Trishul News

- సమన్వయ సమావేశంలో జిల్లా ఎస్పి మలిక గర్గ్ శ్రీకాళహస్తి, త్రిశూల్ న్యూస్ : శ్రీకాళహస్తీశ్వర స్వామి వారి మహా శివరాత్రి బ్రహ్మోత్సవాల నేపథ్యంలో గురువారం త్రినేత్ర అతిథి గృహములో ముందస్తు ఏర్పాట్లపై అన్ని శాఖల అధికారులతో జిల్లా ఎస్పి మలిక గర్గ్, కలెక్టర్ లక్ష్మి శలు సమన్వయ సమీక్ష సమావేశం నిర్వహించి, ఆచరించవలసిన ప్రణాళికను దిశా నిర్దేశం చేశారు. ఈ సందర్భంగా జిల్లా ఎస్పీ మలిక గర్గ్ మాట్లాడుతూ రాష్ట్ర ప్రభుత్వం వారు శ్రీకాళహస్తీశ్వర స్వామి శివరాత్రి బ్రహ్మోత్సవాలను రాష్ట్ర పండుగగా ప్రకటించి, అన్ని రకాల మౌలిక సదుపాయాలను ఏర్పాటు చేసి, ప్రతిష్టాత్మకంగా నిర్వహిస్తున్నారు. ఈ బ్రహ్మోత్సవాలకు మన రాష్ట్రం నుండే కాక ఇతర రాష్ట్రాల నుండి కూడా భక్తులు అశేషంగా వచ్చే అవకాశం ఉంది, తదనుగుణంగా భక్తులకు ఎలాంటి ఇబ్బంది లేకుండా వారి భద్రతను దృష్టిలో పెట్టుకొని సుమారు 1000 మంది పోలీసులతో పటిష్టమైన భద్రత చర్యలను ఏర్పాటు చేస్తున్నామన్నారు. గత బ్రహ్మోత్సవాల అనుభవాలను దృష్టిలో పెట్టుకొని లోటు పాట్లను బెరీజు వేసుకుంటూ సరికొత్త ప్రణాళికతో అన్ని శాఖల సమన్వయంతో సమిష్టి గా కార్యాచరణ అమలు చేస్తున్నామన్నారు. సామా...

హైదరాబాద్, త్రిశూల్ న్యూస్ : తెలంగాణలో ధరణి సమస్యల పరిష్కారానికి రేవంత్ ప్రభుత్వం గైడ్ లైన్స్ విడుదల చేసింది. ఈ మేరకు కలెక్టర్లకు సీసీఎల్ఏ మార్గదర్శకాలు సూచించింది. మార్చి ఒకటి నుంచి మార్చి 9 వరకు ధరణి సమస్యలను పరిష్కారించేందుకు రాష్ట్రవ్యాప్తంగా సదస్సులు నిర్వహించాలని నిర్ణయం తీసుకుంది. ఈ క్రమంలో 24వ తారీఖున ధరణిపై సీఎం రేవంత్ రెడ్డి చేసిన రివ్యూలో ధరణి అప్లికేషన్లను వెంటనే క్లియర్ చేయాలని ఆదేశించింది. అందుకు అనుగుణంగా ధరణి కమిటీ కొన్ని సూచనలు చేసింది. తహశీల్దార్, ఆర్టీవో, అడిషనల్ కలెక్టర్లు, కలెక్టర్ల సమక్షంలో కమిటీలు పని చేస్తాయి. టైం లైన్ విధించి ఆ లోపు పెండింగ్ అప్లికేషన్లను క్లియర్ చేయాలని ఆదేశించింది. కరెక్షన్ చేసిన అప్లికేషన్ల వివరాలను ఎలక్ట్రానిక్స్ రికార్డ్స్ లో భద్రపరచాలని సూచించింది. ధరణి అడ్డం పెట్టుకొని ఆక్రమించిన ప్రభుత్వ భూముల విషయంలో కఠినంగా వ్యవహరించాలి. ఆధార్ నెంబర్ మిస్ మ్యాచ్, రైతుల పేర్లు తప్పుగా ఉండి ఆగిపోయిన అప్లికేషన్లు, ఫొటో మిస్ మ్యాచ్ వంటి పెండింగ్ అప్లికేషన్లను సత్వరమే పరిష్కరించాలి. అసైన్డ్ ల్యాండ్ ల సమస్యలు పరిష్కరించాలి. పాస్ బుక్ కరెక్షన్స్,...

- టిడిపి నియోజకవర్గ సమీక్ష సమావేశంలో బత్యాల రాజంపేట, త్రిశూల్ న్యూస్ :  ఇతర దేశాల్లో ప్రాంతాల్లో ఉన్నటువంటి మన పార్టీకి చెందిన ఓటర్లను గుర్తించి వారి వివరాలను వెంటనే అందజేయాలని అదే విధంగా టిడిపి పథకాలపై ప్రజలకు పూర్తిస్థాయిలో అవగాహన కల్పించి శంఖారావం, బాబు సూపర్ సిక్స్ సంబంధించి రిజిస్ట్రేషన్స్ కార్యక్రమాన్ని వేగవంతం చేయాలని మాజీ ఎమ్మెల్సీ, తెలుగుదేశం పార్టీ రాష్ట్ర ప్రధాన కార్యదర్శి, రాజంపేట నియోజకవర్గ ఇంచార్జ్ బత్యాల చంగల్ రాయుడు టిడిపి నాయకులకు, కార్యకర్తలకు దిశనిర్దేశం చేశారు. గురువారం నాడు రాజంపేట పట్టణంలోని బత్యాల భవన్లో "శంఖారావం బాబు సూపర్ సిక్స్" కార్యక్రమంపై నియోజకవర్గంలోని అన్ని మండలాల నుండి పార్టీ అధ్యక్షులు, ప్రధాన కార్యదర్శులు, క్లస్టర్, యూనిట్ ఇన్చార్జీలు, బూత్ కన్వీనర్లు, రాష్ట్ర, పార్లమెంట్, అసెంబ్లీ పదాధికారులతో నియోజకవర్గస్థాయి సమీక్ష సమావేశం నిర్వహించి సమీక్షించారు. ఈ సందర్భంగా బత్యాల మాట్లాడుతూ తెలుగుదేశం పార్టీకి చెందిన కుటుంబసభ్యులు అందరూ ఎన్నికల సమరానికి సిద్ధం కావాలని పిలుపునిచ్చారు. ముఖ్యంగా ఓటర్ల తుది జాబితాలో అధికార పార్టీ నాయకులు అక్రమ...

కుప్పం, త్రిశూల్ న్యూస్ : ఒకటి రెండు నెలలు కాదు ఏకంగా ఏడు నెలల జీతాల కోసం ఔట్ సోర్సింగ్ ఉద్యోగులు ఇన్నాళ్లు ఎదురు చూసారు. అయినా ద్రావిడ విశ్వవిద్యాలయ అధికారుల్లో చలనం లేకపోవడంతో రేపు వర్సిటీ బంద్ కు పిలుపునిచ్చారు. ఈ సందర్బంగా ఔట్ద్ సోర్సింగ్ ఉద్యోగులు. మాట్లాడుతూ గత ఏడు నెలలుగా జీతాలు ఇవ్వక వెట్టి చాకిరీ చేస్తున్న కూడా అధికారుల్లో స్పందన లేకపోవడం బాధాకరమన్నారు. గత 15రోజులుగా విధులకు హాజరు అవుతూనే వర్సిటీ జీతాల కోసం గంట పాటు పరిపాలన భవనం ఎదుట నిరసన చేసిన ప్రయోజనం లేకపోయిందని ఆవేదన వ్యక్తం చేశారు. అందుకే తమ 7 నెలల వేతనాలకోసం రేపు వర్సిటి బంద్ కు పిలుపునిచ్చామని పేర్కొన్నారు. కావున ప్రతి ఒక్కరు తమ బంద్ కు మద్దతు ఇవ్వాలని ఈ సందర్బంగా ఉద్యోగులు కోరారు.

హైదరాబాద్, త్రిశూల్ న్యూస్ : రాష్ట్రంలో బిజెపి అగ్రనేతలు వరుస ఎన్నికల పర్యటనలు సిద్దమవుతున్నారు. వచ్చే లోక్‌సభ ఎన్నికల్లో రాష్ట్రంలో డబుల్ డిజిట్ ఎంపి సీట్లు లక్షంగా ముందుస్తు ప్రచారానికి నడుం బిగించారు. అధికార కాంగ్రెస్, ప్రతిపక్ష బిఆర్‌ఎస్ కంటే ముందుగా ప్రచారం చేపట్టి ప్రజలను ఆకట్టుకునేందుకు ఆపార్టీ నేతలు వ్యుహాలు రచిస్తు న్నారు. ఎన్నికల షెడ్యూల్ కంటే ముందు ఆదిలాబాద్, సంగారెడ్డిలో ఏర్పాటు చేసిన సభలకు ప్రధాని మోడీ హాజరై ఎన్నికల ప్రచారం ప్రారంభించ నున్నారు. మార్చి 4, 5 తేదీల్లో బహిరంగసభలతో పాటు పలు అభివృద్ది పనులకు శంకుస్థాపన చేస్తారని పార్టీ సీనియర్లు వెల్లడించారు. వచ్చే నెల 4న హైదరా బాద్‌లో అమిత్ షా లోక్ సభ ఎన్నికల ప్రచారంలో పాల్గొనున్న సభ రద్దు అయినట్లు చెప్పారు. ప్రధాని మోడీ షెడ్యూల్..! ➡️4వ తేదీన అదిలాబాద్, 5వ తేదీన సంగారెడ్డిలో పర్యటన ➡️4వ తేదీ ఉదయం 10.30 నుండి 11 గంటల వరకు అదిలాబాద్ లో పలు కేంద్ర ప్రభుత్వ ప్రాజెక్ట్ లకు శంకుస్థాపన, ప్రారంభోత్సవం. ➡️ఉదయం 11.15 గంటల నుండి మధ్యాహ్నం 12 గంటల వరకు అదిలాబా ద్‌లో బహిరంగ సభ రాత్రి హైదరాబాద్ రాజ్ భవన్‌లో బస.. ➡️5వ తేదీన సంగార...

త్రిశూల్ న్యూస్ డెస్క్ : Leap year 2024 భూమి సూర్యుని చుట్టూ తిరగడానికి 365 రోజులు పడుతుందని అందరికీ తెలుసు. నిజానికి భూమి సూర్యుని చుట్టూ తన కక్ష్యను పూర్తి చేయడానికి  365 రోజులు, ఐదు గంటలు, నలభై ఎనిమిది నిమిషాలు,నలభై ఆరు సెకన్లు పడుతుంది. కాబట్టి, దాదాపు ప్రతి నాలుగు సంవత్సరాలకు ఒకసారి  అదనంగా ఒక రోజు వస్తుంది.  అలా 366  రోజులు ఉండే  సంవత్సరాన్నే  లీప్‌ ఇయర్‌ అంటాం. అలా  2024 ఏడాదికి  366 రోజులుంటాయి.    లీప్ ఇయర్ ఎందుకు వస్తుంది? ప్రతి నాలుగు సంవత్సరాలకు ఒకసారి లీప్ సంవత్సరం వస్తుంది అనుకున్నాం కదా! లీప్ సంవత్సరాన్ని నాలుగుతో భాగిస్తే శేషం ఖచ్చితంగా సున్నా వస్తుంది.  కానీ 100తో కూడా భాగింపబడితే మాత్రం అది లీప్ సంవత్సరం కాదు.  ప్రతీ ఏడాదిలా కాకుండా లీప్‌  ఫిబ్రవరి నెలలో  29 రోజులుంటాయి నాలుగేళ్లకొకసారి లీప్‌ డే ఉంటుందా?  ఇంట్రస్టింగ్‌ లెక్కలు. అయితే, ప్రతి నాలుగు సంవత్సరాలకు లీప్ డే జోడించడదనీ, క్యాలెండర్‌ను 44 నిమిషాలు పొడిగింపు  మాత్రమే ఉంటుందని  వాషింగ్టన్ డీసీ...

కరీంనగర్, త్రిశూల్ న్యూస్ : కరీంనగర్ వీణవంక మండలం బేతిగల్ గ్రామంలో కుర్ర సురేష్ అనే వ్యక్తి ఇంట్లో గొడవపడి పొలం వద్దకి వెళ్ళి పురుగుల మందు త్రాగాడు. పొలాల‌వద్ద రైతులు గమనించి 100కి‌ సమాచారం ఇవ్వగా బ్లూకోర్ట్ సిబ్బంది జయపాల్ అపస్మారక స్థితిలో ఉన్న సురేష్ ని తన భూజాలపై వేసుకొని పొలాల గట్ల వెంబడి రెండు కిలోమీటర్ల మోసుకొని గ్రామంలోకి వెళ్ళాడు. జమ్మికుంట ఆసుపత్రి కి తరలించగా సురేష్ కి‌ చికిత్స అందించి కాపాడారు.

హైదరాబాద్, త్రిశూల్ న్యూస్ : తెలంగాణ సీఎం రేవంత్ రెడ్డి కీలక నిర్ణయం తీసుకున్నారు. రాష్ట్రంలో ఉపాధ్యాయ నియామకాల కోసం.. గత ప్రభుత్వం ఇచ్చిన డీఎస్సీ నోటిఫికేషన్‌ను రేవంత్ సర్కార్ రద్దు చేసింది. అయితే.. 2023 సెప్టెం బర్‌లో 5089 ఉపాధాయ పోస్టులకు.. కేసీఆర్ సర్కార్ నోటిఫికేషన్‌ విడుదల చేయగా.. పలు కారణాల వల్ల వాయిదా పడుతూ వచ్చింది. అయితే.. ఆ నోటిఫికేషన్‌ను పూర్తిగా రద్దు చేసిన రేవంత్ సర్కార్... పాత నోటిఫి కేషన్‌లో ఇచ్చిన 5089 పోస్టులకు అదనంగా మరో 5973 పోస్టులను కలిపి మొత్తంగా 11,062 పోస్టులతో రేపు మెగా డీఎస్సీకి నోటిఫికేషన్‌ జారీ చేయనున్నట్టు తెలుస్తోంది. ఈ పోస్టుల్లో 6,500కు పైగా సెకండరీ గ్రేడ్‌ టీచర్‌ (SGT) పోస్టులు, 2,600 స్కూల్‌ అసిస్టెంట్‌ పోస్టులు, 700 పండిట్‌ పోస్టులు ఉండగా.. PET పోస్టులు 190 ఉన్నట్టు సమాచారం. అయితే.. గత ప్రభుత్వం ఇచ్చిన 5089 పోస్టులకు గానూ.. రాష్ట్రవ్యాప్తంగా.. 1.77లక్షల మంది అభ్యర్థు లు దరఖాస్తు చేసుకొన్నారు. కాగా.. మెగా డీఎస్సీకి నోటిఫికేషన్ విడుదల వుతున్న నేపథ్యంలో.. ఇప్పుడు మళ్లీ దరఖాస్తు చేసుకోవాలా..? అవసరం లేదా..? అన్న కన్ప్యూజన్ అభ్యర్థుల్లో నెలకొంద...

కుప్పం, త్రిశూల్ న్యూస్ : వైసీపీ అధికారంలోకి వచ్చాక క్రీడాకారుల జీవితాల్లో చలగాటం ఆడుతున్నారని తెలుగుదేశం పార్టీ కుప్పం నియోజకవర్గ ఇన్చార్జ్ పిఎస్ మునిరత్నం మండిపడ్డారు. బుధవారం స్థానిక తెలుగుదేశం పార్టీ కార్యాలయం నుంచి నియోజకవర్గ ఇన్చార్జ్ పిఎస్ మునిరత్నం పత్రిక ప్రకటన విడుదల చేశారు. జట్టులో 17వ ఆటగాడిగా ఉన్న తిరుపతి వైసిపి కార్పొరేటర్ పుత్రరత్నాన్ని పద్ధతి మార్చుకోవాలని మందలించడమే ఆంధ్రా రంజీ జట్టు కెప్టెన్ హనుమ విహారి చేసిన మహాపరాదమా అని ప్రశ్నించారు. భారత్ తరపున 16టెస్ట్ మ్యాచ్ లు ఆడి, ఆంధ్రా రంజీ జట్టుకు ఏడేళ్లు ఏకధాటి కెప్టెన్ గా వ్యవహరించిన అనుభవం.. వైసిపి వీధి నాయకుడి పంతం ముందు దిగదుడుపేనా అని ప్రశ్నించారు. ఢిల్లీ లిక్కర్ స్కామ్ నిందితుడు శరత్ చంద్రారెడ్డిని ఆంధ్రా క్రికెట్ అసోసియేషన్ అధ్యక్షుడిగా నియమించినపుడే ఎసిఎ పరువు బంగాళాఖాతంలో కలిసిపోయింది అన్నారు. విహారీని కెప్టన్ గా కొనసాగించాలని ఈ సందర్బంగా కోరారు. ఆశ్విన్ సహా అనేక మంది విహారికి సంఘీభావం తెలిపారున్నారు. ఆంధ్ర క్రికెట్ అసోషియోషన్ రాజకీయ ఒత్తిడికి గురై రాష్ట్రానికి అప్రతిష్ఠ తెచ్చే విదంగా విహారి పట్ల అను...

- సత్యవేడు వైకాపా నియోజకవర్గ ప్రఛార కార్యదర్శి ఓడూరు ఉజ్వలరెడ్డి సత్యవేడు, త్రిశూల్ న్యూస్ : తిరుపతి జిల్లా సత్యవేడు నియోజకవర్గంలోని ఏడు మండలాల వైసిపి కుటుంబ సభ్యులు, నాయకులు, కార్యకర్తలు, రానున్న సార్వత్రిక ఎన్నికలు సమీపిస్తున్న తరుణంలో ప్రతి నిత్యం ప్రజల మధ్య ఉంటూ బూతు స్థాయి నుంచి పార్టీ బలోపేతానికి శక్తి వంచన లేకుండా కృషి చేయాలని వైకాపా సత్యవేడు నియోజకవర్గ ప్రఛార కార్యదర్శి ఓడూరు ఉజ్వల రెడ్డి పిలుపునిచ్చారు. బుధవారం ఆయన మీడియాతో మాట్లాడుతూ ఈ ఎన్నికల్లో జరిగేది క్యాస్ట్ వార్ కాదు క్లాస్ వార్ అని అన్నారు. పేదవారికి పెత్తందార్లుకు మధ్య జరిగే యుద్ధానికి అందరం సిద్ధం కావాలని పిలుపునిచ్చారు. గ్రౌండ్ లెవెల్ లో వైసిపి బలంగానే ఉన్నాం అంటే ప్రతి అవ్వకు, తాతకు, ప్రతి అక్కాచెల్లెళ్ళులకు, ప్రతి సోదరుడి, ప్రతి కుటుంబానికి మన ప్రభుత్వం సంక్షేమ పథకాలను నేరుగా వారి గడపగడపకు చేర్చిందన్నారు. అందుకే అందరూ ఆత్మవిశ్వాసంతో ప్రతి ఇంటికి వేళ్ళి ఈ సంక్షేమ పథకాలు మళ్ళి కులాలకు, మతాలకు, పార్టీలకు, రాజకీయాలకు, అతీతంగా సంక్షేమ పథకాలు లబ్ధిదారులకు అందేలా చేసింది మనందరి ప్రభుత్వం అని మనం చేసిన ...

పుత్తూరు, త్రిశూల్ న్యూస్ : పుత్తూరు పట్టణంలో జాతీయ టైలర్స్ దినోత్సవం సందర్భంగా లక్ష్మీ వినాయక సొసైటీ మరియు మహిళా టైలర్స్ వెల్ఫేర్ అసోసియేషన్ ఆధ్వర్యంలో డాక్టర్ బి.ఆర్ అంబేద్కర్ విగ్రహానికి నివాళులర్పించి, పట్టణ పురవీధులలో టైలర్స్ ర్యాలీ నిర్వహించారు. స్థానిక మండి వీధిలో కేక్ కట్ చేసి సంబరాలు జరుపుకున్నారు. పుత్తూరు పట్టణంలోని స్థానిక అంబేద్కర్ భవనంలో టైలర్స్ కార్యవర్గ సమావేశం నిర్వహించి, మిగ్ద మహిళ వృద్ధాశ్రమంలో వృద్ధులకు స్వీట్లు పంచిపెట్టి వస్త్ర దానం, అన్నదానం కార్యక్రమం చేపట్టారు. ఈ సందర్భంగా వారు మాట్లాడుతూ నేటి సమాజంలో వ్యక్తులు హుందాగా కనపడాలంటే టైలర్స్ శ్రమ ఎంతో ఉందని, బట్టల సౌందర్యాలను వెలికితీసేది టైలర్స్ అని గుర్తు చేశారు. ఈ కార్యక్రమంలో టైలర్స్ కో-ఆపరేటివ్ సొసైటీ అధ్యక్షులు భాస్కర్, మహిళా టైలర్స్ అధ్యక్షురాలు నాగరత్న, గణేష్, రాజేంద్ర సూరి వెంకటముని చిన్నబ్బ, రజని, పుష్పలత, లక్ష్మి, శైలజ, తదితరులు పెద్ద ఎత్తున పాల్గొన్నారు.

- 2.30 లక్షల ఉద్యోగాల భర్తీ, ప్రతి ఏటా జాబ్ క్యాలెండర్, మెగా డీఎస్సీ ఎక్కడ అని ప్రశ్న - మీ పాలనలో మోసం, ద్రోహం, అన్యాయం మాత్రమే యువతకు చేశారని మండిపాటు - ముఖ్యమంత్రి జగన్ కు టిడిపి ఎమ్మెల్సిలు బహిరంగ లేఖ  అమరావతి, త్రిశూల్ న్యూస్ : ఐదేళ్ల మీ పాలనను వెనక్కి తిరిగి చూస్తే యువతకు మీరు చేసిన మోసం, ద్రోహం, అన్యాయం మాత్రమే కన్పిస్తున్నాయని, నాడు ప్రతిపక్ష నేతగా మీరు మాట తప్పం మడమ తిప్పం అనే నినాదంతో నిరుద్యోగులకు అనేక హామీలిచ్చి అధికారంలోకి వచ్చాక వాటిని తుంగలో తొక్కి నిరుద్యోగులను నయవంచన చేశారని తెలుగుదేశం పార్టీ శాసనమండలి సభ్యులు వేపాడ చిరంజీవిరావు, కంచర్ల శ్రీకాంత్, భూమిరెడ్డి రాంగోపాల్ రెడ్డిలు విమర్శించారు. శనివారం టిడిపి ఎమ్మెల్సిలు రాష్ట్ర ముఖ్యమంత్రి జగన్ మోహన్ రెడ్డికి బహిరంగ లేఖ రాశారు. వైసీపీ అధికారంలోకి రాగానే ఏపీపీఎస్సీ ద్వారా 2.30 లక్షల ఉద్యోగాల భర్తీ, ప్రతి ఏటా జాబ్ క్యాలెండర్, మెగా డీఎస్సీ అని మీరు ఇచ్చిన హామీల్లో ఒక్కటీ నెరవేర్చలేదని లేఖలో ద్వజమెత్తారు. ప్రతిపక్షంలో ఉన్నప్పుడు 23 వేల ఉపాధ్యాయ పోస్టుల భర్తీకి మెగా డీఎస్సీ ఉద్యోగ నోటిఫికేషన్ విడుదల చేస్తామని హ...

- కట్టుకున్న భర్తను, ప్రియుడు, తన తండ్రితో కలసి హతమార్చిన వైనం - పోలీసుల విచారణలో నివ్వెర పోయే నిజాలు మదనపల్లి, త్రిశూల్ న్యూస్ : అన్నమయ్య జిల్లాలో ఒక ఇల్లాలు తాళి కట్టిన భర్త తన ప్రేమ వ్యవహారానికి అడ్డుగా ఉన్నాడనుకుంది. పక్కా ప్లాన్‌తో అడ్డు తొలగించుకునే ప్రయత్నం చేసింది. పోలీసులు మృతదేహాన్ని వెలికితీసి వైద్యులు పోస్టుమార్టం నిర్వహించడంతో అసలు విషయం బయటకొచ్చింది. మదనపల్లికి చెందిన శ్రీనివాసులు దొనబైలుకు చెందిన గీతను 4 ఏళ్ల క్రితం పెళ్లి చేసుకుని చిన్న దొనబైలులో కాపురం పెట్టాడు. గత నెల 25 నుంచి భర్త శ్రీనివాసులు కనబడటం లేదని పోలీసులకు ఫిర్యాదు చేసింది భార్య గీత. చిన్న దొనబైలుకు చెందిన ప్రసాద్ అనే యువకుడితో వివాహేతర సంబంధాన్ని కొనసాగిస్తున్న గీత.. భర్త అడ్డు వస్తున్నాడని భావించింది. భర్త శ్రీనివాసులు మద్యానికి బానిస అయ్యాడని తరచూ గొడవపడుతూ వచ్చింది. ఈ క్రమంలోనే ప్రియుడుతో కలిసి భర్త హత్యకు ప్లాన్ చేసింది గీత. శ్రీనివాసులును హతమార్చి ఆపై గుట్టు చప్పుడు కాకుండా పూడ్చిపెట్టింది. తనకే పాపం తెలియదన్నట్లు వ్యవహరించిన గీత.. భర్త కనబడడం లేదని అందరిని నమ్మించే ప్రయత్నం చేసింది. భర్త ...

- వెలిగల్లు వద్ద 1500 లీటర్ల తుమ్మచెక్క బెల్లం ఊట ధ్వంసం తంబళ్లపల్లె, త్రిశూల్ న్యూస్ : అన్నమయ్య జిల్లా తంబళ్లపల్లి నియోజకవర్గంలోని పెద్దమండెం మండలం, వెలిగల్లు వద్ద పోలీసులు శనివారం నాటు నారా తయారీ స్థావరాలపై దాడులు నిర్వహించారు. ఈ దాడులు డీఎస్పీ కేశప్ప ఆదేశాలతో ఎస్ఐ వెంకటేష్ తన సిబ్బందితో కలసి వెళ్లి వెలిగల్లుకు సమీపంలోని గుట్టకింద వాగులో పెద్దఎత్తున నాటు సారా తయారీ డంపును గుర్తించారు. వెంటనే బట్టీలను పగలగొట్టి 1500 వందల లీటర్ల తుమ్మ చెక్క బెల్లం ఊటను ధ్వంసంచేసి, కొంత నాటు సారాను కూడా సీజ్ చేశారు. సార తయారు చేస్తున్న వ్యక్తి పరార్ కావడంతో కేసు నమోదు చేసి దర్యాప్తు చేస్తున్నామని ఎస్ఐ తెలిపారు..

తిరుపతి, త్రిశూల్ న్యూస్ : రోడ్డు ప్రమాదంలో తీవ్రంగా గాయపడిన చిరుత చికిత్స పొందుతూ శనివారం మృతి చెందింది. పెనుగొండ దగ్గర రోడ్డు ప్రమాదంలో తీవ్రంగా గాయపడిన చిరుతను మెరుగైన చికిత్స కోసం అధికారులు తిరుపతిలోని శ్రీ వెంకటేశ్వర జంట ప్రదర్శనశాలకు తరలించారు. 'జూ'లో సంజీవిని హాస్పిటల్ లో వెటర్నరీ వైద్యులు వైద్యం అందించినా ఆరోగ్యం క్షీణించడంతో చిరుత మృతి చెందింది. పోస్టు మార్టం నిమిత్తం చిరుత మృతదేహాన్ని వెటర్నరీ ఆసుపత్రికి తరలించారు. వెటర్నరీ అధికారులు పోస్టుమార్టం చేయగా (సెప్టిసెమిక్ షాక్ మరియు లింఫోసార్కోమా) Septicemic shock and Lymphosarcoma. కారణంగా చనిపోయినట్లు వైద్యులు గుర్తించారు.

- రైతు ఋణమాఫీ, రూ.500 బోనస్ ప్రస్తావనే లేదని ఆగ్రహం  మహబూబాబాద్, త్రిశూల్ న్యూస్ : తెలంగాణ కాంగ్రెస్ ప్రభుత్వం రైతులను విస్మరించిదని మహబూబాబాద్ జిల్లా బిజెపి నాయకురాలు గుండెబోయిన నాగమణి పేర్కొన్నారు. తెలంగాణ రాష్ట్ర ప్రభుత్వం అసెంబ్లీలో ప్రవేశపెట్టిన రాష్ట్ర బడ్జెట్ పై ఆమె మాట్లాడుతూ తెలంగాణ రాష్ట్ర ప్రభుత్వం రైతు ప్రభుత్వం అని గొప్పలు చెప్పటమే కాని ఓటన్ బడ్జెట్ లో రైతు ఋణమాఫీ, రైతులకు గిట్టుబాటు ధర, వరికి క్వింటాళ్లకు ₹ 500 లు బోనస్ కు సంభందించి కేటాయింపులు లేకపోవడం దారుణం అని, రైతు బంధుకు మాత్రమే నిధులు కేటాయించి చేతులు దులుపుకోవడం జరిగిందని విమర్శించారు. రైతు ఋణమాఫీ కావాలంటే సుమారుగా రూ.25వేల కోట్లు అవసరం కాని వాటిని చూపకుండా ఋణమాఫీ చేస్తాం , కార్యాచరణ చేస్తాం అని చెప్పటం రైతులను మోసం చేయడమే అని విమర్శించారు. ఇందిరమ్మ ఇళ్లుకు కేటాయింపులు చూస్తే ఈ ఆర్థిక సంవత్సరంలో ఇందిరమ్మ ఇళ్లు లేవనే అర్దం అవుతుందని ప్రతి నియోజకవర్గానికి 3500 ఇళ్లుల చొప్పున 119 నియోజకవర్గాలకు 4,16, 500 ఇళ్లకు రూ.20,825 కోట్లకు గాను రూ.7740 కోట్లు కేటయించటం చూస్తే ప్రతి నియోజకవర్గానికి 1300 ఇళ్ళులు ...

చంద్రగిరి, త్రిశూల్ న్యూస్ : సంపద సృష్టి కర్త, విజన్ కలిగిన నేత, మాజీ ముఖ్యమంత్రి నారా చంద్రబాబు నాయుడుతోనే రాష్ట్ర ఆర్థిక పరిస్థితి మెరుగుపడుతుందని చిత్తూరు జిల్లా తెలుగుదేశం పార్టీ పార్లమెంటు అధ్యక్షుడు, చంద్రగిరి నియోజకవర్గ ఎమ్మెల్యే అభ్యర్థి పులివర్తి నాని సతీమణి పులివర్తి సుధారెడ్డి అన్నారు. అందుకే బాబు కావాలని అలాగే నీతి నిజాయితీ నిబద్ధత కలిగిన పులివర్తి నాని గెలవాలని ప్రజలు కోరుకుంటున్నట్లు తెలిపారు. మీ ఇంటి వద్దకు మీ పులివర్తి నాని, బాబు ఘారిటి భవిష్యత్తుకు గ్యారెంటీ కార్యక్రమంలో భాగంగా శనివారం ఆమె పాకాల మండలం, దామలచెరువు పంచాయతీ, రాజీవ్ నగర్ లో పర్యటించారు. ఈ సందర్భంగా టీడీపీ, జనసేన నాయకులు ఆమెకు ఘన స్వాగతం పలికారు. పులివర్తి సుధారెడ్డి ఇంటింటికి తిరుగుతూ ప్రజల సమస్యల్ని అడిగి తెలుసుకున్నారు. మినీ మేనిఫెస్టోలోని అంశాలపై అవగాహన కల్పించారు. జాబు రావాలన్నా, భవిష్యత్తు మారాలన్నా జరగబోయే ఎన్నికల్లో నారా చంద్రబాబు నాయుడు గెలవాలన్నారు. వైసీపీ అరాచక పాలనను అంతం చేయాలని ప్రజలకు పిలుపు నిచ్చారు. చెవిరెడ్డి లాంటి ఎమ్మెల్యేను తాను జీవితంలో చూడలేదని పేర్కొన్నారు. ఈ ప్రభుత్వం క...

దిండుక్కల్, త్రిశూల్ న్యూస్ : ఇటీవలి కాలంలో హిజ్రాలకు ప్రాధాన్యం పెరుగుతోంది. అటు రాజకీయంగాను, ఇటు సామాజికంగాను తమను తాము నిరూపించుకునే క్రమంలో ఎంతోమంది వెలుగులోకి వస్తున్నారు. తాజాగా ఓ హిజ్రా రైల్వే టికెట్ ఇన్‌స్పెక్టర్‌గా నియమితులయ్యారు. తమిళ సాహిత్యంలో బి.లిట్ చేసిన నాగర్‌కోవిల్‌కు చెందిన సింధు 19 ఏళ్ల క్రితం కేరళలోని ఎర్నాకుళంలో రైల్వేశాఖలో ఉద్యోగంలో చేరారు. ఆ తర్వాత బందిలీపై తమిళనాడులోని దిండుక్కల్ వచ్చారు. ఓ ప్రమాదంలో ఆమె చేయికి తీవ్ర గాయం కావడంతో ఆమెను వాణిజ్య విభాగానికి బదిలీ చేశారు. అక్కడ పనిచేస్తూనే ఆమె టికెట్ ఇన్‌స్పెక్టర్‌గా శిక్షణ పూర్తిచేసుకున్నారు. దీంతో ఆమెను తాజాగా దిండుక్కల్ రైల్వే డివిజన్‌లో టికెట్ ఇన్‌స్పెక్టర్‌గా నియమించారు. ఫలితంగా భారతదేశంలో తొలి రైల్వే ఇన్‌స్పెక్టర్‌గా రికార్డులకెక్కారు. ఈ సందర్భంగా సింధు మాట్లాడుతూ తాను హిజ్రా కావడంతో ఏమీ సాధించలేనన్న నిరుత్సాహం నుంచి ఈస్థాయికి ఎదిగినందుకు గర్వంగా ఉందని పేర్కొన్నారు. తన జీవితంలో ఇది మర్చిపోలేని జ్ఞాపకమని సంతోషం వ్యక్తం చేశారు. హిజ్రాలు తమ సమస్యలతో కుంగిపోకుండా విద్య, శ్రమను ఆయుధాలుగా చేసుకుని ఉన్నత ...

తిరుపతి, త్రిశూల్ న్యూస్ : ఈ నెల 21 తేదిన తిరుపతిలో తలపెట్టిన బలిజ కులస్థుల ఆత్మీయ సమ్మేళనం జయప్రదం చేయాలని డిప్యూటీ మేయర్ ముద్ర నారాయణ కోరారు. స్థానిక రామచంద్ర పుష్కరిణీ వద్ద పొన్నాల చంద్ర ఫంక్షన్ హాలులో జరిగిన బలిజ కుల ముఖ్య నాయకుల సమావేశంలో అయన మాట్లాడుతూ బలిజలను అన్నింటా ఆదరించి ప్రోత్సహిస్తున్న భూమన అభినయ్ రెడ్డికి పూర్తి స్థాయిలో సహకరించి వారి గెలుపులో భాగస్వామ్యం కావాలన్నారు. ముందు చూపు పట్టుదల ఉన్న అభినయ్ రెడ్డి లాంటి యువ నాయకుడు తిరుపతి ఎమ్మెల్యే అయితే తిరుపతికి మేలు జరుగుతుందని తెలిపారు. ఈ కార్యక్రమంలో నీలం బాలాజీ, బెల్లం రమేష్, నంద గోపాల్, పొన్నాల చంద్ర, దూది కుమారి, సునీత, దోరై రాజు, వై.సురేష్, దూది శివ, అనిల్ రాయల్, సునీల్ చక్రవర్తి, బాలిశెట్టి కిషోర్, వెంకటేష్ రాయల్, మద్దాలి శేకర్, పసుపులేటి సురేష్, కరాటే శ్రీను, దినేష్, విజయలక్ష్మి, కవిత, రమణమ్మ తదితరులు పాల్గొన్నారు.

- యాత్ర - 2 సినిమాకు టికెట్లు అమ్మాలని కలెక్టర్లకు ఎస్పీలకు ఆదేశాలు ఇవ్వడం దారుణం రాజంపేట, త్రిశూల్ న్యూస్ : సైకో ముఖ్యమంత్రి జగన్ రెడ్డి అరాచకాలను అంతమొందించేందుకు తెలుగుదేశం పార్టీ జాతీయ ప్రధాన కార్యదర్శి నారా లోకేష్ రేపటి నుంచి శంఖారావం ప్రారంభిస్తున్నారని మాజీ ఎమ్మెల్సీ, తెలుగుదేశం పార్టీ రాష్ట్ర ప్రధాన కార్యదర్శి & రాజంపేట నియోజకవర్గ ఇంచార్జ్ బత్యాల చంగల్ రాయుడు తెలిపారు. శనివారం రాజంపేట పట్టణంలోని బత్యాల భవన్లో ఆయన మీడియా సమావేశం నిర్వహించి మాట్లాడుతూ ఈ శంఖారావం ఇచ్చాపురం నుంచి అనంతపురం వరకు కొనసాగుతూ యువగళం పాదయాత్రలో కవర్ చేయనటువంటి నియోజకవర్గాల్లో పర్యటించి జగన్మోహన్ రెడ్డి చేస్తున్నటువంటి అరాచక కిరాతక పైసాచాన్ని ప్రజలకు వివరిస్తూ శంఖారావం ఉండబోతుందన్నారు. అలనాడు కురుక్షేత్ర యుద్ధంలో శ్రీకృష్ణ పరమాత్ముడు పట్టిన శంఖారావమే ధర్మం గెలిచేదానికి అధర్మం ఓడిపోయేదానికి ఉపయోగపడిందని వివరించారు. ఈ రాష్ట్రంలో అభ్యర్థులను సైతం కొట్టే కాడికి వచ్చిన ప్రభుత్వం ఏదైనా ఉందంటే అది వైసీపీ ప్రభుత్వమేనని తెలిపారు. నిన్న కడపలో టిడిపి పోలిట్ బ్యూరో సభ్యులు శ్రీనివాసరెడ్డి , ఇన్చార్జి మ...

తిరుపతి, త్రిశూల్ న్యూస్ : భారతదేశంలో అపారమైన ప్రతిభ ఉంటే కానీ ఐఏఎస్,ఐపీఎస్ అధికారులు ప్రభుత్వ ఉద్యోగస్తులు కాలేరు అటువంటి వీరు రాజకీయ నాయకుల ఒత్తిళ్లకు తలోగ్గి తాత్కాలిక ప్రయోజనాలకు ఆశపడి సమాజంలో గౌరవాన్ని,మీ జీవితాన్ని కలుషితం చేసుకుని పౌర సమాజం "చీ"కొట్టేలా ప్రజాస్వామ్యం నవ్వుల పాలయ్యేలా ఎందుకు తయారవుతున్నారో ఓసారి ఆత్మ విమర్శ చేసుకోవాలని రాయలసీమ పోరాట సమితి కన్వీనర్ నవీన్ కుమార్ రెడ్డి పేర్కొన్నారు. ఈ సందర్బంగా ఆయన మాట్లాడుతూ తిరుపతి ఆధ్యాత్మిక నగరం బోగస్ ఓట్లకు కేరాఫ్ అడ్రస్ గా మారిందని 34 వేల EPIC (బోగస్ ఎలక్షన్ ఫోటో ఐడెంటిటీ కార్డ్స్) కార్డులను రాజకీయ నాయకుల ఒత్తిళ్లతో అధికారులు తయారు చేశారని సాక్షాత్తు కేంద్ర ఎన్నికల సంఘం సాక్షాదారాలతో సహా ఐఏఎస్,నగరపాలక సంస్థ,రెవిన్యూ అధికారులతో పాటు అవుట్సోర్సింగ్ ఉద్యోగస్తులను సస్పెండ్ చేయడం దేశ ప్రజలంతా గమనిస్తున్నారన్నారు. తిరుపతిలో ఇటీవల జరిగిన పార్లమెంట్, ఎమ్మెల్సీ, నగరపాలక సంస్థ ఎన్నికలతో పాటు ఎన్నికల కమిషన్ ఆదేశాలతో జరిగిన ఓటర్ల జాబితా చేర్పులు, మార్పులలో కీలక పాత్ర పోషించిన జిల్లా అధికార యంత్రాంగం, నగరపాలక సంస్థ స...

గిద్దలూరు, త్రిశూల్ న్యూస్ : ప్రకాశం జిల్లా గిద్దలూరు పట్టణంలోని అమరావతి అనంతపురం జాతీయ రహదారిపై రోడ్డు ప్రమాదం చోటు చేసుకుంది. ఓ మినీ లారీ ద్విచక్ర వాహనాన్ని బలంగా ఢీకొట్టింది. ఈ ఘటనలో ద్విచక్ర వాహనదారుడు తీవ్రంగా గాయపడి మృతి చెందాడు. మృతుడు గిద్దలూరుకు చెందిన దూదేకుల ఖాదర్ వలీగా పోలీసులు గుర్తించారు. మొదట తీవ్రంగా గాయపడ్డ దూదేకుల ఖాదర్ వలిని కుటుంబ సభ్యులు గిద్దలూరులోని ఓ ప్రైవేట్ వైద్యశాలకు తరలించారు.కానీ అప్పటికే ఆ వ్యక్తి మృతి చెందినట్లుగా వైద్యులు నిర్ధారించారు. ఈ ఘటనపై కేసు నమోదు చేసుకొని దర్యాప్తు చేస్తున్నామని గిద్దలూరు అర్బన్ సీఐ సోమయ్య వెల్లడించారు.

తిరుపతి, త్రిశూల్ న్యూస్ : అనారోగ్యంతో మృతి చెందిన ఓ యువకుడు మరణానతరం తన కళ్ళను దానం చేశాడు. వివరాలు ఇలా ఉన్నాయి.. శనివారము రుయా ఆసుపత్రి సూపరిటెండెంట్ డాక్టర్ జి.రవి ప్రభు, ఆధ్వర్యంలో కంటి (ఆఫ్తమాలజీ) విభాగాధిపతి డాక్టర్ చలపతి రెడ్డి పర్యవేక్షణలో ఆనారోగ్యంతో బాధపడుతూ రుయా ఆసుపత్రి డయాలసిస్ విభాగం నందు చికిత్స పొందుతూ మరణించిన తిరుపతి జిల్లా వెంకటగిరి మండలం, వేలంపల్లెకు చెందిన సి హెచ్. సాయిరాం, 33 సంవత్సరాల యువకుడు వారి కుటుంబ సభ్యుల విజ్ఞప్తి మేరకు రుయా ఆసుపత్రి కళ్ళ బ్యాంకుకు అతని కళ్ళు దానం చేయడం ఎంతో గొప్ప విషయమని , యువకులు ఈ విధంగా ముందుకు రావడంతో యువతకు చైతన్యం కలిగించినట్లు, ఉంటుందన్నారు. చనిపోయిన అనంతరం మన యొక్క అవయవాలు పదిమందికి ఉపయోగకరంగా ఉంటుందని గ్రహిస్తున్న యువత. కావున ఎవరైనా కళ్ళు గాని అవయవ దానం గాని ముందుకొచ్చినట్లయితే కళ్ళ విభాగాధిపతి డాక్టర్ చలపతి రెడ్డి , కళ్ళ విభాగ టెక్నీషియన్ ని రమేష్, అతని సెల్ ఫోన్ నెంబర్: 99484 88597 కు విషయాలు తెలిపరిచినట్లయితే విభాగాధిపతి కి రుయా ఆసుపత్రి సూపరిటెండెంట్ తో చర్చించి కళ్ళు దానం తీసుకుని కళ్ళు లేని పేద ...

- తిరుపతి టౌన్ బ్యాంక్‌లో టీటీడీ రూ.10 కోట్ల డిపాజిట్ పై దుమారం తిరుపతి, త్రిశూల్ న్యూస్ : టీటీడీ ట్రస్టు అనుమతితో అధిక వడ్డీ ఇచ్చే జాతీయ బ్యాంకుల్లో డిపాజిట్ చేస్తున్న టీటీడీ ఇప్పటివరకు ఎస్బీఐ, ఇండియన్ ఓవర్సీస్ బ్యాంకు, విజయ బ్యాంకు, ఆంధ్రా బ్యాంకు, ఇండియన్ బ్యాంకు, బ్యాంక్ ఆఫ్ బరోడా లాంటి బ్యాంకుల్లో డిపాజిట్ చేసినట్టు స్పష్టం అవుతోంది. ఈ నేపథ్యంలో రూ.10 కోట్లను తిరుపతి టౌన్ బ్యాంకులో 8.5 శాతం వడ్డీ రేటుతో డిపాజిట్ చేయడంతో టీటీడీ బ్యాంకుల్లో శ్రీవారి నిధులు డిపాజిట్ చేయడం చర్చకు దారితీసింది. తిరుమల తిరుపతి క్షేత్రం నిత్యకల్యాణం పచ్చతోరణంగా ఉంటుంది. శ్రీవారిని దర్శించుకునే భక్తుల సంఖ్య సగటున రోజుకు 65 వేల నుంచి 70వేల మందికి పైగానే ఉంటుంది. రోజువారీ హుండీ ఆదాయం సగటున మూడున్నర కోట్ల నుండి రూ. 4 కోట్లు వరకు ఉంటుంది. స్వామివారిని ఏడాదికి దర్శించుకునే భక్తుల సంఖ్య దాదాపు 2.56 కోట్ల మందికి పైగా ఉంటుండగా టీటీడీ ఈమధ్య విడుదల చేసిన శ్వేత పత్రంలో రూ.15938 కోట్ల నగదు డిపాజిట్లు. 10258 కిలో బంగారు డిపాజిట్లు తిరుమల వెంకన్న ఆస్తుల లెక్క చెప్పింది. ప్రతినెల శ్రీవారి హుండీ ఆదాయం కూడా రూ....

- న్యాయవాదుల రిలే నిరాహారదీక్షకు పులివర్తి నాని సంఘీభావం తిరుపతి, త్రిశూల్ న్యూస్ :        రాష్ట్ర ప్రభుత్వం తీసుకొచ్చిన ఏపీ ల్యాండ్‌ టైటలింగ్‌ యాక్టు(భూ హక్కు చట్టం) 2023 వలన సామాన్య ప్రజల భూ హక్కులకు విఘాతం కలుగుతుందని చిత్తూరు జిల్లా తెలుగుదేశం పార్టీ పార్లమెంటు అధ్యక్షుడు, చంద్రగిరి నియోజకవర్గ ఎమ్మెల్యే అభ్యర్థి పులివర్తి నాని అన్నారు. శుక్రవారం తిరుపతిలో న్యాయవాదులు చేస్తున్న రిలే నిరాహారదీక్షకు ఆయన సంఘీభావం తెలిపారు. ఈ సందర్భంగా పులివర్తి నాని మాట్లాడుతూ ఈ చట్టం వలన పేదవారికి తీరని అన్యాయం జరగబోతోందన్నారు. సదరు చట్టం రాకమునుపు పేదవారు తమ భూ హక్కులను పొందాలంటే సివిల్‌ కోర్టులను ఆశ్రయించి న్యాయం పొందే వారని ఇప్పుడు ఈ చట్టం వలన సామాన్య ప్రజలు సివిల్‌ కోర్టు ద్వారా న్యాయం పొందే వీలుండదన్నారు. రాష్ట్రంలోని ప్రజలు తీవ్రమైన సమస్యలను చవిచూడాల్సి వస్తోందన్నారు. ఒక రకంగా చేప్పాలంటే న్యాయవ్యవస్ధను బలహీన పరిచేలా ఉందన్నారు. ఇదేకనుక జరిగితే ప్రజాస్వామానికి ప్రమాదం ఏర్పడుతుందన్నారు. స్వాతంత్య్రం ముందు నుంచి కూడా భూ హక్కు చట్టం, భూహక్కులు నిర్ణయించే హక్కు సివిల్‌ క...

హైదరాబాద్, త్రిశూల్ న్యూస్ : పార్లమెంట్ ఎన్నికల కోసం రాష్ట్ర ఎన్నికల సంఘం తెలంగాణ లోని ఓటర్ల వివరాలను తెలియజేస్తూ తుది జాబితా విడుదల చేసింది. రాష్ట్రంలో మొత్తం 3,30,37,011 ఓటర్లు ఉన్నట్టు తెలియజేసింది. ఇందులో పురుష ఓటర్లు 1,64,47,132 మంది.. మహిళ ఓటర్లు 1,65,87,244 మంది ఉన్నట్లు పేర్కొంది. అసెంబ్లీ ఎన్నికల తర్వాత రాష్ట్రంలో 4 లక్షల మంది ఓటర్లు పెరిగినట్లు వెల్లడించింది. రాష్ట్రంలో 80 ఏళ్లు దాటిన ఓటర్లు 4,54,230 మంది, దివ్యాంగ ఓటర్లు 5,28,405 మంది, థర్డ్ జెండర్ ఓటర్లు 2,737 మంది ఉన్నారని ముసాయిదా జాబితాలో పేర్కొంది. రాష్ట్రంలో 18 ఏళ్లు నిండిన యువత ఇప్పటికీ ఓటు కోసం దరఖాస్తు చేసుకోవచ్చని సీఈవో వికాస్ రాజ్ సూచించారు.

త్రిశూల్ న్యూస్ డెస్క్ : 2008: - ప్రసిద్ధ గాంధేయవాది, కుష్టువ్యాధి పీడుతులపాలిట ఆపద్భాందవుడుగా పిలువబడే మురళిదాస్ దేవదాస్ ఆమ్టే (బాబా ఆమ్టే,మెగసెసే అవార్డు గ్రహీత) దివంగతులయ్యారు. 1969: - జంబో జెట్ బోయింగ్ 747 మొట్ట మొదటి ప్రయాణము పూర్తి చేసింది. 🌕 జననాలు🌕 1773: విలియం హెన్రీ హారిసన్, అమెరికా మాజీ అధ్యక్షుడు. 1910: ఉమ్మెత్తల కేశవరావు, నిజాం విమోచన ఉద్యమకారుడు. (మ.1992) 1919: ముదిగొండ సిద్ద రాజలింగం, స్వాతంత్ర్య సమరయోధుల సంఘం రాష్ట్ర అధ్యక్షుడు. 1922: రావిపూడి వెంకటాద్రి, హేతువాది మాసపత్రిక సంపాదకుడు. 1936: బుర్రా సుబ్రహ్మణ్యశాస్త్రి, స్త్రీ పాత్రధారణలో గొప్ప పేరు సంపాదింఛుకొన్న నటనాగ్రేసరుడు. 1936: అడబాల, రంగస్థల నటుడు, రూపశిల్పి. (మ.2013) 1939: బండి రాజన్ బాబు, ప్రఖ్యాత ఛాయాచిత్రకారుడు. (మ.2011) 1954: ఒక మిలియనీర్, వ్యాపారవేత్త, ప్రేరణాత్మక ఉపన్యాసకుడు, పరోపకారి క్రిస్ గార్డనర్ జననం. 1975: సుమంత్, తెలుగు సినిమా నటుడు. అక్కినేని నాగేశ్వరరావు మనుమడు. 1968: భారతీయ సినిమా నటుడు రాహుల్ రాయ్ జననం. 💥 మరణాలు 💥 1881: దాస్తొయెవ్‌స్కీ, రష్యన్ రచయిత. క్రైమ్‌ అండ్ పనిష్‌మెంట్, బ్రదర్స్ కరమొజొవ...