుల వివరాలు తెలియలేదని, సమీప ప్రాంతాల్లో సెర్చ్ ఆపరేషన్ కొనసాగుతోందని పోలీసులు వెల్లడించారు..

- న్యాయ రాజధానితోనే సీమకు పూర్వ వైభవం - మూడు రాజధానులకు మద్దతుగా పాణ్యంలో రాయలసీమ ఆత్మగౌరవ ర్యాలీ పాణ్యం, త్రిశూల్ న్యూస్ : శ్రీభాగ్ ఒప్పందం ప్రకారం కర్నూలులో న్యాయ రాజధాని ఏర్పాటు చేస్తేనే రాయలసీమకు పూర్వవైభవం వస్తుందనీ, మూడు రాజధానులు ముద్దు - ఒకే రాజధాని వద్దు అనే నినాదంతో రాయలసీమ విద్యార్థి, యువజన సంఘాల జేఏసీ ఆధ్వర్యంలో సోమవారం పాణ్యంలో రాయలసీమ ఆత్మగౌరవ పేరుతో ర్యాలీ నిర్వహించారు. స్ధానిక పాణ్యం బస్టాండులో నాలుగురోడ్ల కూడలిలో మానవహారంగా ఏర్పడి మూడు రాజధానులు కావాలని పెద్ద ఎత్తున నినాదించారు. ఈ సందర్బంగా రాయలసీమ విద్యార్ధి , యువజన సంఘాల జేఏసీ నేతలు రవీంద్రనాధ్ , బత్తిని ప్రతాప్ , వేణు మాధవరెడ్డి , కేజే. శ్రీనివాసరావు , బాలకృష్ణా నాయక్ తదితరులు మాట్లాడుతూ తరతరాలుగా సీమకు జరుగుతున్న అన్యాయాన్ని ఇక సహించమనీ , పరిపాలనా వికేంద్రీకరణ - అభివృద్ది వికేంద్రీకరణ పేరుతో అన్ని ప్రాంతాలు అభివృద్ది చెందాలని ముఖ్యమంత్రి వైఎస్ జగన్ చేస్తుంటే, దీనిని కొంత మంది కుట్రపూరితమైన ఆలోచనలతో కేవలం అవరావతి ప్రాంతమే రాజధానిగా ఉండాలనడం సిగ్గుచేటన్నారు. కర్నూలులో న్యాయ రాజధాని

నెల్లూరు, త్రిశూల్ న్యూస్ : నాన్ వెజ్ ప్రియులకు ఇది షాకింగ్ న్యూస్.. నెల్లూరు నగరంలో భారీగా కల్తీ మాంసం పట్టుబడింది. తమిళనాడు నుంచి లివర్, కందనకాయల వ్యర్థాలను తక్కువ ధరకు తెచ్చి ఇక్కడ అమ్మేస్తున్నారు. నెల్లూరులో చికెన్‌ ధరకే విక్రయాలు సాగిస్తూ.. ప్రజల ప్రాణాలతో చెలగాటం ఆడుతున్నారు. ఐస్‌క్రీమ్‌ వాహనాల్లో తరలిస్తూ భారీగా చికెన్, మటన్ పట్టుబడింది. ఆరోగ్యశాఖ అధికారులు 400 కేజీలు పట్టుకున్నారంటే ఈ చికెన్ దందా ఎలా వుందో అర్థం చేసుకోవచ్చు.. ఇదంతా మూడునాలుగు రోజుల క్రితం మాంసంగా గుర్తించారు. కొంత కాలం క్రితం నిరంతరం నిఘాతో మున్సిపల్‌ హెల్త్‌ అధికారుల దాడులతో ఇలాంటి అమ్మకాలు సద్దుమణిగాయి. మళ్ళీ పుంజుకున్నాయి. మున్సిపల్‌ హెల్త్‌ అధికారుల దాడుల్లో నిల్వ ఉంచిన చికెన్‌తో పాటు లివర్, కందనకాయలు చెన్నై నుంచి తీసుకొచ్చి ఇక్కడ డంప్‌ చేసి విక్రయాలు చేస్తున్నట్లు వెలుగులోకి వచ్చింది. ఓ ముఠా చెన్నై నుంచి నెల్లూరుకు భారీగా చికెన్‌ లివర్, కందనకాయలను దిగుమతి చేయడం వెలుగులోకి వచ్చింది. నెల్లూరులోని చికెన్‌ స్టాల్స్, హోటల్స్, రెస్టారెంట్‌లకు వీటిని విక్రయిస్తుంటారు. కేవలం రూ.30 నుంచి రూ.40లకే అక్కడ

గంగవరం, త్రిశూల్ న్యూస్ : చిత్తూరు జిల్లా గంగవరం మండలం కొత్తపల్లి పంచాయతీకి చేరిన కోనపరెడ్డిపల్లి అంగన్వాడి కేంద్రంపై వచ్చిన ఆరోపణల్లో అవాస్తవాలేనని ప్రజాసంఘాల నాయకులు పేర్కొన్నారు. అంగన్వాడి వర్కర్ మాకొద్దు అంటూ ఓ పత్రికలో, సిడిపిఓ కు ఇచ్చిన ఫిర్యాదులపై జాతీయ మానవ హక్కులు సంఘం, మాల మహానాడు, సిపిఐ, అంగన్వాడి యూనియన్ నాయకులు సోమవారం గ్రామాన్ని సందర్శించి జరిగిన విషయాలపై గ్రామస్తులు అడిగి తెలుసుకున్నారు. ఈ సందర్భంగా ప్రజా సంఘాల నాయకులు మాట్లాడుతూ గ్రామంలో మినీ అంగన్వాడి వర్కర్ గా నాగరత్న విధుల్లో చేరినప్పటి నుండి కేంద్రం నిర్వహణలోనూ, ప్రభుత్వం నుండి అందుతున్న పౌష్టికాహారాన్ని అందించడంలో ఎక్కడ అవకతవకులు లేవని గ్రామస్తులు నిర్ధారించారని తెలిపారు. పలమనేర్ ఐసిడిఎస్ సిడిపిఓ, సూపర్వైజర్ రెండు పర్యాయాలు సందర్శించి, రికార్డులను సైతం పరిశీలించినా ఎటువంటి అవకతవకలు లేవని, అధికారుల సమక్షంలోనే గ్రామస్తులు పౌష్టికాహారం సమయానికి అందిస్తున్నారని లిఖితపూర్వకంగా సంతకాలు చేసి సమర్పించినా గిట్టని వారు అవాస్తవాలను, వాస్తవాలుగా చిత్రీకరించి ఆరోపించడం సరికాదన్నారు. గ్రామంలో ఇద్దరూ వ్యక్తులకు సంబంధి

నెల్లూరు, త్రిశూల్ న్యూస్ : రాష్ట్ర ప్రభుత్వం ఉన్నత ఆశయాలతో నిర్వహిస్తున్న స్పందన వేదికలో అందే ఫిర్యాదుల పరిష్కారంలో నగర పాలక సంస్థ అన్ని విభాగాల సిబ్బంది నిబద్ధత పాటించాలని, గడువులోపు సమస్యకు శాశ్వత పరిష్కారం అందించాలని ఇంచార్జ్ కమిషనర్ చెన్నుడు సూచించారు. కార్యాలయంలో సోమవారం జరిగిన స్పందన వేదికలో ముందుగా డయల్ యువర్ కమిషనర్  కార్యక్రమం ద్వారా ఉదయం 9.30 నుంచి 10.30 గంటల వరకు ప్రజల సమస్యలను ఫోన్ ద్వారా తెలుసుకుని సంబంధిత అధికారులకు ఇంచార్జ్ కమిషనర్ సూచనలు జారీచేశారు. అనంతరం ప్రజల నుంచి నేరుగా వినతి పత్రాలను స్వీకరించి గడువులోపు పరిష్కరించాలని అధికారులను ఆదేశించారు. ప్రతీ విభాగం ఉన్నతాధికారి తమకు సంభందించిన ఫైళ్లు పెండింగులో లేకుండా జాగ్రత్తలు వహించాలని, సూచించిన గడువులోపు సమస్యలు పరిష్కారం కావాలని ఇంచార్జ్ కమిషనర్ స్పష్టం చేసారు. స్పందన వేదికలో 'డయల్ యువర్ కమిషనర్' ద్వారా 20, కార్యాలయం వేదికగా 28 విజ్ఞప్తులను అందుకున్నామని, గడువులోపు పరిష్కరించేందుకు కృషి చేస్తామని ఇంచార్జ్ కమిషనర్ తెలిపారు. స్పందన వేదికలో అన్ని విభాగాల అధికారులు, సిబ్బంది పాల్గొన్నారు.

నెల్లూరు, త్రిశూల్ న్యూస్ : మాజీ ఉపప్రధాని సర్దార్ వల్లభాయ్ పటేల్ జీవితం ప్రజలందరికీ ఆదర్శనీయమని, ఆయన జయంతిని జాతీయ ఐక్యతా దినోత్సవంగా జరుపుకోవడం అభినందనీయమని నగర పాలక సంస్థ మేయర్ పి.స్రవంతి తెలిపారు. సర్దార్ వల్లభాయ్ పటేల్ జయంతిని పురస్కరించుకుని జాతీయ ఐక్యతా దివస్ రన్ ను సోమవారం ఉదయం స్థానిక కస్తూర్భా కళాక్షేత్రం నుంచి పటేల్ విగ్రహం వరకు నిర్వహించారు. జిల్లా కలెక్టర్ చక్రధర్ బాబుతో కలిసి 3కె యూనిటీ ర్యాలీని ప్రారంభించిన అనంతరం మేయర్ మాట్లాడుతూ జాతీయ ఐక్యతా దినోత్సవాన్ని భారత ప్రధమ హోంశాఖ మంత్రి సర్దార్ వల్లభాయ్ పటేల్ జయంతి రోజైన అక్టోబరు 31న జరుపుకుంటున్నామని తెలిపారు. వివిధ సంస్థానాలు, రాజ్యాలుగా ఉన్న భారత దేశాన్ని ఐక్యం చేసి ప్రజాలందరిలో సోదర భావం పెంపొందించిన ఆదర్శవాది సర్దార్ వల్లభాయ్ పటేల్ అని కొనియాడారు. దేశ సార్వభౌమత్వం, ఐక్యతను పెంపొందించడానికి అన్ని పాఠశాలలు, కళాశాలల్లో విద్యార్థులతో జాతీయ ఐక్యతా దినోత్సవ ప్రతిజ్ఞ చేయించనున్నారని తెలిపారు. ఐక్యతా దినోత్సవం నాడు విద్యార్థులతో ఐక్యతా ప్రతిజ్ఞను చేయించడంతో పాటు సర్దార్ వల్లభాయ్ పటేల్ జీవితానికి సంబంధించి పలు కార్యక్

గుజరాత్, త్రిశూల్ న్యూస్ : గుజరాత్‌లో ఘోర ప్రమాదం చోటు చేసుకున్నది. ఆదివారం మోర్బీ ప్రాంతంలోని మచ్చు నదిపై నిర్మించిన కేబుల్ బ్రిడ్జి కుప్పకూలింది. దీంతో బ్రిడ్జి మీదుగా వెళుతున్న సందర్శకులు నదిలో పడిపోయారు. 40 మంది చనిపోయినట్లు తెలుస్తున్నది. నదిలో పడిపోయిన వారు 400 మందికి పైగా ఉండొచ్చునని పోలీసులు చెబుతున్నారు. పలువురు గాయ పడ్డారు. గల్లంతైన వారి ఆచూకీ కోసం వారి కుటుంబ సభ్యుల రోదనలు మిన్నంటాయి. ఘటన జరిగినప్పుడు కేబుల్ బ్రిడ్జిపై సుమారు 500 మంది ఉన్నారని ప్రత్యక్ష సాక్షులు చెబుతున్నారు. ప్రస్తుతం గుజరాత్‌లోనే పర్యటిస్తున్న ప్రధాని నరేంద్రమోదీ ఘటనపై విచారణకు ఆదేశించారు. ఈ ఘటనపై గుజరాత్ సీఎం భూపేంద్ర పటేల్‌తో మాట్లాడారు.  ఘటనా స్థలానికి రాష్ట్ర హోంమంత్రి హర్ష్ సంఘవి బయలుదేరి వెళ్లారు. ఈ ఘటన తెలిసిన వెంటనే ఉన్నతాధికారులు ఘటనా స్థలానికి చేరుకుని సహాయ చర్యలు చేపట్టారు. గల్లంతైన వారి ఆచూకీ కోసం వారి కుటుంబ సభ్యుల రోదనలు మిన్నంటాయి. ఇంతకుముందే దెబ్బ తిన్న ఈ కేబుల్ బ్రిడ్జికి రిపేర్లు చేసిన తర్వాత ఐదు రోజుల క్రితం సందర్శకుల రాకపోకలకు అనుమతించారని సమాచారం. గాయపడిన వారిని

అమరావతి, త్రిశూల్ న్యూస్ : దక్షిణ కోస్తాంధ్ర అంటేనే మనకు గుర్తొచ్చేది నెల్లూరు, తిరుపతి, ప్రకాశం జిల్లాలు. సాధారణంగా అల్పపీడనం ఈశాన్య రుతుపవనాలలో వచ్చినప్పుడు తమిళనాడు వైపుగా తిరుపతి, నెల్లూరు, అలాగే రాయలసీమ జిల్లాల్లోని తూర్పు భాగాలతో పాటుగా ప్రకాశం జిల్లాలోని దక్షిణ భాగాల్లో భారీ వర్షాలు చూస్తాం. కానీ ఈసారి అల్పపీడనానికి ఉత్తర భాగంలో ఉపరితల ఆవర్తనం ఉండటం వలన వర్షాలు మరింత తీవ్రంగా కోస్తా భాగాల్లో ఉంటుంది. అక్టోబర్ 31 రాత్రి నుంచి వర్షాలు మొదలౌవ్వనుంది. అంత వరకు వర్షాలు తక్కువగానే ఉంటుంది. అక్టోబర్ 31 అంటే తెల్లవారినుంచే పడదు. అక్టోబర్ 31 రాత్రి లేదా అర్ధరాత్రి సమయంలో మొదట నెల్లూరు, తిరుపతి జిల్లాల్లోని కోస్తా భాగాల్లోకి అడుగుపెట్టనుంది. ఆ తర్వాత నవంబర్ 1, 2, 3 మరియు నవంబర్ 4 వరకు ఈ వర్షాలు కొనసాగనుంది. కానీ నవంబర్ 1 మరియు నవంబర్ 2 అత్యధికంగా ఉండనుంది. ఎక్కడెక్కడ ఎలా ఉండనుంది..? వర్షాలు అత్యధికంగా నెల్లూరు, తిరుపతి  జిల్లాల్లోని కోస్తా భాగాల్లో ఎక్కువగా ఉంటుంది. అంటే ఈ ప్రాంతాల్లో అతిభారీ । తీవ్రమైన వర్షాలు పడే అవకాశాలుంటుంది. ఉదాహరణకి కృష్ణపట్నం, మైపాడు, తూపిలిపాలెం, శ్రీ

న్యూడిల్లీ, త్రిశూల్ న్యూస్ : నిరుద్యోగం, ఆర్థిక, రాజకీయ అవినీతి గురించి పట్టణ ప్రాంత భారతీయులు ఎక్కువగా కలవరం చెందుతున్నారట. అలాగే 10 మందిలో ఇద్దరు ద్రవ్యోల్బణం గురించి ఆందోళన పడుతున్నారట. 'వాట్‌ వర్రీస్ ది వరల్డ్' పేరిట ఇప్సోస్‌ చేసిన సర్వే ఆధారంగా ఆ విషయాలు వెల్లడయ్యాయి. ఆన్‌లైన వేదికగా సెప్టెంబర్ 23 నుంచి అక్టోబర్ 7 మధ్య ఈ సర్వే జరిగింది. ప్రస్తుతం ప్రపంచవ్యాప్తంగా ప్రజలను ఆందోళనకు గురిచేస్తోన్న ముఖ్యమైన సామాజిక, రాజకీయ అంశాలపై అభిప్రాయాన్ని సేకరించింది. ప్రపంచవ్యాప్తంగా ప్రజలు ద్రవ్యోల్బణం గురించి ఎక్కువగా కలవరపడుతున్నారు. అది గత నెలతో పోల్చుకుంటే రెండు శాతం పెరిగింది. అలాగే పేదరికం, అసమానతలు, నిరుద్యోగం, నేరాలు, హింస, ఆర్థిక, రాజకీయ అవినీతి వంటివి వారికి ప్రశాంతతను దూరం చేస్తున్నాయి. ఇక 29 దేశాల్లో ఈ సర్వే నిర్వహించగా.. ద్రవ్యోల్బణం గురించి ఆందోళన చెందుతున్న ఆ దేశాల జాబితాలో భారత్‌ చివరి స్థానంలో నిలవడం గమనార్హం. 'కరోనా వైరస్, ఉక్రెయిన్ సంక్షోభం ప్రభావాలు భారత్‌పై ఉన్నాయి. పట్టణవాసులు వాతావరణ మార్పులపై ఎక్కువగా ఆలోచిస్తున్నారు. వీటిపై ప్రభుత్వం దృష్టి సార

- ఎపిఎస్ ఆర్టీసీ ఎండికి టీడీపీ అధినేత చంద్రబాబు నాయుడు లేఖ అమరావతి, త్రిశూల్ న్యూస్ : కుప్పం ఆర్టీసీ డిపో నుంచి వెళ్లే సర్వీసులు తగ్గించడం, పలు ప్రాంతాలకు సర్వీసులు రద్దు చెయ్యడంపై తెలుగు దేశం పార్టీ అధినేత, కుప్పం శాసన సభ్యులు నారా చంద్రబాబు నాయుడు ఆంధ్రప్రదేశ్ ఆర్టీసీ ఎండికి లేఖ రాసారు. కుప్పం ఆర్టీసీ డిపో దాదాపు 40 ఏళ్లుగా సేవలను అందిస్తోందని, నాలుగు సంవత్సరాల క్రితం కుప్పం ఆర్టీసీ డిపో నుంచి దాదాపు 105 సర్వీసులు నడుస్తుండగా ప్రస్తుతం రోజుకు 54 సర్వీసులకే పరిమితం చేశారని లేఖలో పేర్కొన్నారు. కర్నాటక, తమిళనాడు రాష్ట్రాల నుండి వివిధ వర్గాల ప్రజలు నిత్యం కుప్పంకు రాకపోకలు సాగిస్తుంటారని ఎండి దృష్టికి తీసుకెళ్లారు. కుప్పం నుంచి విజయవాడ, చెన్నై, బెంగళూరు వెళ్లే సర్వీసులు లేకపోవడంతో ప్రజలు తీవ్ర అసౌకర్యానికి గురవుతున్నారని, కుప్పం నుంచి తిరుమలకు కూడా సర్వీసులను తగ్గించి చిత్తూరుకు సర్వీసును తొలగించారని ఆవేదన వ్యక్తం చేశారు. బస్సు సర్వీసులు తగ్గడంతో రైతులు, విద్యార్థులు, వ్యాపారులు తీవ్రంగా ఇబ్బందులు పడుతున్నారని, కుప్పం నుంచి ఇతర ప్రాంతాలకు తొలగించిన సర్వీసులను వెంటనే పునరుద్ధర

కుప్పం, త్రిశూల్ న్యూస్ : విశాఖ శారదా పీఠాధిపతి శ్రీశ్రీశ్రీ స్వరూపానందేంద్ర మహాస్వామి జన్మదినోత్సవాన్ని పురస్కరించుకొని ఈరోజు సాయి మాత సేవ ట్రస్ట్ ఆధ్వర్యంలో కుప్పంలోని షికారి కాలనీలో ని పేదలకు అన్నదాన కార్యక్రమం నిర్వహించారు. ఈ సందర్భంగా సాయిమాతా సేవా ట్రస్టు వ్యవస్థాపకులు జగదీష్ బాబు మాట్లాడుతూ హిందూ ధర్మ పరిరక్షణకు విశాఖ శారదా పీఠాధిపతి శ్రీ శ్రీ స్వరూపానంద సరస్వతి స్వామి ఎనలేని కృషి చేస్తూ,  ముఖ్యంగా గ్రామీణ ప్రాంతాల్లో మరియు గిరిజన ప్రాంతాల్లో పర్యటిస్తూ హిందూ ధర్మాన్ని మరింత విస్తరింపజేస్తూ భారత సంస్కృతిని పరిరక్షించే దిశగా ఆయన చేస్తున్న కృషి చిరస్మరణీయమన్నారు.  అదేవిధంగా శారదాపీఠం హిందూ ధర్మ పరిరక్షణలో ప్రత్యేక స్థానాన్ని సంపాదించుకొని దేశవ్యాప్తంగా మరింత హిందూ ధర్మాన్ని మరింత విస్తరింప చేస్తుందని పేర్కొన్నారు. అదేవిధంగా శారదా పీఠం సేవా కార్యక్రమాలతో ముందుండి పేద ప్రజలకు ఎనలేని సేవలు అందించి విశిష్టమైన స్థానాన్ని సంపాదించుకుందని తెలిపారు. ఈ సందర్బంగా షికారి కాలనీ లోని పేదలకు అన్నం ప్యాకెట్లను పంపిణీ చేశారు. ఈ కార్యక్రమంలో మునియప్ప, కుమార్, మణికం

చండూరు, త్రిశూల్ న్యూస్ : మునుగోడు ఉప ఎన్నిక‌ల నేప‌థ్యంలో చండూరులో రేపు జ‌ర‌గ‌నున్న సీఎం కేసీఆర్ బహిరంగ స‌భ‌ను విజ‌య‌వంతం చేయాల‌ని రాష్ట్ర పంచాయతీరాజ్ గ్రామీణాభివృద్ధి గ్రామీణ మంచినీటి సరఫరా శాఖల మంత్రి ఎర్రబెల్లి దయాకర్ రావు పిలుపునిచ్చారు. శ‌నివారం మంత్రి ఎర్రబెల్లి, ప్రభుత్వ విప్ బాల్క సుమన్, ఎమ్మెల్సీ బస్వరాజు సారయ్య, టిఎస్ ఐఐడిసి చైర్మన్ బాల మల్లు, తదితరులతో కలిసి హెలి ప్యాడ్ ప్రాంతాన్ని సందర్శించారు. అక్కడే మంత్రి కొద్దిసేపు మాట్లాడారు. ఈ సంద‌ర్భంగా ఆయ‌న మాట్లాడుతూ దేశంలో ఎక్కడా లేని విధంగా సీఎం కేసీఆర్‌ అనేక అద్భుత పథకాలను రూపొందించి అమలు చేస్తున్నారని అన్నారు. అభివృద్ధి, సంక్షేమం రెండు, రెండు కళ్ళ లా చూస్తున్నారని, సీఎం కెసిఆర్ వల్లే రాష్ట్రం సర్వతో ముఖాభివృద్ధి జరగడమే కాకుండా, అన్ని రంగాల్లో అగ్రగామిగా నిలిచిందన్నారు. రైతు బంధు, రైతుబీమా, కేసీఆర్‌ కిట్‌, ఆసరా పింఛన్ల పథకం, కళ్యాణ లక్ష్మి, షాదీముబారక్‌ వంటి అనేక సంక్షేమ పథకాలను ప్రవేశ పెట్టి నిరుపేదలు, రైతుల జీవితాల్లో వెలుగులు నింపారని అన్నారు. టీఆర్‌ఎస్‌ ప్రభుత్వం అమలు చేస్తున్న సంక్షేమ పథకాలే మునుగోడు గెలుపుకు

ఏలూరు, త్రిశూల్ న్యూస్ : భూముల రీసర్వేకు ప్రభుత్వం కొంత సమయం ఇవ్వాలని ఏపీజేఏసీ చైర్మన్ బొప్పరాజు వెంకటేశ్వర్లు అన్నారు. పని ఒత్తిడికిలోనై గ్రామ, వార్డు సచివాలయ ఉద్యోగులు ఆత్మహత్యలకు పాల్పడుతున్నారని ఆయన ఆవేదన వ్యక్తం చేశారు.భూముల. గ్రామాన్ని యూనిట్‌గా తీసుకొని రీసర్వే త్వరగా చేయమని ఒత్తిడి చేయడం సరికాదన్నారు. గ్రామాల్లో రీసర్వే కు వెళుతున్న ఉద్యోగులకు ప్రజల నుంచి ఆదరణ లభిస్తోందని పేర్కొన్నారు. ప్రభుత్వం ఎంతో సాహసోపేతంగా చేపట్టిన రీసర్వే రాబోయే తరాలకు సత్ఫలితాలను ఇస్తోందన్నారు. ఉద్యోగులు గ్రామస్థాయిలో ఎన్ని ఎకరాలు చేయగలరో, ఉన్నతాధికారులు ఒక అంచనాకు వచ్చి ఆ ప్రకారం ఉద్యోగుల చేత పనిచేయించుకోవాలని సూచించారు. గ్రామ సచివాలయ ఉద్యోగులు ఎవరు ఆత్మహత్యకు పాల్పడవద్దని ఆయన సూచించారు. మీ సమస్యలను ప్రభుత్వం దృష్టికి తీసుకువెళ్తామన్నారు. రీసర్వేకు ఎటువంటి బడ్జెట్ కేటాయించకుండా ఉద్యోగులను ఒత్తిడి చేయడం ఎంతవరకు సమంజసమని ఆయన ప్రశ్రించారు. ఒక్కో తహసిల్దారు కార్యాలయానికి నిర్వహణ నిమిత్తం నెలకు కేవలం 250 రూపాయలను కేటాయిస్తున్నారని తెలిపారు.

హైదరాబాద్‌, త్రిశూల్ : నైరుతి రుతుపవనాల తిరోగమనం తర్వాత ఈశాన్య రుతుపవనాలు తమిళనాడు, ఆంధ్రప్రదేశ్‌లోకి ప్రవేశించినట్లు భారత వాతావరణ శాఖ వెల్లడించింది.తమిళనాడు తీర ప్రాంతాలైన పుదుచ్చేరి, కరైకాల్‌తో పాటు ఆంధ్రప్రదేశ్‌లోని దక్షిణ కోస్తా ప్రాంతాల్లోకి ఇవాళ రుతుపవనాలు ప్రవేశించినట్లు ప్రకటించింది. బంగాళాఖాతం, దక్షిణ ద్వీపకల్పం మీద దిగువ ట్రోపోస్పిరిక్‌ స్థాయిల్లో ఉన్న ఈశాన్య గాలుల ప్రభావం వల్ల ఈశాన్య రుతుపవనాలు ప్రవేశించినట్లు తెలిపింది. ఇవాళ కింది స్థాయి గాలులు ముఖ్యంగా ఈశాన్య.. తూర్పు దిక్కుల నుంచి తెలంగాణలోకి వీస్తున్నాయని వెల్లడించింది. రుతుపవనాల ప్రభావంతో ఆయా ప్రాంతాల్లో ఇప్పటికే వర్షాలు మొదలైనట్లు తెలిపింది. తమిళనాడులో వార్షిక వర్షపాతం ఎక్కువ శాతం ఈశాన్య రుతుపవనాల ద్వారానే నమోదవుతుంది. ఈ రుతుపవనాలు అక్టోబరు నుంచి డిసెంబరు వరకు కొనసాగే అవకాశముంది. తెలంగాణలో తగ్గిన చలి.. మరోవైపు తెలంగాణలో గత వారం రోజులుగా వణికిస్తున్న చలి కాస్త తగ్గుముఖం పట్టినట్లు హైదరాబాద్‌ వాతావరణ కేంద్రం ప్రకటించింది. నవంబర్‌ రెండో వారం నుంచి చలి తీవ్రత అధికంగా ఉంటుందని తెలిపింది. తెలంగాణలో రాగల రెండు రోజ

హైదరాబాద్, త్రిశూల్ న్యూస్ : తన నటనతో ప్రేక్షకులను అమితంగా ఆకట్టుకున్న జూనియర్ ఎన్టీఆర్.. తాతకు తగ్గ మనవడు అనిపించుకున్నారు. తాజాగా ఈ స్టార్ నటుడు కర్ణాటక అసెంబ్లీలో అడుగుపెట్టబోతున్నారు. ఈ మేరకు కర్ణాటక ప్రభుత్వం ఆహ్వానం పంపించింది. తారక్​ కర్ణాటక ప్రయాణంపై సర్వత్రా ఆసక్తి నెలకొంది. తన నటనతో తాతకు తగ్గ మనవడిగా గుర్తింపు తెచ్చుకున్నారు జూనియర్ ఎన్టీఆర్. తెలుగులో అగ్రతారల్లో ఒకరిగా కొనసాగుతూ అశేష అభిమానుల మనసులను గెలుచుకున్నారు. తారక్​.. కన్నడలోనూ జనాదరణ పొందారు. తాజాగా కర్ణాటక విధాన సౌధలో జరగబోయే ఓ కార్యక్రమంలో పాల్గొననున్నారు. దీంతో తారక్​ కర్ణాటక ప్రయాణంపై ఆసక్తి నెలకొంది. నవంబర్ 1న జరగబోయే కన్నడ రాజ్యోత్సవ కార్యక్రమానికి తారక్​ వెళ్లనున్నారు. ఈ కార్యక్రమంలో దివంగత నటుడు పునీత్​ రాజ్​కుమార్​కు కర్ణాటక అత్యున్నత పురస్కారం 'కర్ణాటక రత్న' అవార్డు ఇవ్వనున్నారు. ఈ మేరకు కర్ణాటక ప్రభుత్వం తారక్​ను ఆహ్వానించింది. ఈ కార్యక్రమానికి రావడానికి తారక్​ సుముఖత వ్యక్తం చేశారని కర్ణాటక ముఖ్యమంత్రి బసవరాజు బొమ్మై తెలిపారు. అలాగే తమిళ సూపర్ స్టార్ రజినీకాంత్​ను సైతం ఆహ్వానించామని చ