Trishul News

- మేనిఫెస్టోను విడుదల చేసిన చంద్రబాబు, పవన్ కళ్యాణ్ , సిద్దార్థ్ నాథ్ సింగ్ ఉండవల్లి, త్రిశూల్ న్యూస్ : ఎన్నికల్లో గెలుపే లక్ష్యంగా టీడీపీ - జనసేన - బీజేపీ కూటమి మేనిఫెస్టోను విడుదల చేసింది. ఉండవల్లిలోని టీడీపీ అధినేత చంద్రబాబు నివాసంలో మూడు పార్టీల నేతలు కలిసి మేనిఫెస్టోను విడుదల చేశారు.ఈ కార్యక్రమంలో చంద్రబాబు, జనసేన అధినేత పవన్ కళ్యాణ్, బీజేపీ రాష్ట్ర ఇంఛార్జ్ సిద్దార్థ్ నాథ్ సింగ్ పాల్గొన్నారు. ఇది కూటమి మేనిఫెస్టో అయినా సరే పూర్తిగా టీడీపీ - జనసేన మేనిఫెస్టోగానే తెలుస్తోంది. అయితే ఈ మేనిఫెస్టోలో బీజేపీకి సంబంధించిన హామీలను, వాగ్దానాలకు ప్రస్థావించలేదు. బీజేపీ జాతీయ స్థాయిలో మేనిఫెస్టో విడుదల చేసినందున.. ప్రత్యేకంగా ఉమ్మడి మేనిఫెస్టోలో తమ అంశాలను చేర్చాల్సిన పని లేదని సిద్దార్థ్ నాథ్ సింగ్ వెల్లడించారు. టీడీపీ-జనసేన నేతలతో కలిసి విడుదల చేసిన ఈ మేనిఫెస్టోకు తమ పూర్తి మద్దతు ఉంటుందని ఆయన తెలిపారు. తమకు స్థానిక మేనిఫెస్టోలు ఉండవని సిద్దార్థ్ నాథ్ స్పష్టం చేశారు. తాము జాతీయ స్థాయిలో మాత్రమే మేనిఫెస్టోను విడుదల చేస్తామన్నారు. మేనిఫెస్టో రూపొందినప్పుడు బీజేపీ సూచనలు తీసుకున్న

చంద్రగిరి, త్రిశూల్ న్యూస్ : చంద్రగిరి నియోజకవర్గం చిన్నగొట్టుగల్లు మండలం, దిగవూరు పంచాయతీ మట్లవారిపల్లి గ్రామానికి చెందిన వైసిపి కీలక నేత చింతల రామచంద్రారెడ్డి ఆ పార్టీని వీడారు. సోమవారం తిరుపతి రూరల్ మండలం, రఘునాథ్ రిసార్ట్స్ లోని పార్టీ కార్యాలయంలో టీడీపీ ఎమ్మెల్యే అభ్యర్థి పులివర్తి నాని సమక్షంలో తెలుగుదేశం పార్టీలో చేరారు. ఎమ్మెల్యే చెవిరెడ్డి భాస్కర్ రెడ్డి నియంతృత్వ ధోరణితో విసిగిపోయామని కొత్తగా పార్టీలో చేరిన చింతల రామచంద్రారెడ్డి అన్నారు. ప్రజలకు కావాల్సింది తాయిలాలు కాదని, అభివృద్ధి అని స్పష్టం చేశారు. పులివర్తి నాని గెలుపుకు కృషి చేస్తానని స్పష్టం ఇచ్చారు.

అమరావతి, త్రిశూల్ న్యూస్ :  ఏపీ ఎన్నికల షెడ్యూల్ వచ్చిన తర్వాత ఇప్పటివరకు దాదాపు రూ. 170 కోట్ల డబ్బు, బంగారం, వెండి, లిక్కర్, మత్తు పదార్థాల రూపంలో స్వాధీనం చేసుకున్నారు. మే 13న ఏపీలో లోక్సభ, అసెంబ్లీ ఎన్నికలు జరగబోతున్నాయి. జూన్ 4న ఫలితాలు రాబోతున్నాయి.ఈ ప్రక్రియ అంతా ముగిసే వరకు ఎన్నికల ప్రవర్తన నియమావళి(మోడల్ కోడ్ ఆఫ్ కండక్ట్) అమల్లో ఉండనుంది. ఎన్నికల్లో డబ్బు, ఇతరత్రా ప్రలో‌‍భాలను అరికట్టేందుకు 89 పోలీస్ చెక్ పోస్టులు సహా ఫ్లయింగ్ స్క్వాడ్, స్టాటిక్ సర్వేలెన్స్ టీమ్‌లు అన్నీ కలిపి 200 టీమ్‌లు పనిచేస్తున్నాయి. ఎన్నికల నిబంధనల ప్రకారం రూ. 50 వేలకు మించి నగదు తీసుకెళ్లేందుకు వీలుండదు. అంతకంటే ఎక్కువగా డబ్బులు తీసుకెళ్తుంటే తగిన ఆధారాలు చూపించకపోతే ‌సీజ్ చేసే అధికారం పోలీసులకు ఉంటుంది. సాధారణంగా ఎన్నికల నిబంధనలను అనుసరించి తగిన ధ్రువీకరణపత్రాలు లేకుండా ఒక వ్యక్తి 50 వేల రూపాయలకు మించి తీసుకెళ్లేందుకు వీలుండదు. అంతకుమించి తీసుకెళ్లాలంటే తప్పకుండా తగిన ధ్రువీకరణ పత్రాలు చూపించాల్సి ఉంటుంది. నగదును తీసుకెళ్తుంటే దాన్ని ఎక్కడి నుంచి తీసుకున్నారో చెప్పేలా తగిన డాక్యుమెంట్స్ ఉ

- ఎన్నికల అబ్జర్వర్ ల సమక్షంలో పకడ్భందీగా పోలింగ్ సిబ్బంది రెండవ ర్యాండమైజేషన్ ప్రక్రియ  - మే 3, 4 తేదీలలో నియోజకవర్గ ఆర్ ఓ ల సమక్షం లో పి ఓ లు, ఏ పి ఓ లకు శిక్షణా తరగతుల నిర్వహణ - జిల్లా కలెక్టర్ మరియు జిల్లా ఎన్నికల అధికారి షణ్మోహన్ చిత్తూరు, త్రిశూల్ న్యూస్ : సాధారణ ఎన్నికలు – 2024 కు సంబంధించి పోలింగ్ విధులు నిర్వర్తించే పిఓ లు, ఏపిఓ లు, ఓపిఓ లకు సంబంధించిన రెండవ ర్యాండమైజేషన్ ప్రక్రియ పకడ్భందీగా నిర్వహించడం జరిగిందని జిల్లా కలెక్టర్ మరియు జిల్లా ఎన్నికల అధికారి ఎస్. షణ్మోహన్ తెలిపారు. ఆదివారం సాయంత్రం జిల్లా సచివాలయంలోని సమావేశ మందిరంలో 170 – నగరి అసెంబ్లీ, 171 – జిడి నెల్లూరు (ఎస్ సి) నియోజకవర్గాల జనరల్ అబ్జర్వర్ కైలాష్ వాంఖడే, 172 – చిత్తూరు, 173 – పూతలపట్టు (ఎస్ సి), 174 – పలమనేరు, 175- కుప్పం నియోజకవర్గాలకు జనరల్ అబ్జర్వర్ షాదిక్ అలం లు మరియు రాజకీయ పార్టీల సమక్షంలో పోలింగ్ సిబ్బంది రెండవ ర్యాండమైజేషన్ ప్రక్రియ నిర్వహించారు. ఈ సందర్భంగా జిల్లా కలెక్టర్ మాట్లాడుతూ ఎన్నికల కమిషన్ ఆదేశాల మేరకు నిర్దేశిత వెబ్ సైట్ నందు పోలింగ్ సిబ్బంది రెండవ ర్యాండమైజేషన్ ప్రక్రియను అ

పిఠాపురం, త్రిశూల్ న్యూస్ : పిఠాపురంలో చెప్పులు కుట్టే వ్యక్తి ఏడిద భాస్కరరావు ఎన్నికల బరిలో నిలిచారు. నిన్న ఇండిపెండెంట్ అభ్యర్థిగా నామినేషన్ దాఖలు చేశారు. ఇంటర్ వరకు చదివిన భాస్కరరావు స్థానిక ప్రభుత్వ కాలేజీ వద్ద చెప్పులు కుడుతూ కుటుంబాన్ని పోషిస్తున్నారు. పాదరక్షలు కుడుతూనే ఎంఏ రాజనీతిశాస్త్రంపై అధ్యయనం చేయడం విశేషం. ఆయన వద్ద రూ.20 వేల నగదు మాత్రమే ఉంది.

అమరావతి, త్రిశూల్ న్యూస్ : ఇంటర్‌ అడ్వాన్సుడ్‌ సప్లిమెంటరీ పరీక్షల పూర్తి షెడ్యూల్‌ను ఇంటర్‌ బోర్డు విడుదల చేసింది. మే 24 నుంచి జూన్‌ ఒకటో తేదీ వరకు అడ్వాన్సుడ్‌ సప్లిమెంటరీ పరీక్షలు నిర్వహించనున్నట్లు ఇంటర్మీడియట్‌ బోర్డు వెల్లడించింది. ఈ మేరకు పరీక్షల షెడ్యూల్‌లో వెల్లడించింది. ఆయా తేదీల్లో రోజుకు రెండు షిఫ్టుల చొప్పున పరీక్షలు జరుగుతాయి. మొదటి షిఫ్టులో ఇంరట్ ఫస్ట్‌ ఇయర్‌ విద్యార్ధులకు ఉదయం 9 నుంచి మధ్యాహ్నం 12 గంటల వరకు పరీక్ష జరుగుతుంది. రెండో షిఫ్టులో ఇంటర్‌ సెకండ్‌ ఇయర్‌ విద్యార్ధులకు మధ్యాహ్నం 2.30 నుంచి సాయంత్రం 5.30 గంటల వరకు పరీక్షలు ఉంటాయి. జూన్‌ 6వ తేదీన నైతికత, మానవ విలువల పరీక్ష, జూన్‌ 7వ తేదీన పర్యావరణ విద్య పరీక్షలు జరుగుతాయి. ఈ పరీక్షలు ఉదయం 10 నుంచి మధ్యాహ్నం 1 గంటల వరకు జరుగుతాయి. ఇక ఇంటర్‌ ప్రాక్టికల్‌ పరీక్షల విషయానికొస్తే.. మే 1 నుంచి 4 వరకు జరుగుతాయి. ఇవి కూడా రెండు విడతలుగా ఉంటాయి. ఉదయం 9 నుంచి మధ్యాహ్నం 12 గంటల వరకు మొదటి షిఫ్టు, మధ్యాహ్నం 2 నుంచి సాయంత్రం 5 గంటల వరకు రెండో షిఫ్టు పరీక్షలు జరుగుతాయి. ఏపీ ఇంటర్మీడియట్‌ అడ్వాన్స్‌డ్‌ సప్లిమెంటరీ 2024

అమరావతి, త్రిశూల్ న్యూస్ : పొన్నూరు వైసీపీ అభ్యర్థి అంబటి మురళీకృష్ణకు బిగ్ షాక్ ఇచ్చింది ఎన్నికల సంఘం. అంబటి మురళీకృష్ణపై కేసు నమోదైంది. ఆయనపై చర్యలు తీసుకోవాలని ప్రధాన ఎన్నికల అధికారి ముఖేష్ కుమార్ మీన ఆదేశించారు. ఈ నెల 13వ తేదీన ఎన్నికల ప్రవర్తనా నియమావళిని ఉల్లంఘిస్తూ పొన్నూరు పట్టణంలో ధర్నా చేపట్టారు. ఈ ధర్నాపై తెలుగు యువత రాష్ట్ర అధికార ప్రతినిధి బండారు వంశీకృష్ణ ప్రధాన ఎన్నికల కమిషనర్‌కు ఫిర్యాదు చేశారు. వంశీకృష్ణ ఇచ్చిన ఫిర్యాదు మేరకు విచారణ చేపట్టి నివేదికను ఇవ్వాల్సిందిగా గుంటూరు కలెక్టర్‌ను సీఈవో ఆదేశించారు. కలెక్టర్ విచారణలో అంబటి మురళీకృష్ణ ఎన్నికల ప్రవర్తన నియమావళిని ఉల్లంఘించినట్లు నిర్ధారించారు. దీంతో పొన్నూరు పట్టణ పోలీసులను కేసు నమోదు చేయాల్సిందిగా కలెక్టర్ నుంచి ఆదేశాలు జారీ అయ్యాయి. నాలుగు రోజుల క్రితమే పొన్నూరు వైసీపీ అభ్యర్థి అంబటి మురళీ కృష్ణ సీఎంఆర్ఎఫ్ చెక్కులు పంచినట్లు కూడా నిర్ధారించారు. దీంతో చర్యలు తీసుకోవాల్సిందిగా జిల్లా కలెక్టర్‌కు సీఈవో ఆదేశాలు జారీ చేశారు. వారం రోజులు గడవక ముందే మరోసారి అంబటి మురళిపై చర్యలకు ఆదేశించింది ఎన్నికల కమిషన్.

అమరావతి, త్రిశూల్ న్యూస్ : రేపు (శనివారం) వైసీపీ మేనిఫెస్టో విడుదల కానుంది. తాడేపల్లి లోని వైసీపీ పార్టీ కేంద్ర కార్యాలయంలో సీఎం జగన్ మేనిఫెస్టోను విడుదల చేస్తారు. ఇప్పటికే అమలు చేస్తున్న సంక్షేమ పథకాలను కొనసాగిస్తూనే ఆచరణకు సాధ్యమయ్యే మరికొన్ని హామీలు, ప్రజాకర్షణ పథకాలను సీఎం జగన్ ప్రకటిస్తారని తెలుస్తోంది. ముఖ్యంగా ఈ మేనిఫెస్టో మహిళలు, రైతులు, యువతకు ఎక్కువగా ప్రాధన్యత ఇవ్వనున్నట్లు తెలుస్తోంది.

న్యూఢిల్లీ, త్రిశూల్ న్యూస్ : లోక్‌సభ ఎన్నికల్లో రెండో దశ పోలింగ్ నేటి ఉదయం ప్రారంభమైంది.. ఈ విడత లో 13 రాష్ట్రాల్లోని మొత్తం 88 లోక్‌సభ స్థానాలకు ఓటింగ్‌ను నిర్వహించనున్నారు. వాస్తావానికి 89 లోక్‌సభ స్థానాలకు పోలింగ్ నిర్వ హించాల్సి ఉండగా 88 స్థానాల్లోనే పోలింగ్ జ‌రుగు తోంది. ఎందుకంటే.. మధ్య ప్రదేశ్‌లోని బేతుల్ స్థానం నుంచి బరిలోకి దిగిన బహుజన్ సమాజ్ పార్టీ (బీఎస్పీ) అభ్యర్థి అశోక్ భలవి ఏప్రిల్ 9న చనిపోయారు. దీంతో అక్కడ జరగాల్సిన ఎన్నికను కేంద్ర ఎన్నికల సంఘం మూడో దశకు మే 7వ తేదీకి వాయిదా వేసింది. ఎండలు, వడగాలుల ప్రభావం ఎక్కువగా ఉన్నందున బీహార్‌లోని పలు స్థానాల పరిధిలో పోలింగ్ సమయా న్ని పెంచుతున్న‌ట్టు ఈసీ తెలిపింది. బంకా, ఖగారియా, ముంగేర్, మాధేపురా స్థానాల పరిధిలోని సమ స్యాత్మక ప్రాంతాల్లో సాయంత్రం 4 గంటల వరకే పోలింగ్ నిర్వహించాలని తొలుత భావించారు. అయితే.. ఎండల కార‌ణం గా ఓటర్ల సౌకర్యం కోసం ఆయా చోట్ల పోలింగ్ సమయాన్ని సాయంత్రం 6గంటల వరకు పొడిగిం చారు. ముంగేర్‌లోని 230 పోలింగ్ స్టేషన్లు, ఖగేరియా లోని 299, మాధేపురాలోని 207, బంకాలోని 363 పో లింగ్ స్టేషన్లలో సాయంత్రం 6 గంటల వరకు

అమరావతి, త్రిశూల్ న్యూస్ : ఏపీలో ఎన్నికల సంఘం (ఈసీ) కీలక నిర్ణయం తీసుకుంది. ఎన్నికల విధుల్లో పాల్గొనే ఉద్యోగులకు పోస్టల్ బ్యాలెట్ దరఖాస్తు గడువు పెంచాలని ఈసీని ఉద్యోగ సంఘాలు కోరాయి. ఈ నెల 30 వరకు గడువు పెంచాలని విజ్ఞప్తి చేశాయి. దాంతో పాటు పోస్టల్ బ్యాలెట్ కోసం ప్రత్యేక సెలవు మంజూరు చేయాలని కోరాయి. అంతకుముందు ఈ నెల 26 వరకు పోస్టల్ బ్యాలెట్‌కు ఈసీ గడువు పొడిగించింది.

న్యూడిల్లీ, త్రిశూల్ న్యూస్ : రైల్వే స్టేషన్ టికెట్ కౌంటర్ల వద్ద బారులు తీరకుండా ఫోన్లోనే సులువుగా జనరల్ టికెట్లు తీసుకునే వీలు కల్పించింది రైల్వేశాఖ. దీనికోసం గతంలోనే UTS(అన్ రిజర్వుడ్ టికెటింగ్ సిస్టమ్) యాప్ ను తీసుకువచ్చింది. అయితే స్టేషన్ కు రెండు మూడు కిలోమీటర్ల దూరంలో ఉన్నప్పుడు మాత్రమే ఈ అవకాశం ఉండేది. దీంతో పలు ఇబ్బందులు ఎదురవుతున్నట్లు గుర్తించిన రైల్వేశాఖ తాజాగా ఎంత దూరం నుంచైనా టికెట్లు పొందేలా వీలు కల్పించింది.

న్యూడిల్లీ, త్రిశూల్ న్యూస్ : భార్యాభర్తల ఆస్తికి సంబంధించిన కేసులో సుప్రీంకోర్టు సంచలన తీర్పునిచ్చింది. భార్య ఆస్తిపై భర్తకు ఎలాంటి నియంత్రణ ఉండదని, కష్టకాలంలో దాన్ని ఉపయోగించుకోవచ్చని కోర్టు పేర్కొంది. ఉపయోగించుకున్న తర్వాత భార్యకు నగదు తిరిగి ఇవ్వడం భర్త నైతిక బాధ్యత అని కోర్టు పేర్కొంది. కేరళకు చెందిన ఓ మహిళ భర్త అప్పులు చేయడంతో.. తన భార్యకు పుట్టింటి వారు పెట్టిన రూ. 25 లక్షల విలువైన బంగారాన్ని వాడుకున్నాడు. దీంతో ఆ మహిళ కోర్టును ఆశ్రయించగా.. పై విధంగా తీర్పు వెలువరించింది.

కళ్యాణదుర్గం, త్రిశూల్ న్యూస్ : కాంగ్రెస్ పార్టీని ఆదరిస్తే అన్ని రంగాలు అభివృద్ధి చేసి పేద ప్రజల అభ్యున్నతికి బాటలు వేస్తామని ఇండియా కూటమి ఎమ్మెల్యే అభ్యర్థి రాంభూపాల్ రెడ్డి అన్నారు. గురువారం కళ్యాణదుర్గం లో తన నామినేషన్ దాఖలు చేసిన సందర్భంగా మీడియాతో మాట్లాడారు. పిసిసి అధ్యక్షురాలు షర్మిలారెడ్డి, మాజీ మంత్రి రఘువీరారెడ్డి ఆశీస్సులతో నామినేషన్ వేశారని స్థానికంగా ఉంటూ ప్రజలకు సేవలు అందించడానికి తనకు అవకాశం కల్పించాలని అభ్యర్థించారు . అధికార మదంతో ఒకరు , డబ్బుసంచులతో మరొకరు పోటీలో వస్తున్నారని వారందరూ నాన్ లోకల్ అంటూ తాను లోకల్ అని ఆశీర్వదించాలని కోరారు. నియోజకవర్గంలో ఉపాధి అవకాశాలు మెరుగుపడాలంటే, రైల్వే లైన్ పూర్తి కావాలన్నా , 114 చెరువులకు కృష్ణ జలాలు అందాలంటే కేంద్రంలో కాంగ్రెస్ పార్టీ అధికారంలోకి రాబోతున్నది కాబట్టి స్థానికంగా తనని ఎమ్మెల్యేగా గెలిపించాలని కోరారు. కార్యక్రమంలో సిపిఐ నియోజకవర్గ కార్యదర్శి గోపాల్, నరసింహులు, నగరాజునాయక్, కాంగ్రెస్ నాయకులు మాల ఎర్రిస్వామి తదితరులు పాల్గొన్నారు.

- కేసిఆర్ ప్రభుత్వాన్ని గద్దెదించడంలో తీన్మార్ మల్లన్న ముఖ్యపాత్ర  - ఎమ్మెల్సీ అభ్యర్థిగా తీన్మార్ మల్లన్నను ప్రకటించడంపై హర్షం  కొల్లాపూర్, త్రిశూల్ న్యూస్ : గడచిన ఐదేళ్లలో కెసిఆర్ ప్రభుత్వం పై తీన్మార్ మల్లన్న అలుపెరగని పోరాటం చేశారని అందుకోసమే కాంగ్రెస్ పార్టీ తన సేవలను గుర్తించి వరంగల్, నల్గొండ, ఖమ్మం పట్టభద్రుల ఎన్నికల్లో ఎమ్మెల్సీ అభ్యర్థిగా ప్రకటించిందని కొల్లాపూర్ తీన్మార్ మల్లన్న టీం, కాంగ్రెస్ నాయకులు అన్నారు. ఎమ్మెల్సీ అభ్యర్థిగా తీన్మార్ మల్లన్నను ప్రకటించడంతో గురువారం కొల్లాపూర్ పట్టణ కేంద్రంలోని అంబేద్కర్ విగ్రహానికి టీం సభ్యులు అవుట రాజశేఖర్ ఆధ్వర్యంలో పూలమాలవేసి హార్షం వ్యక్తం చేశారు. ఈ సందర్భంగా కాంగ్రెస్ నాయకులు రంగినేని జగదీశ్వరుడు, కౌన్సిలర్ రహీం, మాజీ సర్పంచ్ మేకల నాగరాజు, వీపన గండ్ల మండల అధ్యక్షుడు బీరయ్య యాదవ్, పెంట్లవెల్లి మండల అధ్యక్షుడు నరసింహ యాదవ్, రత్నగిరి ఫౌండేషన్ కన్వీనర్ కేతూరి ధర్మ తేజ, మాలల చైతన్య సమితి రాష్ట్ర వర్కింగ్ ప్రెసిడెంట్ మద్దెల రాందాసు మాట్లాడారు. కేసిఆర్ పదేళ్ల అరాచక పాలనలో ప్రజలను చైతన్య పరచడంలో తీన్మార్ మల్లన్

- ఆపద లో ఉన్న వారిని ఆదుకోవడమే లక్ష్యంగా పని చేస్తున్న దీవెనా ఫౌండేషన్ సభ్యులు మైలవరం, త్రిశూల్ న్యూస్ : దిక్కు లేని నిరుపేద కుటుంబానికి గత కొంతకాలంగా అనారోగ్యంతో బాధపడుతూ మంచం మీదే ఉంటూ ఉన్నారు గుంటుపల్లి రాజీవ్ కాలనీ కు చెందిన డొక్కా దాసు మరియు బేబీ తినడానికి తిండి కూడా లేక సహాయము కొరకు దీవెన ఫౌండేషన్ వారిని ఆశ్రయించడం జరిగింది. ఈరోజూ ఉదయం Deevena foundation Vijayawada city police వారి తరఫున రెండు బియ్యం బస్తాలు రెండు నెలలకు సరిపడా నిత్యవసర సరుకులు వారికి అందించడం జరిగింది గ్రూప్ సభ్యులు ఇబ్రహీంపట్నం కానిస్టేబుల్ దుర్గారావు మరియు శరత్ కుమార్ గారు ఈరోజు గుంటుపల్లి వారి ఇంటికి వెళ్లి సహాయం అందించడం జరిగింది పేదవారికి ఆపదలో ఉన్నవారికి సహాయం అందిస్తున్న ఫౌండేషన్ సభ్యులకు దాస్ గారి కుటుంబం కృతజ్ఞతలు తెలిపారు.

కుప్పం, త్రిశూల్ న్యూస్ : కుప్పం మున్సిపాలిటీ తంబీగానిపల్లి లో ఉండు వినాయక ఉన్నత పాఠశాల విద్యార్థి ఇందుమతి పదవ తరగతి పరీక్ష ఫలితాలలో 580 మార్కులు సాధించడంతో విద్యార్థిని మరియు విద్యార్థి తల్లిని సన్మానించిన ఎమ్మెల్సీ కంచర్ల శ్రీకాంత్. 100% ఉత్తీర్ణత సాధించిన వినాయక పాఠశాలను బోధించిన ఉపాధ్యాయులను సహకరించిన తల్లిదండ్రులను ఎమ్మెల్సీ అభినందించారు. ఈ కార్యక్రమంలో కుప్పం ఎమ్మెల్యే చంద్రబాబు పిఏ మనోహర్, పాఠశాల కరస్పాండెంట్ క్రిష్ణ, తదితరులు పాల్గొన్నారు.

కుప్పం, త్రిశూల్ న్యూస్ : కుప్పం పట్టణంలోని కొత్తపేటలో స్థానిక టిడిపి ఇంఛార్జి ముఖేష్ (అప్పు) ఆధ్వర్యంలో టీడిపి ఎన్నికల ప్రచార కార్యక్రమాన్ని హోరెత్తించారు. ఈ కార్యక్రమంలో కుప్పం నియోజకవర్గ టీడిపి విస్తరణ విభాగ కమిటీ సభ్యులు కన్నన్, కుమ్మర సాధికార కమిటీ చిత్తూరు జిల్లా కన్వీనర్ ఉదయ్ కుమార్ లతో పాటు స్థానిక నాయకులతో కలిసి ఇంటింటి ప్రచారాన్ని నిర్వహించారు. ఇందులో భాగంగా వారు మాట్లాడుతూ గతంలో టీడిపి అధికారంలో ఉన్న సందర్భంగా కుప్పం నియోజకవర్గ అభివృద్ధికి ప్రత్యేకంగా ప్రజల సంక్షేమానికి బాబు చేసిన కృషిని గుర్తు చేశారు. అలాగే భవిష్యత్తులో బాబు ముఖ్యమంత్రి అయిన వెంటనే కుప్పం నియోజకవర్గ అభివృద్ధికి ప్రణాళిక బద్ధంగా చేపట్టబోయే కార్యక్రమాలను వివరించారు. అలాగే మే 13న జరగబోవు సార్వత్రిక ఎన్నికలలో చంద్రబాబును లక్ష ఓట్ల మెజారిటీతో గెలిపించుకోవాలని పిలుపునిచ్చారు. ఈ కార్యక్రమంలో స్థానిక క్లస్టర్ ఇంఛార్జి సత్యేంద్ర శేఖర్, రాష్ట్ర నాయకులు గోపీనాథ్, స్థానిక బూత్ కన్వీనర్లు కృష్ణన్, మణి, ఆన్సర్ భాష, అంజి, స్థానిక నాయకులు కృష్ణ, వాసు, సురేష్ నాయుడు తదితరులు పాల్గొన్నారు.

- తొలిసారిగా చంద్రబాబు తరఫున కుప్పంలో నామినేషన్ దాఖలు చేయనున్న భువనేశ్వరి - రేపు మధ్యాహ్నం 1.27 గంటలకు కుప్పం కూటమి అభ్యర్థిగా టీడీపీ అధినేత చంద్రబాబు నామినేషన్  - కుప్పంలో చంద్రబాబు తరఫున ఎన్నికల ప్రచారంలో పాల్గొననున్న భువనేశ్వరి కుప్పం, త్రిశూల్ న్యూస్ :  తెలుగుదేశం పార్టీ అధినేత, కుప్పం ఎమ్మెల్యే నారా చంద్రబాబు నాయడు సతీమణి నారా భువనేశ్వరి కుప్పంలో రెండు రోజుల పర్యటనను విజయవంతం చేయాలని తూర్పు రాయలసీమ పట్టుభద్రుల ఎమ్మెల్సి కంచర్ల శ్రీకాంత్ కోరారు. గురువారం కుప్పం టిడిపి పార్టీ కార్యాలయంలో విలేకరుల సమావేశంలో అయన మాట్లాడుతూ.. రేపు కుప్పం నియోజకవర్గం టిడిపి అభ్యర్థిగా చంద్రబాబు నాయుడు తరుపున నారా భువనేశ్వరి నామినేషన్ దాఖలు చేయునున్నట్ల తెలిపారు. ఇందులో భాగంగా శుక్రవారం ఉదయం లక్ష్మిపురం వరదరాజులస్వామి ఆలయంలో నామినేషన్ పత్రాలకు ప్రత్యేక పూజలు నిర్వహించిన అనంతరం కుప్పం చెరువు కట్టపై నుంచి భారీ ర్యాలీ చేపట్టానున్నట్లు పేర్కొన్నారు. నేతాజీ రోడ్డు మీదుగా ర్యాలీగా వెళ్లి తెలుగుదేశం పార్టీ వ్యవస్థాపకులు నందమూరి తారక రామారావు విగ్రహానికి పూలమాల వేసి స్థానిక తహసీల్దార్ కార్యాలయం వరకు

తిరుపతి, త్రిశూల్ న్యూస్ : ఎర్రచందనం పరిరక్షణకు అడవుల్లో కూంబింగ్ ఆపరేషన్ లలో పాల్గొనే సిబ్బందికి టాస్క్ ఫోర్స్ ఎస్పీ శ్రీనివాస్ గురువారం ఎలక్ట్రాల్ ప్యాకెట్లను పంపిణీ చేశారు. భగ్గుమంటున్న ఎండల ధాటికి సిబ్బంది డీ హైడ్రేషన్ కు గురి కాకుండా తగిన చర్యలు ఎస్పీ శ్రీనివాస్ తీసుకుంటున్నారు. ఎండలు ఎక్కువగా ఉన్నప్పటికీ ఆపరేషన్ సిబ్బంది యధావిధిగా తమ విధులను నిర్వహిస్తున్నారు. దీంతో సిబ్బంది ఎండల బారిన పడి అనారోగ్యానికి గురి కాకుండా చర్యలు తీసుకుంటున్నారు. అవసరమైన ఆరోగ్య జాగ్రత్తలు పాటించేందుకు సహకరిస్తున్నారు. ఈ సందర్బంగా ఎస్పీ శ్రీనివాస్ మాట్లాడుతూ ఇదే విధంగా రైల్వే కోడూరు, సానిపాయ, కడప సబ్ కంట్రోల్ కేంద్రాల ఆపరేషన్ టీమ్ లోని వంద మందికి పైగా సిబ్బందికి ఎలక్ట్రాల్ ప్యాకెట్లు అందజేసినట్లు తెలిపారు. వ్యూహాత్మక ప్రాంతాల్లో నిఘా తీవ్రం చేశామని చెప్పారు. సిబ్బంది వడదెబ్బ బారిన పడకుండా ముందు జాగ్రత్తలు తీసుకుంటున్నట్లు చెప్పారు. ఈ కార్యక్రమంలో డీఎస్పీ చెంచుబాబు, ఆపరేషన్స్ ఆర్ ఐ సురేష్ కుమార్ రెడ్డి, సిఐ శ్రీనివాసులు, ఆర్ ఎస్ ఐలు పాల్గొన్నారు.

చీపురుపల్లి, త్రిశూల్ న్యూస్ : రాష్ట్ర విద్యా శాఖ మంత్రి వర్యులు బొత్స సత్యనారాయణ రానున్న ఎన్నికలో వైస్సార్సీపీ తరుపున రేపు ఉదయం 10-30 గంటలకు  ఆర్డిఓ కార్యాలయంలో నామినేషన్ దాఖలు చేస్తున్నట్లు నియోజకవర్గ నాయకులు ఓ ప్రకటనలో పేర్కొన్నారు. నామినేషన్ వేసిన అనంతరం అక్కడ నుండి బయలుదేరి ప్రధాన రహదారి మీదుగా ర్యాలీగా చీపురుపల్లి మూడు రోడ్ జంక్షన్ చేరుకొని జంక్షన్లో అభిమానులు, కార్యకర్తలు, ప్రజలు తో జరిగే బహిరంగ సభలో సభ పాల్గొంటారని తెలిపారు. ఈ కార్యక్రమానికి చీపురుపల్లి నియోజకవర్గంలోని నాలుగు మండలాల ఎంపీపీలు, జడ్పిటిసిలు, పార్టీ అద్యక్షులు, జెసిఎస్ కన్వినర్లు, మండలాల ముఖ్యనాయకులు, సర్పంచులు మరియు ఎంపీటీసీలు, వివిధ హోదాల డైరెక్టర్ లు, చైర్మన్ లు, సత్తిబాబు అభిమానులు, వైసిపి పార్టీ కార్యకర్తలు, ప్రజలు పెద్ద ఎత్తున పాల్గొని నామినేషన్ కార్యక్రమాన్ని జయప్రదం చేయాలని నాయకులు ఓ ప్రకటనలో కోరారు.

భీమవరం, త్రిశూల్ న్యూస్ : 2024వ సంవత్సరం సివిల్స్ ఫలితాల్లో జాతీయ స్థాయిలో 833 వ ర్యాంకు సాధించి సివిల్ సర్వీసెస్ కి సెలెక్ట్ అయిన ఆంధ్రప్రదేశ్ శాసన మండలి ఛైర్మన్ కొయ్యే మోషేనురాజు కుమారుడు కొయ్యే చిట్టిరాజును భీమవరం మార్నింగ్ కాఫీ క్లబ్ సభ్యులు అభినందించారు. జాతీయ స్థాయిలో 833 వ ర్యాంకు సాధించి సివిల్ సర్వీసెస్ కి సెలెక్ట్ అవడం మన జిల్లాకే గర్వకారణమని మార్నింగ్ కాఫీ క్లబ్ కన్వీనర్ బొండా రాంబాబు, కో కన్వీనర్ ఓలేటి శ్రీనివాస గుప్తా, పిఆర్ఓ భట్టిప్రోలు శ్రీనివాసరావు (బిఎస్ఆర్) కొనియాడారు. ఈ కార్యక్రమంలో క్లబ్ సభ్యులు కారుమూరి సత్యనారాయణ, కనగర్ల కిషోర్, కోట్ల నాని, మానేపల్లి వెంకన్న బాబు గుండు కిషోర్, సకల కుమార్, మానేపల్లి రవి చిన్నారావు, గాదె నాగేశ్వరావు, హిందూస్తాన్ సుబ్బారావు, కంచర్ల భాస్కరరావు గుప్తా, కురిశెట్టి శ్రీనివాస అప్పారావు, జూలూరి రాజా, బాయ్స్ శ్రీను తదితరులు చిట్టిరాజును సత్కరించి అభినందించారు.

చత్తీస్ ఘడ్, త్రిశూల్ న్యూస్ : భారీ ఎన్‌కౌంటర్ తర్వాత ఛత్తీస్‌గడ్ బస్తర్‌ అడవుల్లో పరిస్థితులు ఉద్రిక్తంగా మారాయి. టెన్షన్ సిచ్యువే షన్స్ కంటిన్యూ అవుతు న్నాయి. టెన్షన్..టెన్షన్..ఏ క్షణంలో ఏం జరుగుతుం దోనన్న ఆందోళన కొనసాగుతోంది. ఎన్‌కౌంటర్‌ తర్వాత కూడా భద్రతాబలగాల కూంబింగ్‌ కొనసాగుతోంది. బస్తర్ అడవులను జల్లడ పడు తున్నాయి భద్రతాబల గాలు. ఎన్‌కౌంటర్‌లో చనిపోయిన 29మంది నక్సలైట్ల డెడ్‌బాడీలకు కాంకేర్‌లో పోస్ట్‌మార్టం నిర్వహించారు. ఎన్‌కౌంటర్ సమయంలో 70మందికిపైగా నక్సల్స్ ఉన్నట్లు అంచనా వేస్తున్నారు పోలీసులు. కాల్పుల్లో చనిపోయిన మావోయిస్టుల సంఖ్య ఇంకా పెరిగే అవకాశం ఉన్నట్లు తెలుస్తోంది. - 4 గంటలు హోరాహోరీగా కాల్పులు..! డీఆర్జీ, బీఎస్‌ఎఫ్ జవాన్లు కలసి ఈ ఆపరేషన్ చేసినట్లు బస్తర్ ఐజీ సుందర్‌రాజ్ తెలిపారు. భద్రతాబలగాలు నక్సల్స్‌ను చుట్టుముట్టగానే ఎదురుకా ల్పులు జరిగాయని.. నాలుగు గంటల పాటు హోరాహోరీగా కాల్పులు జరిగినట్లు చెప్పారు. ఘటనా స్థలంలో ఏడు ఏకే 47లు, మూడు LMGలు, మూడు ఎస్‌ఎల్‌ఆర్ రైఫిళ్లు, రెండు పిస్టల్స్, రెండు ఇన్సాస్ రైఫిళ్లు, రెండు 303 రైఫిళ్లు స్వాధీనం చేసుకున్నారు. ఎన్‌కౌంటర

నెల్లూరు, త్రిశూల్ న్యూస్ : ఎన్నికల శిక్షణా తరగతులను సద్వినియోగం చేసుకుని , వివిధ అంశాలపై విషయ పరిజ్ఞానం పెంచుకోవాలని నెల్లూరు సిటీ అసెంబ్లీ 117 నియోజకవర్గం రిటర్నింగ్ అధికారి / కమిషనర్ వికాస్ మర్మత్ సూచించారు. పోలింగ్ అధికారులు, సహాయ పోలింగ్ అధికారులు, సెక్టర్ అధికారులకు స్థానిక డి.కె. మహిళా కళాశాలలో రెందవ విడత ఎన్నికల శిక్షణలో బాగంగా సోమవారం శిక్షణా తరగతులను నిర్వహించారు. ఈ సందర్భంగా ఆర్.ఓ. మాట్లాడుతూ చీఫ్ ఎలక్షన్ కమిషన్ వారి ఆదేశాల మేరకు, జిల్లా ఎన్నికల అధికారి సూచనల మేరకు శిక్షణ తరగతులను నిర్వహించి పి.ఓ, ఏ.పి.ఓ.ల విధి విధానాల గురంచి క్షుణ్ణంగా వివరిస్తామని, శిక్షణలో అన్ని అంశాలపట్ల ఉత్తమ తర్ఫీదును ఇచ్చి సందేహాలకు తావులేకుండా వివరించాలని మాస్టర్ ట్రైనర్స్ కు సూచించారు. శిక్షణలో ట్రయల్ పోలింగ్ నిర్వహించి, ఎన్నికల్లో చేయాల్సిన అన్ని విధులనూ చేయిస్తూ అవగాహన కల్పించారు. శిక్షణలో డిస్ట్రిబ్యూషన్ కేంద్రాల్లో మెటీరీయల్ పరిశీలించుకోవడం, మెటీరీయల్ స్వాధీనం పొందాక పోలింగ్ కేంద్రాలకు తరలించడం, మార్క్ పోల్ విధానం, ఈ.వి.ఎమ్ ల సీలింగ్ విధానం, ప్రతికూల పరిస్థితుల్లో ఈ.వి.ఎమ్ ల రీ ప్ల

ఒంటిమిట్ట, త్రిశూల్ న్యూస్ : ఒంటిమిట్ట శ్రీ కోదండరామస్వామి బ్రహ్మోత్సవాల్లో భాగంగా రెండో రోజు గురువారం ఉదయం వేణుగానాలంకారంలో స్వామివారు ఆలయ నాలుగు మాడ వీధుల్లో భక్తులకు అభయమిచ్చారు. ఉదయం 7.30 గంటల నుండి స్వామివారి ఊరేగింపు వైభవంగా జరిగింది. భక్తజన బృందాలు చెక్కభజనలు, కోలాటాలతో స్వామివారిని కీర్తిస్తుండగా, మంగళవాయిద్యాల నడుమ స్వామివారి ఊరేగింపు కోలాహలంగా జరిగింది. భక్తులు అడుగడుగునా కర్పూరహారతులు సమర్పించి స్వామివారిని దర్శించుకున్నారు. ఈ కార్యక్రమంలో ఆలయ డెప్యూటీ ఈఓ నటేష్ బాబు,  సూపరింటెండెంట్ హనుమంతయ్య, టెంపుల్ ఇన్స్పెక్టర్ నవీన్, తదితరులు పాల్గొన్నారు.

న్యూడిల్లీ, త్రిశూల్ న్యూస్ : విశ్వంలో అంతచిక్కని రహాస్యాల్లో బ్లాక్ హోల్ కూడా ఒకటి. బ్లాక్ హోల్ ఏర్పడుతుందనే దానిపై ఇప్పటికీ ఓ స్పష్టత లేదు. జీవిత కాలం ముగిసిన నక్షత్రాలే ద్రవ్యరాశి కోల్పోయి బ్లాక్ హోల్ లేదా కృష్ణ బిలాలుగా మారతాయని చాలామంది శాస్త్రవేత్తుల నమ్ముతున్న విషయం. అయితే భూమికి దగ్గరగా మన గ్యాలక్సీలో ఓ బ్లాక్ హోల్ ను యూరోపియన్ స్పేస్ ఏజెన్సీ శాస్త్రవేత్తలు కనుగొన్నట్లు ప్రకటించారు. ఇది సూర్యుని ద్రవ్యరాశికి దాదాపు 33 రేట్లు పెద్దని  గియా స్పేస్ టెలిస్కోప్ ద్వారా ఈ విషయాన్ని కనుగొన్నారు. అంతేకాదు పాలపుంత గెలాక్సీలో  అదిపెద్ద బ్లాక్ హోల్ ఇదే అని శాస్త్రవేత్తలు చెబుతున్నారు. ఇది భూమికి 2వేల కాంతి సంవత్సరాల కంటే తక్కువ దూరంలో ఉన్న అక్విలా నక్షత్రరాశిలో శాస్త్రవేత్తలు "స్లీపింగ్ జెయింట్" బ్లాక్ హోల్‌ను కనుగొన్నారని యూరోపియన్ స్పేస్ ఏజెన్సీ తెలిపింది. ఒక సంవత్సర కాలంలో భూమి మీదకు ప్రయాణించిన సూర్యకాంతి దూరాన్నే కాంతి సంవత్సరం లేదా లైట్ ఈయర్ అంటారు. ఒక కాంతి సంవత్సరం అంటే 9ట్రిలియన్ కి.మీ ల దూరం. ఇది గియా స్పేస్ అబ్జర్వేటరీని ఉపయోగించి కనుగొనబడిన మూడవ ఇనాక్టి్వ్

న్యూడిల్లీ, త్రిశూల్ న్యూస్ : బీజేపీ నేత, బాలీవుడ్ నటి కంగనా రనౌత్ రాహుల్ గాంధీ, ప్రియాంక గాంధీలపై వివాదాస్పద వ్యాఖ్యలు చేసిన సంగతి తెలిసిందే. ఈ వ్యాఖ్యలపై ప్రియాంక గాంధీ బుధవారం స్పందించారు. దీని గురించి మాట్లాడినందుకు కంగనాకు ధన్యవాదాలు తెలిపారు. కంగనా రనౌత్ వ్యాఖ్యలపై స్పందించాలని ప్రియాంక గాంధీని మీడియా ప్రతినిధులు కోరగా ఆమె అసహనం వ్యక్తం చేసింది. తన పొంతన లేని వ్యాఖ్యల గురించి మాట్లాడాల్సి వచ్చిందని ఆమె ఒకింత ఆగ్రహం వ్యక్తం చేశారు. కొన్నేళ్లుగా ఇలాంటి ఆరోపణలు ఎదుర్కొంటున్నామని ప్రియాంక వివరించింది. తన తండ్రి రాజీవ్ గాంధీ జీవితంలో తన తల్లి సోనియా గాంధీ కూడా ఇలాంటి సమస్యలను ఎదుర్కొన్నారని గుర్తు చేశారు. ఫైర్ బ్రాండ్ కంగనా రనౌత్ హిమాచల్ ప్రదేశ్‌లోని మండి లోక్‌సభ నియోజకవర్గం నుంచి పోటీ చేస్తున్నారు. ఇటీవల ఒక ఇంటర్వ్యూలో, కంగనా రనౌత్ గాంధీ కుటుంబంపై స్పందించారు: రాహుల్ గాంధీ మరియు ప్రియాంక గాంధీ రాజకీయాలకు కటౌట్ కాదని స్పష్టమైంది. రాహుల్ గాంధీ తన స్వార్థం వల్లే తన గొప్ప తల్లిని బాధపెట్టాడు. సోనియా గాంధీ ఇష్టం లేకపోయినా రాజకీయాల్లోనే ఉంటానన్నారు. రాజకీయాల్లో ఉండేందుకు సోనియా

- తిరుపతిని దేశంలోనే అగ్రస్థానంలో నిలబెట్టుకుందాం అభివృద్ధి, సంక్షేమ పథకాలను అడ్డుకుంటున్న కూటమిని చిత్తుగా ఓడించండి - ఇంటింటా సార్వత్రిక ఎన్నికల ప్రచారం నిర్వహించిన టీటీడీ చైర్మన్, తిరుపతి ఎమ్మెల్యే భూమన కరుణాకర రెడ్డి తిరుపతి, త్రిశూల్ న్యూస్ : టీటీడీ చైర్మన్, తిరుపతి ఎమ్మెల్యే భూమన కరుణాకర రెడ్డి బుధవారం సాయంత్రం స్థానిక 42వ డివిజన్ పరిధిలో మయాని శేఖర్ రెడ్డి ఆధ్వర్యంలో ఇంటింటా ఎన్నికల ప్రచారం నిర్వహించారు. ఈ సందర్భంగా భూమన కరుణాక రెడ్డి కరపత్రాలను అందజేస్తూ, ఫ్యాన్ గుర్తుకే ఓటు వేయాలని అభ్యర్థించారు. ముఖ్యమంత్రి వైఎస్ జగన్ మోహన్ రెడ్డి ఔదార్యంతో అభివృద్ధి, సంక్షేమ పథకాలు అందుతున్నాయని.. జగన్ మోహన్ రెడ్డిని మళ్లీ ముఖ్యమంత్రిని చేసుకుందామని కోరారు. డిప్యూటీ మేయర్ గానే భూమన అభినయ్ తిరుపతిని దేశంలోనే ఓ ఆదర్శ నగరంగా తీర్చిదిద్దారని.. తిరుపతి ప్రజలు ఆశీర్వదిస్తే ఎమ్మెల్యేగా తిరుపతిని దేశంలోనే అగ్రస్థానంలో నిలబెడుతారన్న విశ్వాసాన్ని వ్యక్తం చేశారు. తిరుపతిలో మాస్టర్ ప్లాన్ రోడ్ల నిర్మాణ ఆలోచన భూమన అభినయ్ దే అని అన్నారు. భూమన అభినయ్ కి గొప్పగా ఆలోచించే సామర్థ్యం ఉందని తెలి

చంద్రగిరి, త్రిశూల్ న్యూస్ : చంద్రగిరి నియోజకవర్గంలో వైఎస్సార్ కాంగ్రెస్ పార్టీ కి వరుసగా షాక్'లు ఇస్తున్నారు ఆ పార్టీ నేతలు.. బుధవారం టీడీపీ ఎమ్మెల్యే అభ్యర్థి పులివర్తి నాని సమక్షంలో తొండవాడ పంచాయతీకి చెందిన మాజీ తిరుపతి గంగమ్మ ఆలయ చైర్మన్ రఘు రామి రెడ్డి అల్లుడు, వైసీపీ కీలక నేత బొందు మహేష్ రెడ్డి, రామిరెడ్డిపల్లి పంచాయతీకి చెందిన మాజీ సర్పంచ్ పూతలపట్టు సుబ్రమణ్యం యాదవ్, గొట్టిపాటి శ్రీహరి నాయుడు, కూచివారిపల్లెకు చెందిన చంగల్ రాయుడు, నాగేష్, శంకరమ్మ నాగయ్య గారి పల్లికి చెందిన వెంకటాద్రి నరసింగాపురం చెందిన వ్యక్తి కన్నయ్య యాదవ్ , యువత చేతన్ కుమార్, ప్రేమ్, గుణ, శేఖర్, గణి, విలోచ్, సుదీర్, కార్తీక్, వెంకటేష్, తిలక్ తదితరులు తెలుగుదేశం పార్టీలో చేరారు. పులివర్తి నాని తెలుగుదేశం పార్టీ జెండాలు కప్పి పార్టీలోకి సాదరంగా ఆహ్వానించారు. పార్టీలో అందరికీ సముచిత స్థానం కల్పిస్తానని భరోసా ఇచ్చారు.

అమరావతి, త్రిశూల్ న్యూస్ : ఆంధ్రప్రదేశ్‎లో సార్వత్రిక ఎన్నికలకు గడువు ముంచుకొస్తుంది. ఈనెల 18 నుంచి నామినేషన్ల ఘట్టం ప్రారంభం కానుంది. గురువారం నోటిఫికేషన్ జారీ‎తో అసలైన ఎన్నికల ప్రక్రియ ప్రారంభమవుతుందన్నారు సీఈవో ముఖేష్ కుమార్ మీనా. అన్ని జిల్లాల అధికారులు క్రమం తప్పకుండా నివేదికలు పంపించాలని ఆదేశించారు. అక్రమ రవాణా నియంత్రణలో ఇప్పటికి కొన్ని జిల్లాలు వెనుకబడి ఉండటంపై సీఈవో అసంతృప్తి వ్యక్తం చేశారు. మే 4లోపు ఎపిక్ కార్డులు పంపిణీని పూర్తి చేయాలని అధికారులను ఆదేశించారు. సార్వత్రిక ఎన్నికల్లో కీలక ఘట్టం మరికొన్ని గంటల్లో ప్రారంభం కాబోతుంది. గురువారం ఎన్నికల నోటిఫికేషన్ విడుదలతో నామినేషన్ల పర్వం ప్రారంభం కానుంది. దీంతో అన్ని జిల్లాల ఎన్నికల అధికారులకు కీలకమైన ఆదేశాలు జారీ చేశారు రాష్ట్ర ఎన్నికల ప్రధానాధికారి ముఖేష్ కుమార్ మీనా. సచివాలయం నుంచి వీడియో కాన్ఫరెన్స్ ద్వారా జిల్లాల వారీగా ఎన్నికల కోడ్ అమలు తీరు, ఇతర అంశాలపై సమీక్షించారు. గురువారం నోటిఫికేషన్ జారీతో ప్రారంభమయ్యే అసలైన ఎన్నికల ప్రక్రియ నిర్వహణకు అన్ని జిల్లాల అధికారులు సిద్ధం కావాలని మీనా ఆదేశించారు. ఎన్నికలను శాంతియ

పలమనేరు, త్రిశూల్ న్యూస్ : పెద్దపంజాణి మండలం ముత్తుకూరు గ్రామానికి చెందిన దళితుడు మొగులప్ప లాకప్ డెత్ కు కారణమైన అధికారులపై చర్యలు తీసుకోవాలని జాతీయ మానవ హక్కులు మరియు అవినీతి నిర్మూలన సంస్థ నాయకులు డివి మునిరత్నం, వేలాయుధం డిమాండ్ చేశారు. అందులో భాగంగా బుధవారం రవికుమార్ అధ్యక్షతన పలమనేర్ పట్టణంలో జాతీయ మానవ హక్కుల కార్యాలయం నందు సమావేశం నిర్వహించి తీవ్రంగా ఖండించారు. మృతుడు మొగిలప్ప వికలాంగుడు కాబట్టి మద్యం సేవించి అలవాటు ఉందని అటువంటి వ్యక్తిని అక్రమ మద్యం అమ్ముతున్నాడనే నెపంతో పెద్దపంజాణి పోలీసులు క్రూరంగా కొట్టడం సమంజసం కాదన్నారు. పార్థసారథి మాట్లాడుతూ మృతుని భార్య తన భర్త అనారోగ్యవంతుడు కొట్టొద్దండని ఎస్సై శ్రీనివాసులును ప్రాధేయ పడుతున్న వినిపించుకోకుండా చితక బాదడం, దుర్మార్గమన్నారు. గుర్రం సుబ్రహ్మణ్యం మాట్లాడుతూ మొగిలప్ప నిజంగా నేరం చేసి ఉంటే కేసు నమోదు చేసి కోర్టుకు హాజరు పరచాలేగాని సొంత నిర్ణయాలతో చట్టాన్ని చేతులకు తీసుకొని దళితుడు చనిపోయే విధంగా కొట్టడం సరికాదన్నారు. దళితుడు మొగిలప్ప లాకప్ డెత్ పై ఉన్నతాధికారులు సమగ్రమైన విచారణ జరిపి కారణమైన ఎస్సై, డాక్టర్, జైలు

చెన్నై, త్రిశూల్ న్యూస్ : ప్రస్తుతం సినిమా సెలబ్రెటీలు రాజకీయాల్లో బిజీగా అవుతున్నారు. ఇప్పటికే దళపతి విజయ్, పవన్ కళ్యాణ్ ఇలా రాజకీయాల్లో కొంతమంది స్టార్ హీరోలు రాజకీయాల్లో చురుగ్గా ఉన్నారు. తాజాగా విశాల్ కూడా రాజకీయాల్లోకి రానున్నారని తెలుస్తుంది. తాజాగా విశాల్ చేసిన కామెంట్స్ ఇప్పుడు వైరల్ గా మారాయి. సీఎం జగన్‌పై నటుడు విశాల్ ఆసక్తికర వ్యాఖ్యలు చేశారు. ఈసారి కూడా జగన్ సీఎం కాబోతున్నారంటూ కామెంట్ చేశారు విశాల్. నేను పార్టీ సపోర్టర్ కాదు.. ఐ లైక్ జగన్ అన్నారు విశాల్. రాజకీయ నాయకులు నటులుగా మారుతున్నారు. అందుకే నటులు రాజకీయాల్లోకి వస్తున్నారు. సినిమాలు, రాజకీయాలు బ్యాలెన్స్ చేయలేము. ఎక్కడో ఏసీ రూమ్‌లో కూర్చొని చేసే పని కాదు ఇది. రాజకీయాల్లోకి రావాలంటే కొన్ని విషయాలు పూర్తిగా మరిచిపోవాలంటున్నారు విశాల్.

- 9నెలలుగా అందని జీతభత్యాలు.. రెండు నెలలుగా నిరసనలో ఉద్యోగులు - నిరసన సమయంలో ఉద్యోగులపై ఓ మహిళా అటెండర్ చిందులు  - గుడుపల్లె పోలీస్ స్టేషన్ లో పరస్పరం పిర్యాదులు కుప్పం, త్రిశూల్ న్యూస్ : ఇచ్చేది అరకొర జీతాలు.. అందులోనూ సమయం సందర్బం లేని పనివేళలు.. కనీస వేతనానికి కూడా నోచుకోక ఇచ్చిందే పుచ్చుకుని ఇంతకాలం ఏదోలా కాలం వెళ్ళదీసిన కాట్రాక్ట్ ఉద్యోగులకు గత 9నెలలుగా జీతలు చెల్లించలేదు ద్రావిడ యాజమాన్యం. దింతో కడుపు మండిన ఉద్యోగులు శాంతియుతంగా తమకు అప్పగించిన సమయంలో పని చేస్తూ మధ్యాహ్నం 12నుంచి 1గంట సమయంలో మాత్రం గత మూడు నెలలుగా నిరసన తెలియజేస్తున్నారు. అయినా కూడా ద్రావిడ విశ్వవిద్యాలయ వైస్ ఛాన్సలర్, రిజిస్టర్ లు పట్టించుకోకపోవడంతో కడుపు మండిన ఉద్యోగులు సోమవారం సాయంత్రం మంగళవారం నుండి నిరవదిక నిరసనకు పిలుపునిస్తూ వర్సిటీ అధికారులకు రాతపూర్వకంగా తెలియజేసినట్లు ఉద్యోగులు తెలిపారు. ఈ క్రమంలో మంగళవారం ఉదయం సుమారు 220 విధులకు హాజరు కాకుండా నిరసనలో పాల్గొన్నామని.. తమిళ డిపార్ట్మెంట్ లో అటెండర్ గా పనిచేస్తున్న ఓ మహిళ విధులకు హాజరు కావడంతో తోటి మహిళా ఉద్యోగులు జీతాల కోసం అందరం కలసి నిరసన మీ

న్యూఢిల్లీ, త్రిశూల్ న్యూస్ : కేంద్ర హోం మంత్రిత్వ శాఖ కార్యాలయంలో అగ్ని ప్రమాదం చోటు చేసుకుంది. మంగళవారం ఉదయం హోం శాఖ ఆఫీస్‌లో మంటలు చెలరేగినట్లు సిబ్బంది ఫైర్ సిబ్బందికి సమాచారం అందించారు. దీంతో రంగంలోకి దిగిన అగ్నిమాపక సిబ్బంది మంటలను అదుపు చేశారు. అయితే అప్పటికే కార్యాలయంలోని కంప్యూటర్లు, పత్రాలు, ఫైళ్లు, జిరాక్స్ మిషన్‌కు మంటలు అంటుకుని కాలి బూడిదైనట్లు గుర్తించారు. కేంద్ర హోం మంత్రిత్వ శాఖ ఆఫీస్‌లో అగ్నిప్రమాదం జరిగిన సమయంలో కేంద్ర హోం మంత్రి అమిత్ షా అక్కడ లేరని అధికారులు వెల్లడించారు. కొందరు సీనియర్ అధికారులు ఉన్నట్లు తెలిపారు. మంగళవారం ఉదయం 9.20 గంటలకు ఆఫీస్‌లో అగ్నిప్రమాదం సంభవించి నట్లు వివరించారు. నార్త్‌ బ్లాక్‌లోని ఐసీ డివిజన్‌లోని రెండో ఫ్లోర్‌లో ఈ మంటలు చెలరేగినట్లు పేర్కొన్నారు. అమిత్ షా ఆఫీస్‌లో ఫైర్ యాక్సిడెంట్ అయిందని అధికారులు ఇచ్చిన సమాచారంతో వెంటనే అగ్నిమాపక శాఖ అధికారు లు హుటాహుటిన ఘటనా స్థలికి చేరుకున్నారు. 7 ఫైర్‌ ఇంజన్ల సాయంతో ఎగిసి పడిన మంటలను అదుపు చేసినట్లు ఢిల్లీ ఫైర్ సర్వీసెస్ సీనియర్‌ అధికారి ఒకరు వెల్లడించారు. ఈ ఘటనలో ఎవరికీ ఎలాంటి గాయాలు క

న్యూఢిల్లీ, త్రిశూల్ న్యూస్ : ఏపీలో ఎల్లుండి నుంచి నామినేషన్ల పర్వం ప్రారంభం కానుంది. నాలుగో విడత లోక్‌సభ ఎన్నికలకు, అసెంబ్లీ ఎన్నికల ప్రక్రియ ప్రారంభం కానుంది. ఇక, మే 13వ తేదీన పోలింగ్‌ జరుగనుంది. కాగా ఏపీ, తెలంగాణ సహా పది రాష్ట్రాల్లో నాలుగో విడతలో పోలింగ్‌ జరుగనుంది. పది రాష్ట్రాల్లో 96 ఎంపీ సీట్లకు ఎన్నికలు జరుగనున్నాయి. ఈ క్రమంలో ఎల్లుండి నుంచి నామినేషన్ల పర్వం ప్రారంభం కానుంది. 

విజయవాడ, త్రిశూల్ న్యూస్ : వేసవి సెలవుల నేపధ్యంలో విజయవాడ (గన్నవరం) ఎయిర్పోర్ట్ నుంచి హైదరాబాద్ వెళ్లేందుకు ఎయిర్ ఇండియా సంస్థ నూతన సర్వీసును ఏర్పాటు చేసింది. నూతనంగా ఏర్పాటు చేసిన ఈ ప్రత్యేక సర్వీస్ ను మంగళవారం ఉదయం లాంఛనంగా ప్రారంభించారు. ఎయిర్ ఇండియా ఎక్స్ ప్రెస్ పేరుతో నడిచే ఈ సర్వీస్ 180 మంది ప్రయాణికుల సామర్థ్యంతో ప్రయాణించనున్నది. హైదరాబాదులో ఉదయం 7:25 కు బయలుదేరి 8:30 గంటలకు విజయవాడ చేరుకుంటుంది. విజయవాడ నుంచి 8:55 కు బయలుదేరి 9:55 కు హైదరాబాద్ చేరుకుంటుందని విజయవాడ ఎయిర్పోర్ట్ అధికారులు తెలిపారు.

అమరావతి, త్రిశూల్ న్యూస్ : జనసేన పార్టీకి ఏపీ హై కోర్టులో బిగ్ రిలీఫ్ లభించింది. గాజు గ్లాసు గుర్తును ఎన్నికల కమిషన్ జనసేనకే కేటాయించింది. జనసేనకు గాజుగ్లాస్ గుర్తును కేటాయించవద్దని రాష్ట్రీయ ప్రజా కాంగ్రెస్ (సెక్యులర్) హైకోర్టులో పిటిషన్ వేసింది. ఇటీవలే ఇరుపక్షాల సుదీర్ఘ వాదనలు విన్న హై కోర్టు తీర్పును రిజర్వ్ లో ఉంచింది. నేడు జనసేనకు అనుకూలంగా తీర్పునివ్వడంతో.. జనసేనులంతా ఊపిరి పీల్చుకున్నారు. జనసేనకు ఈసీ గాజు గ్లాస్ గుర్తును కేటాయించడాన్ని సవాల్ చేస్తూ.. రాష్ట్రీయ ప్రజా కాంగ్రెస్ (సెక్యులర్) దాఖలు చేసిన పిటిషన్ ను కొట్టివేసింది.

భద్రాచలం, త్రిశూల్ న్యూస్ : భ‌ద్రాచలంలో శ్రీ సీతా రాముల కల్యాణానికి శ్రీరామ దివ్య క్షేత్రం ముస్తాబవుతోంది. శ్రీరామనవమికి అన్ని ఏర్పాట్లు చేశారు. రేపు సీతారాముల కల్యా ణం జరగనుంది. అయితే శ్రీరామనవమి వేడుకల్లో భాగంగా ఇవాళ ఎదరుకోలు ఉత్సవాన్ని పండితులు నిర్వహిస్తున్నారు. ఈరోజు జరిగే శ్రీ రామనవమి కోసం వివిధ ప్రభుత్వ శాఖల ఆధ్వర్యంలో రూ. 3కోట్ల వ్యయంతో ఏర్పాట్లు చేస్తున్నారు. భద్రాచలంలో సీతారాముల కల్యాణం నేపథ్యంలో ఏర్పా ట్లు చురుగ్గా జరుగుతున్నాయి. రామాలయ ప్రాంగణాన్ని సర్వాంగ సుందరంగా తీర్చిదిద్దుతున్నారు. శ్రీ సీతారాముల కల్యాణం జరిగే మిథిలా కళ్యాణ మంటపాన్ని సుందరంగా అలంకరిస్తున్నారు. నేడు ఎదురుకోలు వేడుక‌… భద్రాద్రిలోని రామాలయం ఉత్తర ద్వారం వద్ద ఈ ఎదురుకోలు ఉత్సవాన్ని నిర్వహించనున్నారు. రేపు మిధిలా స్టేడియంలో సీతారామ కల్యాణం జరగనుంది. రేపు సీతారామ కల్యాణం సందర్భంగా పెద్దయెత్తున భక్తులు భద్రాద్రికి చేరుకుం టున్నారు. ముందుగా టిక్కెట్లు బుక్ చేసుకున్న వాళ్లు ఇప్పటికే భద్రాద్రి బాట పట్టారు. భద్రాచలంలోని అన్ని వసతి గృహాలు బుక్ అయి పోయాయి. సీతారామలు కల్యాణాన్ని తిలకించేందుకు ఎక్కువ మంది

తిరుమల, త్రిశూల్ న్యూస్ : తిరుమ‌ల శ్రీ‌వారి ఆర్జిత సేవా టికెట్లకు సంబంధించిన జూలై నెల కోటాను ఏప్రిల్ 18న ఉదయం 10 గంట‌ల‌కు టీటీడీ ఆన్‌లైన్‌లో విడుదల చేయ‌నుంది. ఈ సేవాటికెట్ల ఎలక్ట్రానిక్ డిప్ కోసం ఏప్రిల్ 20వ తేదీ ఉదయం 10 గంటల వరకు ఆన్‌లైన్‌లో నమోదు చేసుకోవచ్చు. అదేరోజు మధ్యాహ్నం 12 గంటలకు లక్కీడిప్ లో టికెట్లు మంజూరవుతాయి. ఈ టికెట్లు పొందిన వారు సొమ్ము చెల్లించి ఖరారు చేసుకోవాల్సి ఉంటుంది. అదేవిధంగా, కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవాటికెట్ల కోటాను ఏప్రిల్ 22వ తేదీ ఉదయం 10 గంటలకు ఆన్‌లైన్‌లో విడుదల చేస్తారు. ఏప్రిల్ 22న వర్చువల్ సేవల కోటా విడుదల వర్చువల్ సేవలు, వాటి దర్శన స్లాట్లకు సంబంధించిన జూలై నెల కోటాను ఏప్రిల్ 22న మధ్యాహ్నం 3 గంటలకు టీటీడీ ఆన్‌లైన్‌లో విడుదల చేయనుంది. ఏప్రిల్ 23న‌ అంగప్రదక్షిణం టోకెన్లు విడుదల  జూలై నెల‌కు సంబంధించిన అంగప్రదక్షిణం టోకెన్ల కోటాను ఏప్రిల్ 23న ఉదయం 10 గంటలకు టీటీడీ ఆన్‌లైన్‌లో విడుదల చేయ‌నుంది. శ్రీవాణి టికెట్ల ఆన్ లైన్ కోటా…! శ్రీవాణి ట్రస్టు టికెట్లకు సంబంధించిన జూలై నెల ఆన్ లైన్ కోటాను ఏప్రిల్ 23వ తేదీ ఉ

ఉత్తరప్రదేశ్, త్రిశూల్ న్యూస్ : శ్రీరామనవమి వేడుకల సందర్భంగా రామజన్మ భూమి అయోధ్యనగరి సర్వాంగా సుందరంగా ముస్తాబవుతుంది. ఈ సందర్భంగా ఇవాళ్టి నుంచి మూడు రోజుల పాటు ఆయోద్య రామ మందిరాన్ని 20 గంటల పాటు భక్తుల కోసం తెరచి ఉంచాలని నిర్ణయించారు. బాలరాముడి ప్రాణ ప్రతిష్ట అనంతరం తొలి శ్రీరామన వమి కావడంతో అధికారు లు పెద్ద ఎత్తున ఏర్పాట్లు చేస్తున్నారు. దాదాపు 40 లక్షల మంది వేడుకలకు హజరవుతారని అంచనా వేస్తున్నారు. భక్తుల రద్దీని దృష్టిలో ఉంచుకొని శ్రీరామ మందిర్ ఆలయ ట్రస్టు ఏడు వరుస ల్లో భక్తులను దర్శనానికి అనుమంతించాలని నిర్ణయించింది. శ్రీరామనవమి వేడుకలకు భారీ భద్రతా ఏర్పాట్లు చేస్తున్నారు. నయా ఘాట్ జోన్, నాగేశ్వర నాథ్ జోన్, హనుమాన్ గర్హి టెంపుల్ జోన్, కనక్ భవన్ టెంపుల్ జోన్ సహా ఇతర ప్రాంతాల్లో కట్టుదిట్టమైన భద్రతా ఏర్పా ట్లు చేపడుతున్నారు. భక్తులక సౌకర్యార్ధం 24 గంటల పాటు పని చేసే విధంగా కంట్రోల్ రూం ను ఏర్పాటు చేశారు. మూడు షిఫ్టుల్లో అధికారులను నియమించనున్నారు. రామజన్మభూమి మార్గంలో అదనంగా 80 సీసీ కెమెరాలు, 50 చోట్ల వాటర్ కూలర్లను సైతం ఏర్పాటు చేస్తున్నారు.

మంగళగిరి, త్రిశూల్ న్యూస్ : ప్రకాశం జిల్లా అర్దవీడు మండలం మొహిద్దీన్ పురంలో సోమవారం అర్ధరాత్రి దొంగలు హల్చల్ చేశారు. గ్రామంలో 2 గంటల సమయంలో గొర్రెల దొంగతనానికి వచ్చి దొంగలు గొర్రెల కాస్తున్న దంపతులపై దాడి చేశారు. ఈ దాడిలో గొర్రెల కాపరికి స్వల్ప గాయాలు కాగా.. భార్యకు తీవ్రంగా గాయాలయ్యాయి. గాయపడ్డ వారిని మెరుగైన వైద్య చికిత్స నిమిత్తం మంగళగిరి హాస్పిటల్ కు తరలించారు.

- గుజరాత్‌లో ఇద్దరు నిందితులను అరెస్ట్ చేసిన ముంబై పోలీసులు - సోమవారం అర్ధరాత్రి అదుపులోకి తీసుకున్న ముంబై క్రైమ్ బ్రాంచ్ - విచారణ కోసం ముంబైకి తరలిస్తామని చెప్పిన అధికారులు ముంబై, త్రిశూల్ న్యూస్ : ముంబైలోని బాంద్రా వెస్ట్‌లో బాలీవుడ్ నటుడు సల్మాన్ ఖాన్ నివాసం వెలుపల కాల్పులకు పాల్పడ్డ ఇద్దరు నిందితులను ముంబై క్రైమ్ బ్రాంచ్ పోలీసులు అరెస్టు చేశారు. గుజరాత్‌లోని భుజ్‌లో సోమవారం అర్ధరాత్రి వీరిద్దరినీ అదుపులోకి తీసుకున్నట్టు ధృవీకరించారు. కాల్పుల అనంతరం ముంబై నుంచి గుజరాత్ పారిపోయారని పోలీసులు అధికారులు వివరించారు. విచారణ కోసం వీరిని ముంబైకి తీసుకొస్తామని తెలిపారు. కాగా ఆదివారం తెల్లవారుజామున జరిగిన కాల్పుల ఘటన జరిగింది. సల్మాన్ నివాసం గెలాక్సీ అపార్ట్‌మెంట్ వెలుపల ఇద్దరు గుర్తుతెలియని వ్యక్తులు కాల్పులకు పాల్పడ్డారు. కాల్పుల అనంతరం అక్కడి నుంచి పారిపోయారు. మోటారుసైకిల్‌పై వచ్చిన నిందితులు హెల్మెట్‌లు ధరించారు. పక్కా ప్రణాళికతో నాలుగు రౌండ్ల కాల్పులకు పాల్పడ్డారు. ఈ ఘటనపై మహారాష్ట్ర సీఎం ఏక్‌నాథ్ షిండే స్పందించారు. సల్మాన్‌ ఖాన్‌తో ఫోన్‌లో మాట్లాడారు. సల్మాన్ ఖాన్‌కు భద్రతన

ఖమ్మం, త్రిశూల్ న్యూస్ : భద్రాద్రి వాసుల కష్టాలు సగం తీరినట్టే. గోదావరి నదిపై భద్రాచలం వద్ద నిర్మించిన రెండో వంతెన ప్రారంభమైంది. కలెక్టర్‌ ప్రియాంక అల, ఎస్పీ రోహిత్‌రాజ్‌ ప్రారంభించగా.. ఉన్నతాధికారులు నూతన వంతెనపై తమ వాహనాలు నడిపారు. మిగతా వాహన దారులు సారపాక వైపు నుంచి భద్రాచలం వైపునకు రాకపోకలు సాగించారు. 2015 ఏప్రిల్‌ 1వ తేదీన కేంద్ర మంత్రి నితిన్‌ గడ్కరీ, అప్పట్లో రాష్ట్ర రహదారు లు, భవనాల శాఖామంత్రి గా ఉన్న తుమ్మల నాగేశ్వర రావు ఈ వంతెనకు శంకుస్థా పన చేశారు. అనంతరం వివిధ కారణా లతో నిర్మాణం జాప్యం కాగా.. ఇటీవల మళ్లీ మంత్రి పదవి చేపట్టిన తుమ్మల నాగేశ్వరరావు పనులను పూర్తి చేయించేందుకు చొరవచూపారు. శ్రీరామనవమికల్లా కొత్త వంతెనను అందుబాటులోకి తీసుకురావాలని ఆదేశించ డంతో అధికారులు పనులు వేగవంతం చేయించారు. ఇప్పటికే ఉన్న పాత బ్రిడ్జితో పాటు దీన్ని పూర్తిస్థాయిలో ప్రయాణికులు, భక్తులకు అందుబాటులోకి తెచ్చారు. వంతెన అందుబాటులోకి రావడంతో భద్రాచలం వాసులు ఆనందం వ్యక్తం చేస్తున్నారు. తమకు రవాణా సమస్య కాస్త తీరినట్టేనని అంటున్నారు. స్థానిక ప్రజలు.

కరీంనగర్, త్రిశూల్ న్యూస్ : స్కూల్ బస్సు ఢీకొని రెండేళ్ల చిన్నారి మృతిచెందిన ఘటన కరీంనగర్ జిల్లా మల్యాల మండలంలో ఈరోజు ఉదయం చోటు చేసుకుంది. మద్దుట్ల గ్రామానికి చెందిన ఎండి ఆలిఫా అనే రెండేళ్ల చిన్నారి సోదరుడు పాఠశా లకు వెళ్తూ స్కూల్ బస్సులో కూర్చుకున్నాడు. తన సోదరునితో వెళ్లాలని ఆ చిన్నారి బస్సు ముందు కు వెళ్లింది. ఇది గమనించని డ్రైవర్ స్కూల్ బస్సు ముందుకు పోనించాడు. ఆలిఫా తలపై టైరు ఎక్కడంతో తలకు తీవ్ర గాయమై మరణించింది.

- క్షేమంగా బయటపడ్డ పసికందు తూర్పుగోదావరి, త్రిశూల్ న్యూస్ : మగ సంతానం పై ఉన్న మమకారం ఓ తల్లిని మానవత్వం లేకుండా చేసింది. కంటికి రెప్పలా చూసుకోవాల్సిన అప్పుడే పుట్టిన పసికందును ఇరవై అడుగుల ఎత్తు నుంచి తుప్పల్లోకి విసిరేసింది. ఆ తర్వాత తప్పు తెలుసుకుని కన్నీరు మున్నేరుగా విలపిస్తుంది. ఈ హృదయ విధారకరమైన సంఘటన తూర్పుగోదావరి జిల్లా కడియం మండలం వేమగిరిలో చోటుచేసుకుంది. ఇటువంటి సంఘటన గతంలో ఎక్కడ ఎప్పుడు జరిగి ఉండకపోవచ్చు. స్థానికులు, బంధువులు, వైద్యులు తెలిపిన ఈ సంఘటన వివరాలు ఇలా ఉన్నాయి. వేమగిరి గణపతినగరం ప్రాంతానికి చెందిన తాపీ పనులు చేసే కుటుంబంలో వరుసగా ముగ్గురు ఆడపిల్లలు పుట్టారు. వారు ముగ్గురు కూడా ప్రస్తుతం స్కూల్ కి వెళ్తున్నారు. అయితే తల్లికి మాత్రం మగసంతానంపై మమకారం వెంటాడుతూనే ఉంది. అందుకనే కుటుంబ నియంత్రణ ఆపరేషన్ చేసుకున్నట్లు నమ్మించి ఆ తర్వాత గర్భం దాల్చింది. ఈ విషయాన్ని ఎవరికీ తెలియనీయలేదు. అబ్బాయి పుడితే అందరికి చెబుదాం.. అమ్మాయి పుడితే ఎవరికి తెలియకుండా మాయం చేద్దామని ఉద్దేశం ఉంది. బంధుమిత్రులకు చుట్టుపక్కల ఎవరికి ఈ విషయం తెలియనివ్వలేదు. చివరికి భర్తకు కూడా అనుమాన

అమరావతి, త్రిశూల్ న్యూస్ : ప్రస్తుతం ఏ గ్రామంలో చూసినా కొందరు వైకాపా నాయకులు, పాలకుల లక్ష్యం ఒక్కటే.. గ్రామ వాలంటీర్లతో రాజీనామా చేయించడమే. రహస్యంగా వాలంటీర్లను ఓ ప్రాంతానికి రప్పించుకుని సమావేశాలు నిర్వహించడం, రాజీనామాలకు ఒత్తిడి తీసుకురావడం పరిపాటిగా మారింది. కొందరు విముఖత చూపడంతో వారినీ ఒప్పించేందుకు కొత్త ఆఫర్లను ప్రకటిస్తుండటం కనిపిస్తోంది. బరిలో ఉన్న అభ్యర్థి ద్వారా ఒక్కొక్కరికి రూ.15 వేలు ఇస్తారని చెబుతుండటం గమనార్హం. అలాగే, మళ్లీ అధికారంలోకి రాగానే మీ ఉద్యోగం తిరిగి ఇస్తామనే హామీలూ గుప్పిస్తున్నట్లు తెలుస్తోంది. దీంతో పలువురు వాలంటీర్లు ఇష్టం లేకపోయినా రాజీనామాలకు సిద్ధమైనట్లు సమాచారం. సోమవారం కొత్తపల్లి మండలంలోని కొన్ని తీరప్రాంత గ్రామాల్లో ఇదే తరహాలో బేరసారాలు జరిగాయి. నాయకులు ఆఫర్‌కు తోడు.. కొన్ని నిబంధనలనూ ప్రస్తావించడం క్షేత్రస్థాయిలో చర్చగా మారింది. రాజీనామా చేసిన వాలంటీర్లు వైకాపా గెలుపే లక్ష్యంగా పనిచేయాలని సూచించడంతో పాటు.. ఒక్కొక్క వాలంటీర్‌ రోజుకు కనీసం నలుగురిని కలసి వైకాపాకు ఓటేసేలా చేయాలన్నది ఆ మాటల సారాంశం. ఇలా చేసినందుకు తమ నుంచి పూర్తిస్థాయిలో సహకార

తిరుమల, త్రిశూల్ న్యూస్ : తిరుమలలో భక్తుల రద్దీ కొనసాగుతోంది. 4 కంపార్టుమెంట్లలో భక్తులు వేచి ఉన్నారు. శ్రీవారి సర్వదర్శనానికి 10 గంటల సమయం పడుతుంది. ఇక ప్రత్యేక ప్రవేశ దర్శనానికి 3 గంటల సమయం పడుతుంది. తిరుమల శ్రీవారిని నిన్న 77వేల 511 మంది భక్తులు దర్శించుకొని మొక్కులు చెల్లించుకున్నారు. ఇక రేపు శ్రీవారి ఆలయంలో శ్రీరామ నవమి వేడుకలు నిర్వహించనున్నారు. రేపు రాత్రి 7 గంటలకు హనుమంత వాహనంపై మలయప్పస్వామి ఊరేగనున్నారు. ఈ నేఫథ్యంలో శ్రీవారి ఆలయంలో పలు ఆర్జిత సేవలు రద్దు చేసింది టీటీడీ. ఎల్లుండి శ్రీవారి ఆలయంలో శ్రీరామ పట్టాభిషేకం నిర్వహించనున్నారు.

హైదరాబాద్, త్రిశూల్ న్యూస్ : ఎలాంటి అవంఛనీయ సంఘటనలు జరగకూడదనే ఉద్దేశంతో మద్యం దుకాణాలు మూసివేయిస్తుంటారు. ఈ క్రమంలోనే తాజగా శ్రీరామనవమిని పురస్కరించుకొని హైదరాబాద్‌ జంట నగరాల్లో ఒకరోజు మద్యం దుకాణాలు బంద్‌ చేస్తూ అధికారులు నిర్ణయం తీసుకున్నారు. బుధవారం మద్యం దుకాణాలు బంద్‌ కావాల్సిందే అంటూ అధికారులు ఆదేశాలు జారీ చేశారు. ఈ మేరకు హైదరాబాద్ సీపీ ఆదేశాలు జారీ చేశారు. ఎవరైనా ఆదేశాలను బేఖాతరు చేస్తూ ఎవరైనా మద్యం దుకాణాలు తెరిస్తే కఠిన చర్యలు ఉంటాయని హెచ్చరించారు.

– టీడీపీ కూటమి నాయకులు వ్యాఖ్యలు అవగాహన రాహిత్యానికి నిదర్శనం – ప్రజలు మాపై పెట్టుకున్న నమ్మకాన్ని మేము వమ్ముచేయం - భవిష్యత్‌లోనూ రాజాం అసెంబ్లీ నియోజకవర్గాన్ని మరింత అభివృద్ధి చేస్తాం – విజయనగరం ఎంపీ అభ్యర్ధి బెల్లాన చంద్రశేఖర్ (పెదబాబు), రాజాం అసెంబ్లీ ఎమ్మెల్యే అభ్యర్ధి డాక్టర్ రాజేష్, ప్రభుత్వ విప్, ఎమ్మెల్సీ పాలవలస విక్రాంత్ స్పష్టీకరణ విజయనగరం, త్రిశూల్ న్యూస్ : వైసీపీ అధికారంలోకి వచ్చాక రాజాం అసెంబ్లీ నియోజకవర్గంలో ఎలాంటి అభివృద్ధి జరిగిందో ఇక్కడి ప్రజలకు తెలుసని విజయనగరం ఎంపీ అభ్యర్ధి బెల్లాన చంద్రశేఖర్ (పెదబాబు), రాజాం అసెంబ్లీ ఎమ్మెల్యే అభ్యర్ధి డాక్టర్ రాజేష్, ప్రభుత్వ విప్, ఎమ్మెల్సీ పాలవలస విక్రాంత్ లు తెలిపారు. వంగర మండలంలో తలగాం గ్రామంలో సోమవారం ‘ఇంటింటికీ వైసీపీ’ ప్రజా దీవెన కార్యక్రమం నిర్వహించారు. సంక్షేమ పథకాలు, అభివృద్ధి పనుల వివరాలు తెలుపుతూ రూపొందించిన కరపత్రాలను పంపిణీ చేశారు. రానున్న ఎన్నికల్లో ‘ఫ్యాన్‌’ గుర్తుకు ఓటు వేయాలని అభ్యర్థించారు. టిడిపి కూటమి అభ్యర్ధి అర్థంపర్థం లేని ఆవేశం తప్పితే ఎలాంటి అవగాహన లేదని అన్నారు. రాజాం అసెంబ్లీ నియోజకవర్గ పరిధి

హైదరాబాద్, త్రిశూల్ న్యూస్ : తెలంగాణలో లోక్‌సభ ఎన్నికలు సమీపిస్తుం డడంతో ఎలక్షన్ కమిషన్ అధికారులు ఏర్పాట్లపై దృష్టిసారించారు. ఈ మేరకు సన్నాహాలు చేస్తున్నారు. ఇందులో భాగంగా మే 3 నుంచి పోస్టల్ బ్యాలెట్ ఓటింగ్ ప్రక్రియ ప్రారంభించాలని యోచిస్తున్నారు. సాధారణ పోలింగ్‌‌కు నాలుగు రోజుల ముందు గానే ఈ పక్రియను పూర్తి చేయాల్సి ఉండడంతో 8వ తేదీలోగా పోస్టల్ బ్యాలెట్ ఓటింగ్‌ను పూర్తి చేయాలని ఎన్నికల సంఘం నిర్ణయించింది. దీంతో ఈ దిశగా అధికా రులు అడుగులు వేస్తు న్నారు. పోస్టల్ బ్యాలెట్ పత్రాల ముద్రణను నెల 30న మొదలు పెట్టి రెండో తేదీలోగా పూర్తి చేయాలని నిర్ణయించారు. ఎన్నికల సంఘం నిర్ణయించినట్టుగా పోస్టల్‌ బ్యాలెట్‌ పత్రాలను ఆయా జిల్లాల్లోనే ముద్రిం చనున్నాయి. కాగా ఈవీఎం యంత్రాలపై ఉంచే బ్యాలెట్‌ పత్రాలను హైదరాబాద్‌లోనే ముద్రించా లని అధికారులు నిర్ణయిం చారు.85 ఏళ్లు దాటిన వయోవృద్ధులకు పోస్టల్‌ బ్యాలెట్‌ ద్వారా ఓటు హక్కు వినియోగించు కునేందుకు కేంద్ర ఎన్నికల సంఘం అవకాశం కల్పిం చిన విషయం తెలిసిందే. వృద్ధులతో పాటు ఎన్నికల విధుల్లో పాల్గొనే సిబ్బంది, కేంద్ర సర్వీసుల్లో ఉన్న ఉద్యోగులు, దివ్యాంగులు కూ